Jacques 3:17 - Mbede Lə Luba Kone Gə Sigi

¹⁷ Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

Testament ke Siki 1960 (Kabba Laka)

¹⁷ A kemkarè ke ï dara dé, ke dongor éh ke madjang ngadji ang, gè té to mè woul, mè ke dèkèkè, wo tar ndjange, dousou ke mè madji ke kandé ke madji, wo dooudjé ke kem ke djo ang, aséh ere ngem ang.

Jacques 3:17 Iomraidhean Croise

Matiye 23:28

To gə be ɓa sisəy kara undaje rɔ-si gadə-gadə kəm dəwje gə ɗaga baa ja ngaa tar mula gə ɗa ne dɔ buguru ja ɗusu mə-si njḭ-njḭ.

Matiye 5:8

Nokarə to mba nje gə mə-je arə ngadə, Mba d-a ko kəm Luba!

Matiye 5:9

Nokarə to kar nje gɔl lo kar-ɛ to ɗɛgɛgɛ, Mba Luba a ɓarə-je ngan-ɛ!

Lugu 21:15

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Lugu 6:36

ꞌƊaje məmay gə dəwje to gə Bɔ-sijee to ne nje ɗa məmay be tɔ.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:47

Logə Jeju a lo o Nataniyɛl gə aw ɗe ɗaa pa na: Oje dəw gə Ijirayɛl gə kuji kəy gə pa tar gə ɗəgərə ang ɓa aw nee.

Koula 11:24

Mba n-to dəw gə may, gə Njil Njerɔsangə ɗusu m-e gə takagə. Be ɓa bula dəwje d-asə mbagə d-un go Mbayɓe.

Koula 9:36

Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm.

Romaindjé 12:18

To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y.

Romaindjé 12:9

May kar njigi to njigi gə tɔgərɔ, ɔsəje ne gə kṵra̰y ngərəng, oreje kəm-si ndəng dɔ ne gə may gə.

Romaindjé 15:14

Ngan ko̰-mje, tar gə ɔji dɔ sisəy le ɗaa, ꞌma ja kara m-gərə gə maj-ɛ to gə məmay ɗusu mə-si, negərə ɗusu mə-si ngaɓa asəje mba ndəji-je naa gə yo gə nee.

1 Corinthiendjé 12:8

Njil ar dəw gə kara tar kəm karə; ar dəw gə kən gusutar gərə ne, gə go Njil gə kara baa nee le ja;

2 Corinthiendjé 10:1

ꞌMa Pɔl gə dɔ-m ja, gə dəwje pa tar ɔji dɔ-m na lo gə m-ga̰ gə si naa gə ɗaa, m-ula dɔ-m ngulum, a ɓo m-isi əw nama m-ɗa singa dɔ-si gə le, m-ndəji-si ɗəw kaw yururu gə gə ɗəw məmay gə lə Kirisi,

2 Corinthiendjé 6:6

ɗəw karə ngadə gə, ɗəw negərə gə, ɗəw kila mə dɔ mar-ɛ gə, ɗəw məmay, ɗəw gə lə Njil Njerɔsangə, ɗəw njigi gə lal tar mula,

2 Corinthiendjé 7:11

Be ɓa, oje neje gə kəmtondoo gə nje kara baa gə may ta kəm Luba gə, uji mə-sisəy gə le ɓa nee: kisi kəgəgə, pa tar dɔ rɔ gə, rɔ kul neɗa gə kṵra̰y, ɓəəl, tar ko-m gə o̰-sisəy, tar ɗa kula gə o̰-sisəy, kɔsə ne gə kṵra̰y ngərəng. Sisəy ꞌtɔjije gə darɔ-si ja to gə ꞌtoje dəwje gə may pɛdə mə neje gə nee le.

2 Corinthiendjé 9:10

Dəw gə njekun ko kar nje dubu-e, gə nje kar dəw mbə gə nekusa-a le, n-a kun ko le kar-si ngaɓa n-a kar ko le ɔsə dɔ mar-ɛ gə kede-kede, cibi n-a kar kandə neɗa gə dana gadə-gadə lə-si oso dɔ mar-ɛ gə.

Ephésiendjé 5:9

Mba kandə lokarə le, ɔji dɔ ne ja tɔ̰y gə to gə məmay, neɗa gə gadə-gadə, gə tar gə tɔgərɔ.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

Colossiendjé 1:10

mba kar pa nja-si to ne gə may gə asə ləl Mbayɓe dan neje gə tɔ̰y, mba kar ꞌɗaje ne kulaje gə may-may ja tɔ̰y ngaɓa kar ꞌtɔgəje ne dɔ gərə Luba gə gə kede-kede nəm tɔ.

1 Thessaloniciendjé 2:7

Mba j-a to njeka̰ykulaje lə Kirisi le ɗaa, kəm kar j-a ɗa rɔ-sijee gə dəwje ja to ɓəəl horo-sisəy gə ja, ngaa j-o rɔ-si gə ne ang baa horo-sisəy gə, to to gə ko̰ nganje tɔsə ne kəm-e dɔ ngan-ɛ gə be.

1 Timoce 5:21

ꞌMa m-dəji-i no Luba gə, no Jeju Kirisi gə nəm gə no anjije gə Luba mbərə-je, mba kar ꞌngom nduje nee le tɔ̰y gə mə-i gə kara, ngaɓa ꞌɗa ne kara ɔr ne kəm dəw ang.

2 Timoce 2:24

Be ɓa may kar ngon njekula lə Mbayɓe to njeɓɛlɛ ang, ngaa n-a kul kuji gə dəwje tɔ̰y, ngaɓa n-a kaw gə gusu tɔji ne ngaɓa n-a kore m-e ndəng dɔ-je gə.

Tite 1:15

Ne tɔ̰y arə ngadə mba dəwje gə d-ar ngadə tɔ ngaa njeminaje gə nje məkədərəje le negərə lə-je gə kəji lə-je kara mina tɔ.

Tite 3:2

kar d-o̰ dəwje yom-yom ang, gə ꞌto nje tɔsə tarje ang, d-a to njekula nuji naa gə je, d-a kul gə dəwje tɔ̰y gə kul ja yururu.

Ebərəje 12:11

Siri gə ɗa-ɗa kara dɔngɔr-ɛ le to gə ne wungu ɓo to ne rɔləl ang; ngaa go-e gə, ngaɓa turu nje gə ꞌsiri-je le ar ꞌto nje kunda ɗɛgɛgɛ gə neje dana gadə-gadə.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Jacques 1:17

Nekarə nuji gə may unda mar-ɛje tɔ̰y gə nekarə baa gə may ɔr sṵra̰ le ḭ dara rɔ bɔ-sijee gə nje gəl lokarə gə mbəl rɔ-ɛ ang ose ne gə tɔji mbəl rɔ lə-a godo.

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 2:13

Mba ndɔ gangə tar le, ko kəmtondoo lə dəw gə o kəmtondoo ang le godo; ngaa dəw gə o kəmtondoo le, ye ɓəəl lo gangə tar ang.

Jacques 2:4

Sisəy ɔrəje kəm naa horo-si gə ang ɓa kən wa? Ose ɔrəje kəm ne gə go tar kəji gə kṵra̰y ang wa?

Jacques 3:15

Kəmkarə gə kən le, to ye gə ḭ dara ang; ngaa, to ye gə ḭ dɔ nangə nee, gə to gə kar darɔ, gə kar ꞌSɛ̰ngərɛ̰.

Jacques 4:8

ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 2:1

Ne ja gə ne gə kṵra̰y nama ɔsə-je ngərəng, ngaɓa kərə dəw, tar mula, ɗa mal ne gə pa tarje gə kṵra̰y dɔ dəw gə.

1 Piyɛr 2:18

Ngan njekulaje, may kar ꞌɓəəlje ꞌɓəə-sijee dan neje gə tɔ̰y, osoje kul no-je gə, nje gə may gə kul yururu ja gə kar-je baa ang ngaa nje gə ꞌmongə gə si ya̰ kara nəm tɔ.

1 Jean 3:18

Ngan-m gə gɔgɔ, j-a njigije naa gə ta-si gə tar gə may baa ang, ngaa ꞌtɔjije njigi lə-si ɗəw kula gə ngaɓa gə tar gə tɔgərɔ.

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.