Ebərəje 9:14 - Mbede Lə Luba Kone Gə Sigi

¹⁴ ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Testament ke Siki 1960 (Kabba Laka)

¹⁴ Wota yèn, mese Christ, nè ke nare rè ndja Allah deo té lo Ndil ke ke ndò ke ndò, ke yèdo kada ang, a toko kedji né geré losè ta kïya koula ke woei ta da kare Allah ke tébe.

Ebərəje 9:14 Iomraidhean Croise

Matiye 12:28

Ngaa, to gə ɓo ɗəw gə lə Njil Luba ɓa ꞌma m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa.

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 7:11

To gə ɓo sisəy gə ꞌtoje dəwje gə kṵra̰y baa ja, ꞌgərəje karəje ngan si neje gə may-may ngaa ɓədə ɓa Bɔ-sijee Luba gə isi dara a kar ne gə may dəwje gə ꞌdəji-e ang wa?

Lugu 1:74

M-a kɔr-si ji njeba̰a̰je mba kar-si a polo-mje gə ɓəəl ang.

Lugu 12:24

Oje ꞌga̰a̰je: ꞌdubu ne ang nəm, ngaɓa d-unja ne ang nəm tɔ; ꞌɗa kəy ngom ne ang nəm ngaɓa d-uji dam ang nəm tɔ; ngaa Luba uul-je. Sisəy ꞌmayje undaje əlje ang wa?

Lugu 12:28

To gə ɓo mu gə to ne gə ce mə ndɔ gə ɓogəne baa ngaɓa bara nama pər a ko̰, ɓa ɓo Luba ula-a kubu le se, Luba asə kula sisəy kubu ang wa? Njeməkəngəje!

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Jean 3:34

mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e.

Koula 1:2

Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 14:15

na: Sisəy le, mba ɗi ɓa ꞌɗaje ne gə to gə be wa? Jeje kara j-a to dəwje to to gə sisəy be tɔ ɓa j-ila mbərə Tar gə May j-ar-si to gə may kar-si ꞌmbadə-je neje gə baa nee le ɓo ꞌturuje kəji lə-si, ꞌɗəmje gə rɔ Luba gə nje kisi kəm baa gə ɗa dara, gə dɔ nangə ngaɓa ɗa babo gə neje tɔ̰y gə to m-e gə.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Romaindjé 1:20

Mba neje gə ɔji dɔ Luba gə kəm dəw o ang, singamongə lə-a gə to saar gə no ngaɓa lo kunda rɔ lə-a le, un kud-e lo kunda dara gə nangə gə ja, n-tɔji gə ɗaga ɗang-ɗang kəm dəwje gə, gə go neɗa-ɛje, ɗaa ɗəw gə tar a kuwa ne dɔ-je ang godo.

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

Romaindjé 11:12

Ngaɓa to gə ɓo koso lə-je to nebaw lə dɔ nangə nee, ngaɓa kɔr rɔ gə gugu lə-je to may lə dəwje gə ꞌto Jiibije ang nama, ɗi ɓa a may kunda təl gə d-a təl gə kar ꞌjejee d-inga kaji barang tɔ wa?

Romaindjé 11:24

To gə ɓo ꞌi, gə ꞌto bar kəm kagə olibiye gə muu, gə lo kunda rɔ-i gə uba ne, ɓa ꞌgang-i ꞌɗe ꞌnam-i dɔ kagə olibiye gə ɓee gə, ngaa ɓədə ɓa ꞌjejee gə ꞌto bar kəm-eje gə kuji kəy ne le d-a təl nam-je kəne gugu ang wa?

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

1 Corinthiendjé 15:45

Gəl-e gə nee ɓa ꞌɗa ne mə mbede gə na: Dɔngɔr dəw, Adam, təl nekunda gə aw kəm baa. Bo̰ Adam, təl njil gə nje kar təbə.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Galatedjé 2:19

Be ɓa, gə go torondu le, ꞌma m-uy ɗəw torondu gə gə mba kisi ne kəm baa mba Luba. ꞌƁərə-m kar kagə dəsə gə gə Kirisi,

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

1 Thessaloniciendjé 1:9

ꞌPa tar ɔji dɔ sijee na, pa kuwa mba gə uwaje-si le gar-ɛ godo, ngaɓa to gə ban ja ɓa ꞌmbəlje ne kəji lə-si ar-je Luba, ngaɓa ꞌmbadəje magəje ɗaa ꞌtəl ɗaje ne kula lə Luba gə tɔgərɔ gə nje kisi kəm baa,

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 3:15

Ngaa to gə ɓo, kuru-m əw njɛ̰ nama, ꞌi ja a gərə ɗəw gə a ngom nee rɔ-i mə kəy gə lə Luba, gə to Mbo̰ naa lə njetakagəje lə Luba gə Nje kisi kəm baa, ꞌNe gə to nje kɔsə kudu tar gə tɔgərɔ nəm ngaɓa nje ta dɔ tar gə tɔgərɔ nəm tɔ.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 10:2

Ɓo be ang nama d-a kunda ngang-e ngaa, mba nje kun nepoloje nee le d-a karə ngadə ja gə dɔbo̰ ngaa m-a, tar neɗaje gə kṵra̰y lə-je a kuwa dɔ-je cibi wa?

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Ebərəje 11:21

Gə go takagə ɓa logə Jakobo o to gə ndɔ kuy lə-a aw asə ɗaa tɔr ndu dɔ ngan lə Jəjəb gə, ngaɓa gədə rɔ-ɛ dɔ kagə tɔsə gə lə-a unda ꞌburamba polo Luba.

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 6:1

Gəl-e gə nee ɓa, ar-si j-ḭya̰je dɔngɔr nendo gə ɔji dɔ Kirisi le, ɗaa j-ore kəm-si ndəng dɔ ye gə kar tɔgə ne gə, to gə kunda gəl nendoje gə nee to gə sigi ang: ꞌturuje kəji dɔ neje gə a kuji yo gə ta kagə Luba,

Ebərəje 7:16

njekapolo kara gə ɗangə ɗe ne, ɗəw torondu dəw ang, ngaa ɗəw singamongə təbə gə a to gə ɓal-ɓal.

Ebərəje 7:27

buba njekapoloje gə kɛm, d-un nepolo gə ndɔ-ndɔ mba neɗa gə kṵra̰y lə-je ngaɓa kar dəw mə ɓeje nəm, ngaa ꞌne n-aw ndoo-e ang baa. ꞌNe le ɗaa, n-un darɔ-ɛ ja gə nepolo gɔl kara ja gə dɔbo̰.

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

Ebərəje 9:26

mba ɓo be nama, un kud-e lo kunda dara je gə nangə gə ja Kirisi a ko ꞌməsərə gɔl bula. Ngaa ɓisine gə to dɔ ɗudu ndɔ nee ɗaa n-un rɔ-ɛ gə nepolo gɔl kara baa ja n-ɔr ne tar neɗa gə kṵra̰y dɔ dəwje gə.

Ebərəje 9:7

Ngaa mə kəy kubu gə njekum gə joo gə to no ngɔ lo sangə le, buba njekapolo ja gə kar-e baa, ɓal kara nama andə kəne gɔl kara baa gə məsə gə ɔji dɔ-ɛ ye nəm ɓa mba neɗa gə kṵra̰y lə dəw mə ɓeje nəm tɔ.

Ebərəje 9:9

Be ɓa gusutarje nee le to ndaji ne gə ɔji dɔ kar gə ɓogəne; tɔji to gə nekarə baaje gə nepoloje le, gə go kəji, d-asə ɗa kar njepolo ne may ne pɛdə ang.

1 Piyɛr 1:19

ngaa ꞌndogo-si gə məsə gə may pɛdə, to to gə məsə ngon badəm gə rɔ-ɛ to təb ngaɓa arə ngadə, to məsə Kirisi;

1 Piyɛr 2:22

ꞌNe gə n-ɗa neɗa gə kṵra̰y ang, ꞌne gə tar kərə dəw ce t-ɛ gə ang;

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,