Ebərəje 9:9 - Mbede Lə Luba Kone Gə Sigi

⁹ Be ɓa gusutarje nee le to ndaji ne gə ɔji dɔ kar gə ɓogəne; tɔji to gə nekarə baaje gə nepoloje le, gə go kəji, d-asə ɗa kar njepolo ne may ne pɛdə ang.

Testament ke Siki 1960 (Kabba Laka)

⁹ Yèn to né tòdjou mbata bal ke loshénè nèn, deo té lo né nèn dare né kare ba ke né polo, ke ase kare kedji né geré lodè ke doudjou Allah dé ase toï ang.

Ebərəje 9:9 Iomraidhean Croise

Romaindjé 5:14

Ngaa, yo un kud-e dɔ Adam gə nu ja o̰ ɓe saar ce ne dɔ Moyiji gə, ce ne dɔ nje gə ꞌɗa neɗa gə kṵra̰y to to gə kar Adam gə to gə kal tar le ang. Adam gə to ndaji dəw gə a ɗe le.

Galatedjé 3:21

Se torondu tila kəm ndu kunje gə Luba uwa dɔ gɔl-ɛ wa? Bənəng ang baa! To gə Luba a kaji dəw ɗəw torondu gə nama, neɗa gə gadə-gadə a ɗe ɗəw torondu gə ja tɔgərɔ.

Ebərəje 10:11

Njekapolo gə ɗa-ɗa kara ar ta kula gə lə-a gə ndɔ-ndɔ ja ngaɓa un nepolo gə asə kɔr neɗa gə kṵra̰y ang nəm ja baa lɔgɛ-lɔgɛ.

Ebərəje 11:19

Mba n-unda m-e to gə Luba asə ndol ngon-e horo nje gə d-uy gə. Gəl-e gə nee ɓa Luba təl ne gə ngon-e gugu ar-ɛ, ɗaa to gə kuji tar.

Ebərəje 5:1

Buba njekapolo gə ɗa-ɗa kara d-ɔr-ɛ horo dəwje gə ngaɓa d-unda gə njekula lə Luba ɔji dɔ dəwje, mba kar n-un nepolo gə nekarə mba neɗaje gə kṵra̰y.

Ebərəje 7:11

To gə ɓo dəw mə ɓeje d-inga torondu ɔji dɔ kula kapolo lə Lebi nam ɗaa, mba ɗi cibi ɓa njekapolo gə ɗəw gə gəl Mɛləkisedɛk ɓa a ɗe ɓo gə gəl ɗəw gə lə Aro̰ ang wa?

Ebərəje 8:4

To gə ɓo n-ga̰ dɔ nangə nee kara n-a to njekapolo ang mba nje gə kɛm gə d-aw d-un nenuji gə go torondu ꞌga̰.

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.