Jacques 2:14 - Mbede Lə Luba Kone Gə Sigi

¹⁴ Ngan ko̰-mje, dəw gə pa na n-ta kagə ngaa kul-ɛ godo le se may lə-a to gə ɗi wa? To gə be ngaa se takagə ne le a kaj-ɛ ja wa?

Testament ke Siki 1960 (Kabba Laka)

¹⁴ Ngakömdjé, tokou mare doou pana nè nto doou ke ndjè ko mè té, a nè néh ke koulè ang, yèn dè madji to di wa? Ko mè té la ase kadjè wa?

Jacques 2:14 Iomraidhean Croise

Matiye 5:20

Mba m-pa m-ar-si to gə ɓo neɗa gə gadə-gadə lə-si nday kar njekɔr gəl toronduje gə Parijiyɛ̰je ang nama a kandə-je mə ɓeko̰ gə dara ang.

Lugu 3:11

N-ila-je kəne na: Na-na ɓa horo-si gə nee ɓo kubu lə-a gə taar ḭ joo nama ar dəw gə k-ɛ godo kara, ngaɓa dəw gə horo-si gə nee gə nekusa lə-a ga̰ nama ar dəw gə k-ɛ godo.

Lugu 6:49

Ngaa dəw gə o tar ɓa ɗa ne kula ang le to asə naa gə dəw gə unda kəy dɔ nangə gə baa, lal kɔsə gɔl-ɛ. Man ta lo ɗaa, kəy le unda nangə mburugu, ɗaa to dɔ nduba gə bo.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Koula 8:13

Simo le ja kara ta kagə tɔ, go batɛm gə ꞌɗ-ɛ ɗaa n-ciya̰ go Pilibi gə, ngaɓa n-unda kəm-e n-o netɔjije gə nemisije gə boy-boy gə aw ce ɗaa lo tar igi-e sɛl.

Koula 8:21

ꞌI le, dəbə ne lə-i godo nəm ɓa ne kara kara ɔji dɔ-i mə kula gə nee ang mba mə-i to gadə-gadə no Luba gə ang.

Romaindjé 2:25

Tɔgərɔ ja, to gə ɓo ila kuji dɔ torondu gə nama kunja bərə lə-i le to ne gə may ja; ngaa to gə ɓo al dɔ torondu nama kunja bərə lə-i le təl to gə kunja bərə ang baa.

1 Corinthiendjé 15:2

ngaɓa to gə ɓo ꞌngomje gə lo-e gə m-ila ne mbərə m-ar-si ja mɔgɔgɔ nama, mbɔr dɔ-ɛ ɓa ingaje ne kaji, ɓo be ang nama, takagə lə-si tor-e godo.

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

1 Thessaloniciendjé 1:3

Kula takagə gə ꞌɗaje, gə rɔ-si gə ulaje ndubu mba njigi ngaɓa kuwa gə uwaje gədərə dɔ kunda mə dɔ Mbayɓe gə lə-si Jeju Kirisi le, mə-sijee ole kəne no-gɔl Bɔ-sijee Luba gə.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 11:17

Gə go takagə ɓa ꞌna ne Abəraham d-ar un ne Ijagə gə nepolo. ꞌNe gə d-uwa dɔ gɔl ne d-ar-ɛ le ja, ngon-e gə to ngon kara baa ja, ngaa n-un-e gə nepolo,

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

Jacques 1:16

Sisəy ngan ko̰-mje gə m-njigi-si ya̰ le, ərəje rɔ-si ang.

Jacques 2:16

a ɓo dəw kara horo-si gə pa ar-je na: Awje gə maj-ɛ, ar-je rɔ-si nunga soo ngaɓa ar-je nekusa ləl ta-si gə tɔ, lal kar-je ne gə d-a la ne gə rɔ-je le se, may lə-a to ɗi wa?

Jacques 2:18

Ngaa dəw kara a pa na: ꞌI ꞌta kagə, ꞌma m-aw gə kula ɗa-m tɔ. ꞌTɔji-m takagə lə-i gə lal kul-ɛ ar-m m-o nama, ꞌma m-a tɔji-i kula ɗa-mje gə ɗəw takagə gə lə-m kar-i o tɔ.

Jacques 2:26

Be ɓa, ɗəw kara baa to gə darɔ dəw gə njil godo kəne nama uy mbudugu le, takagə gə kul-ɛ godo nama uy mbudugu tɔ.

2 Piyɛr 1:5

Gəl-e gə nee le ɓa, undaje singa-si dɔ mar-ɛ gə, ar-je neje gə to nee ɔsə kudu naa dɔ takagə lə-si: Pa nja gə may ɔsə kudu takagə lə-si, negərə ɔsə kudu pa nja-si gə may,