Jacques 1:4 - Mbede Lə Luba Kone Gə Sigi

⁴ Ngaa, məndəər le may kar-ɛ ɗa kula gə may pɛdə mba kar ꞌtoje ne dana gadə gə ꞌmayje ɔrəje ne sṵra̰, ngaɓa gə mba kar ne kara kara lal-si ang nəm tɔ.

Testament ke Siki 1960 (Kabba Laka)

⁴ A ase kare mè ke ïya ang da koula la toï, tokou ban asidjé toï ke né toï, ke né kada dousè ang.

Jacques 1:4 Iomraidhean Croise

Matiye 10:22

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Matiye 19:20

Ngon basa̰ le pa ar-ɛ na: Toronduje gə nee le m-ila kuji kəne gə maj-ɛ ja tɔ̰y, a ɗi ɓa nay kar-m ɗa cibi wa?

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Marəke 10:21

Jeju o-e be ɗaa rɔ-ɛ ləl-e dɔ-ɛ gə; cibi təl pa ar-ɛ na: Nay ne kara; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ar njendooje, ɗaa a kinga nebaw mə dara gə, ɓo ꞌɗe uwa go-m.

Lugu 18:22

Go tar lə-a gə Jeju o ɗaa, təl pa ar-ɛ na: Ne kara nay ɓi; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ꞌkay njendooje, ɗaa a kinga nebaw mə dara gə, ɓo ꞌɗe uwa go-m.

Lugu 21:19

Uwaje gədərə ɓa a kingaje təbə ɓi.

Lugu 8:15

Kandə kər gə um dɔ nangə gə may gə le to dəwje gə ꞌta tar gə mə gə may gə to dana gadə. ꞌNgom nəm, d-ila ngon kuji dɔ-ɛ gə d-ar kand-e to.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

1 Corinthiendjé 2:6

Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang.

Galatedjé 6:9

May kar-si j-ɔrəje dɔ neɗa gə may gə ang; mba dɔ kar-ɛ asə nama j-a kunjaje kand-e to gə ɓo j-ar njang dɔ-ɛ gə.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

2 Timoce 3:17

be ɓa mba kar dəw lə Luba a to ne dəw gə ꞌgɔl-ɛ mba ɗa ne kula gə may tɔ̰y.

Ebərəje 13:21

may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 3:2

J-a ɗa neje gə kṵra̰y gə ɗəwje bula. To gə ɓo dəw ɗa ne gə kṵra̰y ɗəw pa tar gə ang nama, to dəw gə may pɛdə gə asə mba ngom rɔ-ɛ gə maj-ɛ pɛdə tɔ.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

2 Piyɛr 1:9

ngaa ɓo dəw gə neje nee le godo m-e gə nama to nje kəm tɔ, gə aw mam lo, ɗaa m-e unda pudum dɔ neɗaje gə kṵra̰y gə lə-a gə ləw gə ꞌtogo le.