Ebərəje 9:19 - Mbede Lə Luba Kone Gə Sigi

¹⁹ Be ɓa, logə Moyiji ɗa gə go ndu ɔji dɔ dəw mə ɓeje tɔ̰y le, un məsə ngan bɔ mangəje gə məsə bɔ badəmje gə man, gə ta kubu gə kasə gə d-uji gə bḭ daje cibi n-uwa dɔ kamje tusum n-ore ne naa gə ngaɓa n-ula mə məsə gə ɗaa n-tusu dɔ mbede le ja kara nəm gə, gə dɔ dəw mə ɓeje gə n-pa nena:

Testament ke Siki 1960 (Kabba Laka)

¹⁹ Tokou Moïse pa tar ndedji toï are dooudjé toï, nè noun mese ngan mangedjé ke biandjé, ke man ke bi bati ke kasè, ke kake hysope, nè ntousou do maketourou té ndja ke do dooudjé té toï.

Ebərəje 9:19 Iomraidhean Croise

Matiye 27:28

ꞌTɔrə kubu rɔ-ɛ gə ngaɓa d-un kubu gə kasə gə boy yul d-ula-a.

Marəke 15:17

D-ula-a kubu gə boy gə kasə rog-rog, d-uji kun gə jɔgə d-ula dɔ-ɛ gə.

Marəke 15:20

Go kogo gə kogo-e ɗaa ꞌtəl d-ɔr kubu gə boy gə kasə rog-rog gə ꞌdəb-e ne le, ngaɓa ꞌtəl d-ula-a kubuje lə-a ɗaa d-aw sə-a mba kaw ɓər-e kagə dəsə gə.

Jean 19:2

Njeɗɔje d-uji jɔgə kun d-ula dɔ-ɛ gə ngaɓa d-ula-a kubu gə kasə rog-rog;

Jean 19:5

Be ɓa Jeju ce ɗaga gə jɔgə kun gə d-ula dɔ-ɛ gə le gə kubu gə kasə rɔg-rɔg rɔ-ɛ gə tɔ, ɗaa Pilad pa ar-je na: Dəw le ja kən!

Ebərəje 1:1

Kede ləw le, Luba pa tar ar ka-sijee gə ndu pajambərəje gə ɗəwje dang-dang gɔl bula,

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Ebərəje 10:4

Mba ɗəw gə məsə bɔ mangəje gə məsə bɔ badəmje a kɔr ne tar neɗa gə kṵra̰y dɔ dəw gə le godo.

Ebərəje 12:24

Ar-je rɔ Jeju gə, nje gɔl tar kone gə sigi ngaɓa gə məsə gə ꞌtusu gə may unda kar Abɛl.

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

Ebərəje 9:13

Mba məsə bɔ badəmje gə məsə bɔ mangəje ngaɓa bu mandə mangə gə ja̰rɛ̰ dɔ dəwje gə mina gə le, ꞌtogo neje mba kar d-ar ne ɗəw darɔ gə ja baa,

Ebərəje 9:18

Gəl-e gə nee ɓa kone gə dɔngɔr le, ꞌtɔl t-ɛ lal gə kila məsə nangə ang.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.