Ebərəje 9:23 - Mbede Lə Luba Kone Gə Sigi

²³ Kede nam ɗaa may kar ꞌtogo neje gə tɔji neje gə dara to gə be ngaɓa go-e gə ɗaa neje gə dara ja togo rɔ-je may pɛdə gə go nepolo.

Testament ke Siki 1960 (Kabba Laka)

²³ Tokou ban ase ta toko né ke ounda ròna ke ndii né ke dara deo té lo né ban, a né ke dara ndja ase ta toko deo né polo té ke madji wota yèn.

Ebərəje 9:23 Iomraidhean Croise

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Jean 14:3

Logə m-a kaw, ngaɓa m-a gɔl lo lə-si tɔ̰y nam ɗaa, m-a təl ɗe kodo-si dɔ-m gə, mba kar lo gə ꞌma m-a kisi kəne nama sisəy kara a kisije kəne tɔ.

Koula 23:15

Ɓisine ɗaa sisəy le, may kar-si ꞌpaje ngadə ar-je njekun dɔ njeɗɔje gə tɔl-tɔl dɔg le to gə ndu-si asə naa gə nje gə no ngɔ gangə tar gə lə Jiibije mba kar ꞌɗe sə-a to to gə a kaw tən-je tar le gə maj-ɛ koje ɗaa sijee j-a kum ba̰a̰ mba tɔl-ɛ nam ɓa kar-ɛ n-ce rɔ-si gə ɓi.

Colossiendjé 2:17

neje gə əng tɔ̰y le to njil neje gə a kaw ɗe ngaa ne gə tɔgərɔ ɗaa to Kirisi.

Ebərəje 10:1

Be ɓa torondu le, njil neɗa gə may bula gə a kaw ɗe to kəne, ɗaa to neje gə tɔgərɔ ja ang; gəl-e gə nee ɓa ndɔ kara baa be ja kara, gə go nepolo gə to gə be, gə ɓal nama d-un taar-taar nee ɓa, a kar nje gə ꞌɗəm gə rɔ Luba gə d-a may ne pɛdə ang baa.

Ebərəje 10:4

Mba ɗəw gə məsə bɔ mangəje gə məsə bɔ badəmje a kɔr ne tar neɗa gə kṵra̰y dɔ dəw gə le godo.

Ebərəje 8:5

ꞌJejee nee le ꞌpolo ne gə to ndaji ne, gə njil neje gə tɔgərɔ gə dara, be ɓa Moyiji kara Luba ndəj-e, logə n-a kaw ɗa kəy kubu le na: O, ɓo ꞌɗa gə go ji-a gə ꞌtɔ-ji dɔ ər gə le.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.