Ebərəje 9:11 - Mbede Lə Luba Kone Gə Sigi

¹¹ Ngaa Kirisi ɗe gə buba njekapolo ɔji dɔ neɗa may bula gə a ɗe, n-andə mə kəy kubu gə boy gə may pɛdə-pɛdə gə ji dəw ɓa ɗa ang, ꞌpa na to nekunda gə nangə nee ang;

Testament ke Siki 1960 (Kabba Laka)

¹¹ A ndò ke Christ téh tokou tòkou ndjè kòr lo né ke madji ke ata dé, deo kei koubou té ke boui wota ke ase wota toï, ke dji doou da ang, yèn pana to ngä nange nèn ang.

Ebərəje 9:11 Iomraidhean Croise

Matiye 11:3

Se ꞌi ja ꞌto dəw gə a ɗe le ose j-a ngəbə dəw gə ɗangə wa?

Matiye 2:6

ꞋI, Bɛdəlɛhɛm, dɔ nangə gə Juda ꞋI le ꞌnjɛ̰ baa Horo ɓeboje gə dɔ nangə gə Juda; Mba ngon mbay a ce gəl kuji-i gə, Gə a to njekɔr no Ijirayɛlje, gə to dəwje Lə-m.

Marəke 14:58

J-o tar t-ɛ gə n-pa na: M-a tuji kəy gə lə Luba gə dəwje ɗa nee ɗaa ndɔ munda ja m-a kunda ye gə ɗangə gə ji dəw a ɗa ang.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 4:25

Jene pa ar-ɛ na: M-gərə to gə dəw gə d-um ubu dɔ-ɛ gə a ɗe ꞌne gə ꞌɓar-ɛ Kirisi. ꞌNe əng le, lo gə n-a ɗe nama n-a kɔr gəl neje tɔ̰y kar-si.

Koula 7:48

Be ja kara Nje kisi sam dara gə le a kisi mə kəy gə dəw ɗa gə ji-a ang, to to gə pajambərə pa nena:

2 Corinthiendjé 4:18

Neje gə kəm dəwje o ɓa sijee ja tɔsə kəm-si kəne ang baa, ngaa neje gə kəm dəwje o ang; neje gə kəm dəwje o le a nday, ngaa neje gə kəm dəwje o ang le to gə ndɔ gə ndɔ.

2 Corinthiendjé 5:1

Be ɓa, sijee j-a gərə gə maj-ɛ to gə darɔ-si gə to kəy kisi gə dɔ nangə gə nee le, to kəy lo gə d-a tḭ, sijee j-aw gə kəy gə Luba ɓa unda gəl-e mə dara gə, to kəy kisi gə a to gə ndɔ gə ndɔ, ɗaa kəy gə nee le ji dəw ɓa ɗa ang baa.

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

Ebərəje 10:1

Be ɓa torondu le, njil neɗa gə may bula gə a kaw ɗe to kəne, ɗaa to neje gə tɔgərɔ ja ang; gəl-e gə nee ɓa ndɔ kara baa be ja kara, gə go nepolo gə to gə be, gə ɓal nama d-un taar-taar nee ɓa, a kar nje gə ꞌɗəm gə rɔ Luba gə d-a may ne pɛdə ang baa.

Ebərəje 12:27

Tarje gə nee: Gɔl kara ja cibi tɔji to gə neje gə yə le to nekundaje gə d-a nday mba kḭya̰ lo kar ne gə a yə ang a to gə no.

Ebərəje 13:14

Mba sijee le ɓe kisi-si gə dɔ nangə nee gə dɔbo̰ godo ɗaa j-a sangə ɓe gə dɔ ndɔ gə bara.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.

Ebərəje 7:1

Mɛləkisedɛk nee le to mbay dɔ gə Salɛm nəm, to njekapolo lə Luba gə nje kisi sam dara gə; dɔ ndɔ gə Abəraham ḭ ta ɗɔ gə, tɔl mbay dɔje bula ɗaa n-ɗe n-inga-a ngaɓa n-tɔr ndu-e dɔ-ɛ gə.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.