Jacques 1:5 - Mbede Lə Luba Kone Gə Sigi

⁵ Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Testament ke Siki 1960 (Kabba Laka)

⁵ A tokou mare doou horosè té éh ke kemkarè ang, ase kare nè ndoudjou Allah, nè ke nare dooudjé toï ba, nè nòkoudè ang, a na karè.

Jacques 1:5 Iomraidhean Croise

Matiye 11:20

Ɗaa Jeju təl pa tar gə mong-e ndangə ne ɓeboje gə ɗa nemisi kəne bula ja ngaa, dəwje gə kəne ꞌmbadə turu kəji lə-je.

Marəke 16:14

Ɗud-e ɗaa, n-tɔji rɔ-ɛ n-ar nje gə dɔg gə gir-je gə kara gə d-isi ta ka nekusa gə, ngaɓa n-ḭ gə je mba məndəər lə-je gə məkədərə lə-je, mba mbadə gə ꞌmbadə ta kagə nje gə d-o-e to gə n-ce buwa yo gə ɗɔdə.

Jean 14:13

Ne tɔ̰y gə a dəjije gə ri-m le, m-a ɗa mba kar Bɔ dəwje inga rɔnduba ɗəw gə lə Ngon.

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Jean 4:10

Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

2 Corinthiendjé 2:16

Kar nje gə kɛm ɗaa, to gə ba̰y yo gə aw gə je gə lo yo gə, ngaɓa nje gə ɗangə tɔ ɗaa to gə ba̰y kisi kəm baa gə aw gə je gə lo təbə gə tɔ. Se na ɓa asə ɗa kula gə to gə be wa?

Jacques 1:17

Nekarə nuji gə may unda mar-ɛje tɔ̰y gə nekarə baa gə may ɔr sṵra̰ le ḭ dara rɔ bɔ-sijee gə nje gəl lokarə gə mbəl rɔ-ɛ ang ose ne gə tɔji mbəl rɔ lə-a godo.

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.