Jacques 3:6 - Mbede Lə Luba Kone Gə Sigi

⁶ To gə be ɓa ndo̰ le kara to to gə pər be tɔ; N-to gə ngira neɗa gə dɔ buguru: ndo̰ to gə bar kəm rɔ-si, n-ɗa n-ar darɔ-si tɔ̰y mina ngaɓa n-ro-si lo kisi kəm baa gə lə-si gə dɔ nangə gə nee, ꞌne kara, pər gə ṵy ang le ro-e tɔ.

Testament ke Siki 1960 (Kabba Laka)

⁶ Ndö to to pourou. Ndö to tokou nange ke madjang horo barkem ròdjè té, nda ròdjè toï madjang, yélè ndò té lodjè toï, loou kem pourou ke yélè kendé.

Jacques 3:6 Iomraidhean Croise

Matiye 12:24

Parijiyɛ̰je d-o tar-ɛ ɗaa ꞌpa na: Dəw gə nee le, Bɛləjebul, mbay lə njilje gə kṵra̰y ɓa ar-ɛ singa n-tɔbə ne njilje gə kṵra̰y.

Matiye 5:22

Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Marəke 7:15

Ne kara ja gə a kḭ ɗaga kandə mə dəw gə kar-ɛ mina ne le godo; ngaa ne gə ḭ mə dəw gə le ɓa ɗa dəw ar-ɛ mina.

Lugu 16:24

Be ɓa, n-uru ꞌkuwi ɓolong na: Abəraham, bɔy, o kəmtondoo lə-m ɓo ula Lawjar ar-ɛ ula ngaw ji-a man ɗe yom ne ndo̰-m. Mba, m-o ꞌməsərə dan pər gə o̰ bilim-bilim.

Koula 20:30

ngaɓa horo-sisəy gə ja kara dəwje gə kɛm d-a kuba nangə kḭ pa tarje gə ngabula mba kɔr ne ngan njenendoje kum neje go-je gə.

Koula 5:3

Be ɓa Piyɛr pa ar Ananiyas na: Mba ɗi ɓa ꞌSu ta mə-i ar-i ꞌpa tar gə ɗəgərə ar Njil Njerɔsangə ngaɓa ɔr dəbə lar lo le iya gə go ji-i wa?

Koula 6:13

ꞌƊe gə dəwje d-ar ꞌgangə tar d-unda t-ɛ gə na: Dəw gə ar nee le pa tar gə kṵra̰y dɔ lo gə to gə losang-ɛ gə jaga-jaga gə dɔ torondu Moyiji nəm tɔ.

Tite 1:11

Be ɓa may kar ɔgə-je lo-e. ꞌTuji-je takagə lə njenujije gə mə kəy kəy gə neje gə kəm tɔji ang ja mba kinga ne ne dɔ ji gə to ne rɔ kul.

Jacques 2:7

ꞌJejee le ja ɓa ꞌtaji ri gə may pɛdə gə to dɔ-si gə le ang wa?

Jacques 3:7

Gar daje tɔ̰y gə muu, gə əlje, gə daje gə d-agə nangə gə ta mə-je, gə neje gə man le, dəw uwa ta-je.

2 Piyɛr 3:3

May kar-si ꞌgərəje kede nam to gə, dɔ ɗudu ndɔ nama, njekogo dəwje d-a ɗe kunda-si kogo ne, ɗaa d-a nja gə go ɓo neje gə o̰ dɔ-je,

3 Jean 1:10

Gəl-e gə nee ɓa, to gə ɓo, m-ce horo-si gə nama, m-a təl pa tar kula ɗ-ɛje, gə tarje gə kṵra̰y gə n-pa n-tuji ne ri-si gə lo-lo, ye gə kən ja kara as-ɛ ang ja dɔro ɓi ɗaa, n-mbadə mba kuwa ngan ko̰ naaje mba, ngaɓa nje gə ꞌnjigi mba ɗa kul-ɛ kara n-ɔgə je nəm, n-tɔɓə-je lo Mbo̰ naa lə njetakagəje gə nəm tɔ.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 13:14

N-ərə dəwje gə d-isi dɔ nangə nee gə n-ɗa netɔjije ta kəm da kɔr gə le n-sula neje n-ar ꞌɗa ndaji da kɔr gə inga do kiya bayi ɓa təl isi kəm baa le.

Apocalypse 18:23

Pər lambe kara a ndogo wə̰ ɓə lə-i ang saar gə no. Dəw a ko ndu nje jene gə sigi je gə jene lə-a hɛ̰ ɓə lə-i ang saar, mba nje laɓə neje lə-i ꞌto gə dəwje gə bo-bo gə dɔ nangə gə nee, ngaɓa mba kula ɗa mbɛ̰je lə-i ərə gəl kuji dəwje tɔ̰y ar-je ꞌndəm ne.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.