Jacques 1:26 - Mbede Lə Luba Kone Gə Sigi

²⁶ To gə ɓo dəw o rɔ-ɛ gə njepolo ne, ɓa ɓo ngom t-ɛ ang nama, dəb-e nee le ərə rɔ-ɛ gə kərə baa. Nepolo lə dəw nee le to nepolo gə baa dɔro.

Testament ke Siki 1960 (Kabba Laka)

²⁶ Tokou mare doou pa mèa té na, nè nto doou ke wo tar lo Allah, tokou nè ntò ndë ang a nere mèa, tar Allah lo doou nèn to né ke ba.

Jacques 1:26 Iomraidhean Croise

Matiye 15:9

Polo-mje baa ja Neje gə ꞌtɔji le To torondu dəwje baa .

Marəke 7:7

Polo-mje baa ja; Mba ꞌtɔji neje Gə to torondu dəwje baa ja.

Lugu 8:18

Undaje kəm karə dɔ rɔ-si gə ɔji dɔ pa ko tar lə-si; mba dəw gə ne ga̰ ji-a gə ɓa d-a kar-ɛ mar-ɛ kəne, ngaa dəw gə ne godo ji-a gə le, ꞌye gə n-əji to gə ga̰ ji-a gə ja kara d-a ta ɗɔdə.

1 Corinthiendjé 15:15

Cibi j-a to njetar najije lə Luba gə gə mbɔr-ɛ baa, mba j-a gangə tar j-unda ta Luba gə, to gə n-ndol Kirisi, ngaa n-ndol-e ang baa, to gə ɓo tɔgərɔ ja, nje gə d-uy le ꞌndol ang.

1 Corinthiendjé 15:2

ngaɓa to gə ɓo ꞌngomje gə lo-e gə m-ila ne mbərə m-ar-si ja mɔgɔgɔ nama, mbɔr dɔ-ɛ ɓa ingaje ne kaji, ɓo be ang nama, takagə lə-si tor-e godo.

1 Corinthiendjé 3:18

May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi.

Galatedjé 2:6

Nje gə d-o-je gə bubaje le, le ꞌtoje ne gə bubaje ja kara, ɔsə-m kəne ang! Mba Luba ɔr kəm dəw ang. Dəbeje nee le d-uwa-m gə singa d-ar-m ɗa ne gə ɗangə m-ila dɔ mar-ɛ gə ang.

Galatedjé 2:9

Jagə je Sepas gə Ja̰ gə nay to dubu Mbo̰ naa lə njetakagəje ꞌgərə to gə Luba uwa sə-m nuji, ɗaa d-uwa ji kɔl je gə Barənabas tɔji ne mə kara mba kar-sijee gə j-a kaw ɓə lə dəwje gə ꞌgərə Luba ang, ɗaa ꞌjeje d-a kaw bə lə Jiibije.

Galatedjé 3:4

Se oje ko̰ ne baa ja wa? To may kar oje ko̰ ne bənəng baa ang!

Galatedjé 6:3

Be ɓa to gə ɓo dəw gə o rɔ-ɛ gə dəw gə to ɓəəl ya̰, ngaa to ne ang nama, ərə rɔ-ɛ ye ja baa.

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

Ephésiendjé 5:4

ngaɓa tar mbəje, gə tarje gə baa gə nangə əng, ose tar rɔ kulje le, ar-je ce ta-si gə ang; ngaa tarje tɔ̰y gə ce ta-si gə le, ꞌɗaje ne Luba oyo.

Colossiendjé 4:6

Ar-je tar gə ta-si ləl gə ləl dɔro, ilaje kadə dɔ tar gə lə-si, mba kar ꞌgərəje ne ɗəw kila ne dəw tar gə.

Jacques 1:19

Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Jacques 1:22

Tar gə oje le, ꞌɗaje kul-ɛ ɓa, ɓo ꞌtaje ꞌpaje ne tar kəm karə lə-si baa ang.

Jacques 2:20

Ngaa ꞌi gə ɛɓɛ, ꞌnjigi gərə to gə takagə le, kula ɗ-ɛ godo nama aw kadə baa ang wa?

1 Piyɛr 3:10

Dəw gə ɓo njigi kisi gə təbə gə gə maj-ɛ Ngaɓa kuba may gə ndɔ-ndɔ, Nama, may kar ngom t-ɛ dɔ tar gə kṵra̰y gə, gə dɔ tarje gə kar kərə dəwje gə;