Jacques 2:25 - Mbede Lə Luba Kone Gə Sigi

²⁵ Ɗəw kara baa to gə Rahabə, gə kaya jene le, kula ɗ-ɛ ɓa d-o-e ne gə dəw gə dana gadə-gadə, mba kuwa gə n-uwa nje gə d-ulaje gə rɔ-ɛ gə ngaɓa ꞌtɔji-je ɗəw gə ɗangə n-ar d-aw ne le ang wa?

Testament ke Siki 1960 (Kabba Laka)

²⁵ Deo kadaba ban to, Rahab dènè kaiya dé gaté gaté tokou nè ntaa ndjè ke douladè, naredè dao ke deo ke dang ang wa?

Jacques 2:25 Iomraidhean Croise

Matiye 1:5

Saləmo ta Rahabə uji ne Booj; Booj ta Rudu uji ne Obɛd; Obɛd uji Jese;

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Koula 17:7

ɗaa Jaso̰ ja uwa-aje mba ꞌjejee nee tɔ̰y ja ꞌsula dəwje ꞌtila ne kəm toronduje lə Sejar cibi ꞌpa d-ar dəwje na mbay gə ɗangə gə ri-a na Jeju ga̰ kəne əng ɓi.

Ebərəje 11:31

Gə go takagə ɓa Rahabə gə to jene kaya inga ne tuji gə nje məkədərəje ang mba kuwa gə uwa nje tən loje gə rɔ-ɛ gə gə rɔləl.

Jacques 2:18

Ngaa dəw kara a pa na: ꞌI ꞌta kagə, ꞌma m-aw gə kula ɗa-m tɔ. ꞌTɔji-m takagə lə-i gə lal kul-ɛ ar-m m-o nama, ꞌma m-a tɔji-i kula ɗa-mje gə ɗəw takagə gə lə-m kar-i o tɔ.

Jacques 2:22

ꞌI o to gə takagə lə-a le aw naa gə kara baa gə kula ɗ-ɛ, ngaɓa kula ɗ-ɛ le gɔl takagə lə-a ar-ɛ may ɔr sṵra̰.

Jacques 2:24

Oje to gə ɗəw kula ɗa gə le tɔ ɓa d-o ne dəw gə dəw gə dana gadə-gadə, ɓo gə mba takagə ja kara baa ang.