Ebərəje 9:28 - Mbede Lə Luba Kone Gə Sigi

²⁸ Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

Testament ke Siki 1960 (Kabba Laka)

²⁸ Tokou ban Christ are rè ndja gar kada ta koto né ke madjang lo dooudjé nya, nè na téh gar djo, mbata né ke madjang ang, a ta kadji ndjè ke ngebè.

Ebərəje 9:28 Iomraidhean Croise

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 26:28

ꞌYe gə nee le to məsə-m, məsə kone gə kay nangə mba dəwje bula, mba kar tar neɗa gə kṵra̰y ɔr ne dɔ-je gə.

Jean 14:3

Logə m-a kaw, ngaɓa m-a gɔl lo lə-si tɔ̰y nam ɗaa, m-a təl ɗe kodo-si dɔ-m gə, mba kar lo gə ꞌma m-a kisi kəne nama sisəy kara a kisije kəne tɔ.

Koula 1:11

Sisəy dəwje gə Galile, mba ɗi ɓa arje aw aje ne lo gə dara wa? Jeju nee gə d-un-e horo-si gə dɔ-ɛ gə dara gə aw le, n-a təl ɗe ɗəw kara baa to to gə aw o-eje ne lo kaw gə dara be tɔ.

Romaindjé 3:25

ꞌNe gə Luba un-e gə nepolo, ɔji dɔ dəwje gə ꞌta kagə məs-e mba tɔji ne gadə-gadə lə-a. Mba kede ləw ja kara n-ila m-e dɔ mar-ɛ gə lal gangə tar dɔ neɗaje gə kṵra̰y gə lə dəwje,

Romaindjé 5:15

Ngaa, ne mənuji gə d-ar baa le asə naa gə kal tar ang, mba to gə ɓo kal tar lə dəw kara baa ɓa dəwje d-uy ne nama mənuji lə Luba bo unda kal tar, ngaɓa nekarə baa gə ɗe ɗəw gə lə dəw kara baa, Jeju Kirisi mba dəwje bula le to ɓəəl ya̰ ja cibi.

Romaindjé 6:10

Mba kuy gə n-uy le, n-uy mba neɗa gə kṵra̰y gɔl kara ja gə dɔbo̰, ngaɓa ɓisine gə n-isi kəm baa kara, n-isi kəm baa ɔji dɔ Luba.

Romaindjé 8:23

To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

1 Corinthiendjé 1:7

Be ɓa ne kara gə ɔji dɔ mənuji lal-si ang, aw nginaje ne ndɔ gə Mbayɓe lə-si Jeju Kirisi a kila ne rɔ-ɛ gə ɗaga.

1 Corinthiendjé 15:54

Logə darɔ gə ndum nee a kula ꞌye nje ndum ang, ngaɓa darɔ nje kuy a kula darɔ gə nje kuy ang ɗaa, tar gə ꞌɗa mə mbede gə le a kaw lo-e gə na: Yo ꞌcɛdə-i ɗɔ ngaa.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

2 Thessaloniciendjé 2:1

Ngan ko̰-mje, tar gə ɔji dɔ ndɔ təl lə Mbayɓe lə-si Jeju Kirisi, mbo̰ gə j-a mbo̰ naa mbɔr-ɛ gə, ne gə j-a dəji-si kəne ɓa nee:

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 12:14

May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

Ebərəje 7:27

buba njekapoloje gə kɛm, d-un nepolo gə ndɔ-ndɔ mba neɗa gə kṵra̰y lə-je ngaɓa kar dəw mə ɓeje nəm, ngaa ꞌne n-aw ndoo-e ang baa. ꞌNe le ɗaa, n-un darɔ-ɛ ja gə nepolo gɔl kara ja gə dɔbo̰.

Ebərəje 9:25

N-andə mə no kɔgə gə mba kun rɔ-ɛ gə nepolo gɔl bula, to to gə buba njekapolo ɓal kara nama andə kəne taar-taar gə məsə gə ɗangə be ang,

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

2 Piyɛr 3:12

Mba aw nginaje dɔ ndɔ ɗe lə Luba le ɗaa, may kar-si ꞌndəbə-je ɓa, to ndɔ gə pər a ko̰ ne dara ja̰rɛ̰ kadə ngaɓa nekundaje gə dara kara pər a ro-je tɔlɔg-tɔlɔg

1 Jean 3:2

Sisəy ngan ko̰-mje gə m-njigi-si ya̰, ɓisine j-a toje nganje lə Luba, ɗaa pa kunda rɔ-si gə dɔ ndɔ gə bara le kila rɔ-ɛ gə ɗaga ang ɓi, ngaa j-a gərə lo n-a kila rɔ-ɛ gə ɗaga nama, j-a ta sə-a naa mba j-a ko-e lo kunda rɔ-ɛ gə.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

Jude 1:21

Iyaje rɔ-si mə njigi gə lə Luba, nginaje ne məmay lə Mbayɓe lə-si Jeju Kirisi gə ar-si təbə gə gə ndɔ gə ndɔ.

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!