Jacques 2:8 - Mbede Lə Luba Kone Gə Sigi

⁸ Tɔgərɔ ja, to gə ɓo sisəy ilaje kuji dɔ torondu gə ur dɔ mar-ɛje tɔ̰y, gə go tar gə Mbede pa na: ꞌNjigi njemar-i to gə darɔ-i be nama, ꞌɗaje gə dɔ gɔl-ɛ ja.

Testament ke Siki 1960 (Kabba Laka)

⁸ Tokou sésè edaidjé né ke tòkou tar ndedji pa toï, deo kadaba tokou maketourou lo Allah pa, Ase kare ndiki doou ke ndjè nin kei mari tokou i ndiki ròi ndja, sésè edaidjé madji.

Jacques 2:8 Iomraidhean Croise

Matiye 22:39

Njekum gə joo gə ta sə-a naa ɓa nee: ꞌNjigi njemar-i to gə darɔ-i be.

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Matiye 25:23

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne ꞌto ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Matiye 7:12

Be ɓa neje tɔ̰y gə sisəy njigije kar dəwje ꞌɗa mba-si le, sisəy kara ꞌɗaje bənəng ja mba-je tɔ, mba to torondu Moyiji nəm ɓa to tarje lə pajambərəje nəm tɔ.

Romaindjé 13:10

Sangə may lə njemar-i ja ɓa to njigi, mba njigi le to tɔl ta torondu.

Galatedjé 5:14

Be ɓa, torondu tɔ̰y le tɔl t-ɛ gə tar gə kara baa nee: ꞋI a njigi njemar-i to gə darɔ-i be.

Galatedjé 6:2

ꞌLaje gə naa dan neje gə kədərə gə ce dɔ-si gə yo gə nee, be ɓa, a ꞌɗaje ne torondu Kirisi.

Philippiendjé 4:14

Be ja kara may ya̰ mba oje kəmtondoo lə-m dan neməko̰ gə.

1 Thessaloniciendjé 4:9

Tar gə ɔji dɔ nuji kuwa gə horo-si gə le, sisəy a kaw-je ndoo-e kar dəw ɗa ne mbede ar-si ang, mba sisəy ja kara Luba tɔji-si kar-si ꞌnjigije naa gə yo gə nee.

Jacques 1:25

Ngaa torondu gə may pɛdə, torondu gə ka dɔ to doy le, dəw gə ore kəm-e kəne ndəng ar ne dɔ gɔl-ɛ gə njang, o ngaɓa m-e uy dɔ-ɛ gə ang, ngaa ɗa nee kula gə mong-e nama, nj-ɛ nee le a to njenokarə dɔ kula ɗ-ɛ gə.

Jacques 2:12

ꞌPaje tar gə ꞌɗaje ne to to gə dəwje gə d-a gangə tar dɔ-je gə ɔji go torondu dɔ to doy.

Jacques 2:19

ꞌTa kagə to gə Luba kara baa ɗəgədə wa? ꞌƊa gə dɔ gɔl-ɛ ja. Njilje gə kṵra̰y kara ꞌta kagə to gə bənəng tɔ, ɗaa ꞌɓəəl d-isa baa ɗɛgə-ɗɛgə.

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.