Jacques 1:19 - Mbede Lə Luba Kone Gə Sigi

¹⁹ Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Testament ke Siki 1960 (Kabba Laka)

¹⁹ Egeridjé yèn, ngakömdjé ke mam ndikisè nya, ase kare dooudjé kada kada toï wo tar loshénè loshénè, a mpa tar ndjange ndjange ang, nda ongou ndjange ang.

Jacques 1:19 Iomraidhean Croise

Matiye 5:22

Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Marəke 12:37

Dabidi gə darɔ-ɛ ja ɓar-ɛ Mbayɓe; ngaa n-a to ngon-e to gə ban cibi wa? Ɗaa bula dəwje d-o tar lə-a le gə rɔləl.

Marəke 2:2

bula bo dəwje ꞌmbo̰ naa ya̰ ta ɗəw kəy gə ja kara nəm, ngaɓa n-aw n-pa tar lə Luba n-ar-je.

Lugu 15:1

Njembo̰ lar gədə ɓeje gə njeneɗaje gə kṵra̰y tɔ̰y ꞌɗe d-inga Jeju mba ko tar t-ɛ gə.

Lugu 19:48

Ngaa ꞌgərə gusu gə d-a ɗa ne ang, mba dəw mə ɓeje ꞌtunga mbi-je gə dɔ tar gə lə-a.

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

Koula 10:33

Be ɓa gə tɔg-ɛ baa ja m-ula m-ɓar-i ɗaa ꞌi kara ꞌɗa may ya̰ ja tɔ ɓa ḭ ꞌɗe nee. Ɓisine j-isi no Luba gə tɔ̰y ja mba ko tar gə Mbayɓe ula-i ne le.

Koula 13:48

Dəwje gə to Jiibije ang le d-o tar gə nee le ɗaa ꞌɗa rɔləl ngaɓa d-ula rɔnduba dɔ tar gə lə Mbayɓe. Be ɓa dəwje tɔ̰y gə Luba mbərə-je mba təbə gə gə ndɔ gə ndɔ le, ꞌta kagə.

Koula 17:11

Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa?

Koula 2:42

Be ɓa gə ndɔ-ndɔ ja ꞌɗe d-ar njeka̰ykulaje ꞌndo-je ne, gə ꞌɗa mə kara, ꞌcɛdə mbə naa gə nəm ngaɓa ꞌdəji Luba naa gə nəm tɔ.

Ephésiendjé 4:26

To gə ɓo wungu ɗa si nama, ꞌɗaje neɗa gə kṵra̰y ang. Ar-je kar andə dɔ wungu gə lə-si ang;

Ephésiendjé 4:31

May kar ꞌtɔrəje neje gə to nee le horo-si gə gə ɗangə: Rɔ kadə gə ɗa-ɗa, kəji lə daje, wungu, kunda ndu, pa gə naa ngaɓa məndul gə ɗa-ɗa kara nəm.

Colossiendjé 3:15

May kar ɗɛgɛgɛ lə Kirisi gə ꞌɓar-si kəne d-ar umje ne naa gə gə darɔ gə kara baa le, o̰ ɓe dɔ ɓəngərə si gə. ꞌƊa-eje oyo.

Colossiendjé 3:8

Ngaa ɓisine ɗaa, sisəy le, may kar ꞌtɔrəje neje tɔ̰y gə to nee le horo-si gə gə ɗangə: wungu, kəji lə daje, məndul, pa gə naa, gə tarje gə ngabula gə aw ce ta-si gə.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

Jacques 1:16

Sisəy ngan ko̰-mje gə m-njigi-si ya̰ le, ərəje rɔ-si ang.

Jacques 1:2

Ngan ko̰-mje, oje nenaje ɓədə-ɓədə gə ce dɔ-si gə le gə ne rɔləl

Jacques 1:26

To gə ɓo dəw o rɔ-ɛ gə njepolo ne, ɓa ɓo ngom t-ɛ ang nama, dəb-e nee le ərə rɔ-ɛ gə kərə baa. Nepolo lə dəw nee le to nepolo gə baa dɔro.

Jacques 2:1

Ngan ko̰-mje, takagə Mbayɓe lə-si Jeju Kirisi gə njerɔnduba gə ꞌtaje le, ꞌjungərije gə kɔr kəm dəwje ang.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

Jacques 3:10

Ta-si gə kara baa nee ja pidi gə ndɔl ꞌce kəne. Ngan ko̰-mje, may kar to to gə be ang.

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

Jacques 5:12

Dɔngɔr ne tɔ̰y ɗaa, ngan ko̰-mje, ꞌnajije gə dara ang nəm gə nangə ang nəm, gə pa naji gə ɗangə ang nəm tɔ. May kar tar lə-si to oyo nama oyo, a ɓo ə̰ə̰ə̰ nama ə̰ə̰ə̰ mba kar tar gangə uwa dɔ-si ang.

Jacques 5:19

Ngan ko̰-mje, to gə ɓo dəw kara horo-si gə ndəəm aw əw gə tar gə tɔgərɔ, ɓa ɓo dəw gə ɗangə təl sə-a kəne nama,

1 Jean 2:21

M-ɗa mbede m-ar-si mba sisəy ꞌlalje tar gə tɔgərɔ ang baa, ngaa mba sisəy gərə tar gə tɔgərɔ, ngaɓa tar gə ɗəgərə ce mə tar gə tɔgərɔ gə ang.