Jacques 5:10 - Mbede Lə Luba Kone Gə Sigi

¹⁰ Ngan ko̰-mje, unje ne kɔji mar-ɛ dɔ ꞌməsərə gə gə kuwa məndəər lə pajambərəje gə ꞌpa tar gə ri Mbayɓe.

Testament ke Siki 1960 (Kabba Laka)

¹⁰ Ngakömdjé, etaaidjé tar lo prophètedjé ke pa tar ke ri Mbaibé Seigneur leo, to né tòdjou lo né ongou ke mè ke enge ang.

Jacques 5:10 Iomraidhean Croise

Lugu 13:34

Dəwje gə Jerujalɛm, dəwje gə Jerujalɛm, sisəy gə ꞌtoje nje tɔl pajambərəje ngaɓa nje gə Luba ula-je kara ꞌcilaje-je gə kɔr ər ꞌtɔlje-je, gɔl kandə gə m-njigi dəbə bagə-m dɔ-si gə to gə ko̰ kunja ula ne bəl jam dɔ ngan-ɛ gə be, ngaa ꞌnjigije ang.

Lugu 6:23

Ɗaje rɔləl dɔ ndɔ-ɛ gə nee le ngaɓa talje ꞌmajagəra, mba nekuga dɔ ji lə-si a bo ya̰ mə dara gə; mba bɔ-sijee ɗa to gə bənəng ja kede gə pajambərəje lə Luba tɔ.

Koula 3:21

Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le.

Koula 7:52

Pajambərə lə Luba gə ɗa ɓa ka-sijee d-ula kəm-e ndoo ang wa? ꞌTɔlje nje gə d-ila mbərə ɗe lə dəw gə gadə-gadə kede nam ngaɓa sisəy gə ɓogəne ilaje tar dɔ-ɛ gə ɓa ar-je ꞌtɔl-ɛ le.

Ebərəje 13:7

Ar-je mə-si ole dɔ njekɔr no-sijee gə ꞌpa tar lə Luba d-ar-si, ꞌtənje pa nja-je saar ce ne dɔ ndɔ yo-je gə ɗaa ꞌndəjije takagə lə-je.

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

Jacques 5:13

Se dəw kara horo-si gə isi dan ꞌməsərə gə wa? May kar-ɛ dəji Luba. Se dəw kara isi dan rɔləl gə wa? May kar-ɛ ɔsə pa.

Jacques 5:7

Ngan ko̰-mje, uwaje mə-si ndəər, saar ndɔ ɗe lə Mbayɓe. Oje njendɔ ngəbə kandə ne gə ar yororo gə ye gə dubu nangə, uwa məndəər saar kar-ɛ inga man nji gə dɔngɔr, gə ta ngaw nji gə, gə ye gə ɗudu gə dɔ nay gə.

Jacques 5:9

Ngan ko̰-mje, ꞌpaje tar gə kṵra̰y dɔ naa gə yo gə ne ang, mba kar Luba gangə ne tar dɔ-si gə ang. Oje, nje gangə tar le ar ta kəy gə nee.