Jacques 1:27 - Mbede Lə Luba Kone Gə Sigi

²⁷ Nepolo gə arə ngadə, gə to ne gə mina kəm Luba gə Bɔ dəwje ang le ɓa nee: Ka lo gə dɔ ngan alje gə, gə jene ndubaje dan nekəmandoo gə ɗa-je, ngaɓa kɔsə neje gə mina gə dɔ nangə ne ngərəng.

Testament ke Siki 1960 (Kabba Laka)

²⁷ Tar Allah ndja ke madji ke éh ke madjang kada ang kem Allah bòdjèdjè té to tokou ban, ta kao ko dèdè ke nto nganaldjé ke dènè ndoubadjé mè né ongou té ke dadè, ke ta ngem ròdjè ndja mbata waa yèdo madjang ke nange nèn ang.

Jacques 1:27 Iomraidhean Croise

Matiye 12:32

Dəw gə ɗa-ɗa gə pa tar gə kṵra̰y dɔ ꞌma gə Ngon lə dəw nama, d-a kɔr tar-ɛ dɔ-ɛ gə, ngaa dəw gə pa tar gə kṵra̰y dɔ Njil Njerɔsangə gə le, Luba a kɔr tar-ɛ dɔ-ɛ gə dɔ ndɔje gə ɓisine ang nəm ɓa dɔ ndɔje gə aw ɗe kede ang nəm.

Matiye 5:8

Nokarə to mba nje gə mə-je arə ngadə, Mba d-a ko kəm Luba!

Lugu 1:6

ꞌToje dəwje gə gadə-gadə joo kɛm no Luba gə, ngaɓa d-ila kuji dɔ ndu gə gə torondu gə lə Mbayɓe.

Romaindjé 12:2

May kar-si ꞌndajije pa neɗa lə dəwje gə d-aw ɗa dɔ nangə nee ɓisine ang ngaa ḭya̰je rɔ-si yag arje kəji negərə lə-si turu to gə sigi, mba kar-si ꞌgərəje ne mə njigi lə Luba, ne gə may, gə ta kəm-e ngaɓa may pɛdə.

Romaindjé 2:13

Mba dəwje gə ꞌtuga mbi-je d-o ne torondu ɓa to dəwje gə gadə-gadə ta kəm Luba gə ang ngaa nje gə ꞌɗa ne kula ɓa d-o-je gə dəwje gə gadə-gadə.

Galatedjé 1:4

Mbayɓe Jeju Kirisi gə un rɔ-ɛ uga ne neɗa gə kṵra̰y lə-si, mba kɔr-si ne dɔ ndɔje gə ɓogəne gə may ang gə go mənjigi lə Bɔ-sijee Luba.

Galatedjé 3:11

Dəw kara ja gə to dəw gə gadə-gadə gə go torondu no Luba gə le godo, ye gə nee ɗaa to arə ngadə, mba: Dəw gə gadə-gadə a kaw kəm baa ɗəw gə lə takagə.

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Timoce 5:4

Ngaa to gə ɓo jene nduba gə ngan-ɛ ose ngan k-ɛ ga̰ nama, may kar d-ila kuji dɔ ne gə lə Luba ɔji mə kəy gə lə-je; Ye ɓa to ɗəw təl gə ne kar njekuji-jeje gə d-odo-je kede, mba to ne gə may ta kəm Luba gə.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

Jacques 3:17

Ngaa, kəm karə gə ḭ dara le, kede dɔngɔr, to arə ngadə, ngaɓa kul lom, aw yururu, gɔl nuji, kəmtondoo ɗusu m-e, ngaɓa kandə neje gə may gə ɔr kəm dəw ang nəm, pa tar mula ang nəm tɔ.

Jacques 3:9

Ndo̰-si gə ne ja j-a pidi ne Mbayɓe, bɔ-sijee, ngaɓa j-ilaje ne ndɔl dɔ dəwje gə Luba ɗa-je ar ꞌta sə-a naa.

Jacques 4:4

Sisəy nje ɓogo lo toje, to gə ɓo neje gə dɔ nangə nee ɓa uwa mə-si nama, ꞌnjigije Luba ang gə dɔbo̰ le se, ꞌgərəje ang wa? Dəw gə njigi mba kuwa kura gə dɔ nangə nee nama to njeba̰a̰ lə Luba.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

1 Jean 5:18

Sijee j-a gərə to gə dəw gə ɗa-ɗa gə Luba uji-e le, ɗa neɗa gə kṵra̰y ang, mba dəw lə Luba le, ngom-e, ɗaa njeməkṵra̰y ɔr rɔ-ɛ ang.