Jacques 2:5 - Mbede Lə Luba Kone Gə Sigi

⁵ Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

Testament ke Siki 1960 (Kabba Laka)

⁵ Woidjé, ngakömdjé ke mam ndikisè nya, Allah mbere dèdè ke nto dangetédjé ke nange nèn ang wa, ta karedè ndé to ndjè né kinga deo ko mè té, ke ndjè kwaa né ndouba béh kö la, ke nè nto ta kare dèdè ke ndikè?

Jacques 2:5 Iomraidhean Croise

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Matiye 5:3

Nokarə to kar njendooje mə kəji gə lə-je, Mba ɓeko̰ gə dara to karə-je.

Marəke 7:14

Jeju təl ɓar bula dəwje ɗaa pa ar-je na: ꞌTugaje mbi-si tɔ̰y ɓo oje gə maj-ɛ.

Lugu 12:21

Jeju təl pa ja cibi na: Ye ɓa to ne gə ce dɔ dəw gə mbo̰ nekinga ɔji dɔ-ɛ ye ja baa, ɓo to njenekinga gə ɔji dɔ Luba ang.

Lugu 12:32

Sisəy gə ꞌtoje nekuulje gə njɛ̰, ar-je mə-si ila kasə ang, mba rɔ Bɔ-sijee ləl-e mba kar-si ɓeko̰ le.

Lugu 16:22

Logə njendoo le uy ɗaa anjije d-un-e d-aw sə-a mbɔr Abəraham gə. Njenekinga kara uy tɔ ɗaa ꞌdub-e.

Lugu 16:25

Abəraham pa ar-ɛ na: Ngon-m ar mə-i ole to gə inga rɔləl dɔ ndɔ kisi kəm baa gə lə-i le, Lawjar ɗaa o ꞌməsərə; ngaa ɓogəne ɗaa ꞌi ngaa o ꞌməsərə, a ꞌne n-isi gə rɔləl.

Lugu 22:29

Ɗaa ꞌma le, m-uwa dɔ gɔl Ɓeko̰ m-ɔji ne dɔ-si to gə bɔy uwa dɔ gɔl-ɛ ɔji ne dɔ-m ꞌma tɔ.

Lugu 6:20

Jeju a ngan njenendoje lɛdɛdɛ, ɗaa pa na: Nokarə to kar-sisəy njendooje, mba ɓeko̰ lə Luba to kar-si

Jean 7:48

Horo buba ɓeje gə ose horo Parijiyɛ̰je gə le, dəw kara baa be gə ta kag-ɛ ga̰ kəne əng ja wa?

Koula 7:2

Etiyɛn ila kəne na: Sisəy ngan ko̰-mje gə bɔ-sijee, oje tar gə nee! Logə ka sijee Abəraham isi ne dɔ nangə gə Mejopotami nam ɓa kar-ɛ aw ɗa ɓe Hara̰ le, Luba gə njerɔnduba kila rɔ-ɛ ar Abəraham,

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 2:9

Ngaa to gə ꞌɗa ne mə mbede gə na: Ne gə kəm o ang, ne gə mbi o ang, ngaɓa andə dɔ ɓəngərə dəw gə ang, ne gə Luba gɔl mba nje gə ꞌnjigi-e.

2 Corinthiendjé 4:15

Be ɓa neje tɔ̰y gə ce dɔ sijee gə le, ce mba sisəy, mba kar mənuji ɗa kula mə dəwje gə bula, ngaɓa kar bula bo dəwje ꞌtəl ne gə oyo, gə d-ila ne riɓar dɔ Luba gə.

2 Corinthiendjé 6:10

d-ula wungu mə-si gə, ngaa rɔ-si ləl-si gə ndooje tɔ̰y, j-unda dəwje dan may gə ja ngaa d-o si gə njendooje, d-o si to gə dəwje gə ne lə-je godo, ngaa ja to bawje.

2 Corinthiendjé 8:9

Be ɓa, sisəy ꞌgərə-je mənuji lə Mbayɓe lə-sijee Jeju Kirisi, gə to baw ja ngaa, ɗa rɔ-ɛ gə njendoo mba kar ɗəw ndoo gə lə-a ɗaa sisəy a toje nebawje.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

2 Thessaloniciendjé 1:5

Ne gə tɔji gangə tar gə gadə-gadə lə Luba le, ne nee le to mba sisəy a kasəje mba kandə-je Ɓeko̰ gə lə Luba gə oje ko̰ ne ɔji dɔ-ɛ.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

2 Timoce 4:18

M-gərə to gə Mbayɓe a kɔrə-m dan neɗaje gə kṵra̰y gə tɔ̰y ɗaa a kaji-m mba kar-m m-andə mə ɓeko̰ gə lə-a gə dara. May kila riɓar dɔ-ɛ gə gə ɓal-ɓal ja! Oyo!

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 11:26

Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Jacques 1:16

Sisəy ngan ko̰-mje gə m-njigi-si ya̰ le, ərəje rɔ-si ang.

Jacques 1:19

Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Jacques 1:9

Ngon ko̰-si gə to njendoo le, may kar-ɛ inga rɔndɔɔ ɗəw kunda gə d-unda-a taar ndode.

1 Piyɛr 1:4

gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

Apocalypse 2:9

M-gərə ne ur ti lə-i gə ndoo lə-i, ngaa ꞌto njenekinga, ɗaa tar paje gə kṵra̰y lə nje gə ꞌɗa rɔ-je gə Jiibije ngaa ꞌto Jiibije ang baa, ꞌto kəy nendo lə ꞌSu.

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.