Jacques 1:12 - Mbede Lə Luba Kone Gə Sigi

¹² Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

Testament ke Siki 1960 (Kabba Laka)

¹² Koukou éh ke doou ke waa ngeng mè né kere té, mbata tokou nèè doè nase, na kinga djòkedò ke siki ke Allah to ta kare dèdè ke ndikè.

Jacques 1:12 Iomraidhean Croise

Matiye 10:22

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Lugu 6:22

A toje njenokarəje, logə dəwje d-a njigi-si ang gə kɔrɔ, ngaɓa logə d-a tɔbə-si, d-a taji si cibi d-a tuji ri-si mba tar lə ꞌma gə Ngon lə dəw.

Romaindjé 5:4

kuwa gədərə uji kar njang dan nena gə, ngaɓa kar njang dan nena gə uji kunda mə,

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

1 Corinthiendjé 2:9

Ngaa to gə ꞌɗa ne mə mbede gə na: Ne gə kəm o ang, ne gə mbi o ang, ngaɓa andə dɔ ɓəngərə dəw gə ang, ne gə Luba gɔl mba nje gə ꞌnjigi-e.

1 Corinthiendjé 8:3

Ngaa to gə ɓo dəw njigi Luba nama Luba gərə nj-ɛ nee le tɔ.

1 Corinthiendjé 9:25

Dəw gə njeka̰y ngɔdə gə ɗa-ɗa kara sangə rɔ-ɛ dɔ neje gə tɔ̰y, ngaa ꞌjejee nee le ꞌɗa be mba kinga ne dɔ gugu gə a tuji pugudu baa, ngaa kar-sijee le ɗaa to dɔ gugu gə a tuji ang.

2 Timoce 2:15

Ɔsə rɔ-i ɓad gə dəw gə Luba n-ɛ nam, ꞌto dəw gə ɗa kula tɔji ne tar gə tɔgərɔ gə dɔ gɔl-ɛ.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

Ebərəje 11:17

Gə go takagə ɓa ꞌna ne Abəraham d-ar un ne Ijagə gə nepolo. ꞌNe gə d-uwa dɔ gɔl ne d-ar-ɛ le ja, ngon-e gə to ngon kara baa ja, ngaa n-un-e gə nepolo,

Ebərəje 12:5

Ngaɓa mə-si uy dɔ tar ndəji gə d-ar-si ɗəw kara baa to gə dəw ndəji ne ngan-ɛ be, gə na: Ngon-m, o siri lə Mbayɓe gə ne ndam ang, Ngaɓa logə ꞌndang-i nama ar ɔr singa-i ang.

Ebərəje 6:15

Be ɓa mba Abəraham uwa gədərə le ɗaa, inga ne gə d-uwa dɔ gɔl-ɛ d-ar-ɛ le.

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

Jacques 5:11

Oje, tar gə ja pa ɓa nee: Nokarə to ɔji dɔ dəwje gə d-uwa gədərə. Oje tar lə Job gə uwa gədərə, gə ne gə Mbayɓe ɗa ar-ɛ gə ɗudu, mba Mbayɓe to nje ko kəmtondoo, gə nje bḭ man no kəm dəwje gə.

1 Piyɛr 3:14

Ngaa, to gə ɓo oje ko̰ mba neɗa gə gadə-gadə nama, ꞌtoje njenokarəje! ꞌƁəəl-jeje ang, ngaɓa ꞌjɔgəje rɔ-si ang nəm tɔ.

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

1 Piyɛr 4:14

To gə ɓo ꞌtaji-si mba ri Kirisi nama, ꞌtoje njenokarəje, mba Njil rɔnduba gə to Njil lə Luba nay gə si.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Piyɛr 5:4

be ɓa logə njekuul badəmje gə to dəw dɔ rɔ-ɛ le, a ɗe nama a kingaje dɔ gugu rɔnduba gə a tuji ang.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 3:19

Dəwje tɔ̰y gə ꞌma m-njigi-je le, m-ndangə-je gə m-siri-je. Ḭ nja̰y ɓo ꞌturu kəji lə-i.

Apocalypse 3:21

Dəw gə cɛdə ɗɔ nama m-a kar-ɛ isi sə-m dɔ ngəndəng mbay gə lə-m to gə ꞌma kara m-cɛdə ɗɔ ɗaa m-isi gə Bɔy dɔ ngəndəng mbay gə lə-a.