Ebərəje 9:24 - Mbede Lə Luba Kone Gə Sigi

²⁴ Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

Testament ke Siki 1960 (Kabba Laka)

²⁴ Mbata Christ ande loou té ke madji toï ke dji doou da ang, ke to né ndadji yéh ke tokoro, a nè nande dara ndja, baa ta téh loshénè no Allah té mbata lodjè.

Ebərəje 9:24 Iomraidhean Croise

Matiye 18:10

Oje gə maj-ɛ, əwje rɔ-si dabəje ngon kara dasəra horo nje gə d-o-je gə ne ang gə mba m-pa m-ar-si to gə, anjije lə-je gə dara d-a lo gə kəm Bɔy gə isi mə dara jaga ja.

Marəke 14:58

J-o tar t-ɛ gə n-pa na: M-a tuji kəy gə lə Luba gə dəwje ɗa nee ɗaa ndɔ munda ja m-a kunda ye gə ɗangə gə ji dəw a ɗa ang.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Lugu 24:51

Logə n-aw n-tɔr ndu dɔ-je gə bənəng ɗaa, n-uba-je n-ḭya̰-je, ngaɓa ne un-e aw sə-a dara.

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 6:62

Ngaa to gə ɓo sisəy oje Ngon lə dəw uba nangə ḭ aw lo gə ye ga̰ kəne kede le a paje na ɗi ngaa wa?

Koula 3:21

Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le.

Romaindjé 8:33

Na ɓa a kila tar dɔ nje gə Luba mbərə-je gə wa? Luba ja to nje kar dəw to gadə-gadə!

2 Corinthiendjé 5:1

Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

Colossiendjé 3:2

Ar-je kəji neje gə dara ɓa uwa mə-si ɓo neje gə dɔ nangə gə nee ang.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Ebərəje 6:20

j-andə logə Jeju andə kəne mba-si gə njekɔr no-si, təl ne buba njekapolo gə gə ndɔ gə ndɔ gə ɗəw gə gəl Mɛləkisedɛk gə.

Ebərəje 8:2

N-to njekula gə no polo gə, gə kəy lo gə tɔgərɔ, gə Mbayɓe ja ɗa ɓo dəw ang.

Ebərəje 8:5

ꞌJejee nee le ꞌpolo ne gə to ndaji ne, gə njil neje gə tɔgərɔ gə dara, be ɓa Moyiji kara Luba ndəj-e, logə n-a kaw ɗa kəy kubu le na: O, ɓo ꞌɗa gə go ji-a gə ꞌtɔ-ji dɔ ər gə le.

Ebərəje 9:1

Kone gə dɔngɔr le ndu gə ɔji dɔ no polo ne gə kəne ga̰ ngaɓa kəy nepolo lə-a ga̰ nangə nee tɔ.

Ebərəje 9:23

Kede nam ɗaa may kar ꞌtogo neje gə tɔji neje gə dara to gə be ngaɓa go-e gə ɗaa neje gə dara ja togo rɔ-je may pɛdə gə go nepolo.

Ebərəje 9:9

Be ɓa gusutarje nee le to ndaji ne gə ɔji dɔ kar gə ɓogəne; tɔji to gə nekarə baaje gə nepoloje le, gə go kəji, d-asə ɗa kar njepolo ne may ne pɛdə ang.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

Apocalypse 8:3

Anji gə ɗangə kara ɗe d-ar dɔ ngəndəng mbay gə; n-uwa ku ba̰y kəndə mambo̰ gə to gə maa ji-a gə. D-ar-ɛ ba̰y kəndə mambo̰ gə kobəre mba kar n-mbo̰ naa gə kara baa gə dəjije lə njerɔsangəje tɔ̰y n-aw ne no kɔgə maa gə, no ngəndəng mbay gə.