Jacques 3:1 - Mbede Lə Luba Kone Gə Sigi

¹ Ngan ko̰-mje, ar-je dəwje bula ꞌto gə njenetɔjije ang, mba sisəy ꞌgərəje gə maj-ɛ to gə tar gə d-a gangə dɔ-si gə le a kədərə ya̰.

Testament ke Siki 1960 (Kabba Laka)

¹ Ngakömdjé, ase kare dooudjé baya horosè té to ndjè tòdjou tar ang, mbata sésè egeridjé djèdjè ke ntòdjou tar, da gange saria dòdjè té ngeng wota.

Jacques 3:1 Iomraidhean Croise

Matiye 10:24

Ngon njenendo nday njenetɔji ang, ngon njekula nday ɓəə-eje ang.

Matiye 23:13

Nekəmandoo to kar-sisəy, njekɔr gəl toronduje gə Parijiyɛ̰je gə to njetar mulaje! Mba uduje ta ɗew ɓeko̰ gə dara dɔ dəwje gə ngaɓa sisəy ja kara andəje kəne ang nəm, cibi ɔgəje nje gə mə-je njigi mba kandə kəne tɔ.

Matiye 23:14

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba o̰je mə kəy lə jene ndubaje ləm-ləm, ɗaa ar-je kəne ja cibi dəji-je Luba ngɔɔgɔ-ngɔɔgɔ ar-je gə kəne əng kuru-si əw ərəje ne kəm dəwje; gəl-e gə nee ɓa, tar gə kədərə a kuwa dɔ-si.

Matiye 9:11

Logə Parijiyɛ̰je d-o to gə be ɗaa, ꞌpa d-ar ngan njenendoje lə-a na: Mba ɗi ɓa Njenetɔji lə-si usa ne naa gə gə njembo̰ lar gədə ɓeje, gə njeneɗaje gə kṵra̰y nəm wa?

Lugu 16:2

N-ɓar njengom neje lə-a le ɗaa n-pa n-ar-ɛ na: Tar ɗi ɓa m-o dɔ-i gə ne wa? ꞌƊe ꞌpa tar kula lə-i gə ɔji dɔ ngom neje le ar-m m-o ɓa, mba a kasə to njengom ne lə-m ang saar gə dɔbo̰.

Lugu 6:37

ꞌGangəje tar dɔ dəwje gə ang, ɗaa Luba a gangə tar dɔ si ang tɔ; ilaje tar dɔ dəw gə ang, ɗaa Luba a kila tar dɔ-si gə ang; ɔrəje tar dɔ dəwje nama Luba a kɔr tar dɔ-si gə tɔ.

Jean 3:10

Jeju təl ila-a kəne na: ꞌI gə to njenetɔji gə boy mə ɓe gə Ijirayɛl le ja ꞌgərə ne gə nee ang wa?

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

1 Corinthiendjé 12:28

Be ɓa mə Mbo̰ naa lə njetakagəje le, Luba unda njeka̰ykulaje dɔngɔr, njekum gə joo lə-a to pajambərəje, njekum gə munda lə-a to njenetɔjije, go-e gə ɗaa gusu ɗa nemisije, cibi gusu kaji dəwje, kar la gə dəwje, kar kɔr no dəwje, kar pa ndo̰ tarje dang-dang.

2 Corinthiendjé 5:10

Be ɓa, may kar-sijee tɔ̰y j-ar no ngəndəng gangə tar gə lə Kirisi, mba kar na-na kara inga ne dɔ ji lə-a gə may ose gə kṵra̰y gə ɗa lo gə ye nay nee mə darɔ gə ɓi.

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

1 Timoce 1:7

ꞌƊaje rɔ-je to gə njekɔr gəl toronduje lə Moyijije ngaa ꞌgərəje mə tar gə d-aw tɔji ang nəm, ngaɓa ꞌgərə gəl tar gə d-aw pa gə singa le ang nəm tɔ.

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

2 Timoce 1:11

Mba Tar gə May nee le ɓa Luba unda-m ne gə nje pa tar lə-a nəm, gə njeka̰ykula ngaɓa gə nje tɔji ne nəm tɔ.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Jacques 1:16

Sisəy ngan ko̰-mje gə m-njigi-si ya̰ le, ərəje rɔ-si ang.

Jacques 1:19

Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Jacques 3:10

Ta-si gə kara baa nee ja pidi gə ndɔl ꞌce kəne. Ngan ko̰-mje, may kar to to gə be ang.

1 Piyɛr 5:3

Ngaɓa nje gə d-um-je mə ji-si gə le, kar o̰je dɔ-je gə ko̰ ang, ngaa kar ꞌtoje nekɔji mar-ɛ ar-je kuduɓe badəmje;