Ebərəje 9:15 - Mbede Lə Luba Kone Gə Sigi

¹⁵ Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

Testament ke Siki 1960 (Kabba Laka)

¹⁵ Mbata yèn, nè nto ndjè moso tar kwaana medji ke siki, baa ta kare dèdè ke mmardè dinga né ndouba ke ndò toï, ke Allah tòdè, deo kwoei té la ke adji dèdè ke nda madjang ko tar kwaana medji té ke dongor.

Ebərəje 9:15 Iomraidhean Croise

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 22:3

N-ula ngan njekulaje lə-a n-ar-je ꞌɓar dəwje gə ꞌɓar-je lo ta naa gə nee le, ngaa dəwje le ꞌnjigi ɗe ang.

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Matiye 25:36

m-aw kudu-m dum ɗaa ar-mje kubu m-ula, rɔ-m to-m ɗaa awje aw o-mje, d-uwa-m d-ila-m kəy kula gə ɗaa awje go-m gə.

Marəke 10:17

Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Lugu 18:18

Jiibi kara gə to buba ɓe dəji Jeju na: Njenetɔji gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Lugu 22:20

Ɗəw kara baa, go nekusa gə ɗaa, n-un nekay, n-ɗa to gə mar-ɛ gə kede le ja cibi ɗaa n-pa na: Nekay gə nee le to kone gə sigi ɗəw gə lə məsə-m gə kay nangə mba tar lə-si.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

Romaindjé 5:8

Ngaa, ɗəb-e gə nee ɓa Luba tɔji ne njigi gə n-njigi sijee, logə j-a to njeneɗaje gə kṵra̰y baa ɓi ja, Kirisi uy mba-si.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

Romaindjé 9:24

Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi,

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

Galatedjé 3:20

Ngaa nje gɔl tar nee le ar horo dəwje gə joo, ngaa ye gə nee le, Luba ja gə kar-ɛ baa.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

2 Thessaloniciendjé 2:14

Ye gə ne ja tɔ ɓa, n-ɓar-si ne ɗəw Tar gə May gə lə-sijee mba kar ingaje ne riɓar lə Mbayɓe le-si Jeju Kirisi.

1 Timoce 2:5

Gəl-e gə nee ɓa, Luba le kara baa. Ɗaa, njekar horo dəwje gə gə Luba le kara kara baa tɔ, n-to dəw, Kirisi Jeju,

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Ebərəje 11:13

ꞌJejee tɔ̰y gə d-uy ɗəw takagə gə lal kar d-inga neje gə d-uwa dɔ gɔl-ɛ ngaa d-o neje nee le dɔ ji ndə̰w̰ ngaɓa ꞌgərə to gə d-a ɗe ja, ꞌpa ne to gəꞌto mbaje gə nje kaw taarje dɔ nangə nee.

Ebərəje 12:24

Ar-je rɔ Jeju gə, nje gɔl tar kone gə sigi ngaɓa gə məsə gə ꞌtusu gə may unda kar Abɛl.

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 6:13

Mba logə Luba uwa dɔ gɔl ne ar Abəraham le, dəw gə ɗangə gə to ɓəəl unda-a gə n-a ɓar ri-a naji ne le godo ɗaa, naji gə ri-a ye gə ja,

Ebərəje 6:15

Be ɓa mba Abəraham uwa gədərə le ɗaa, inga ne gə d-uwa dɔ gɔl-ɛ d-ar-ɛ le.

Ebərəje 7:22

To gə be ɓa Jeju ja to ngaw dan kone gə gar-ɛ godo.

Ebərəje 8:13

Logə ɓo ꞌpa tar kone gə sigi nama, ye gə dɔngɔr unda nangə ngaa. Be ɓa ne gə ləw gə ɓuga le, a kaw kunda nangə ngaa.

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

Ebərəje 9:16

Mba dəw un ndu nama kəm kar d-o to gə nj-ɛ le uy nam ɓa.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.