Ebərəje 8:8 - Mbede Lə Luba Kone Gə Sigi

⁸ Tar gə ꞌpa d-ila ne tar dɔ-ɛ gə le ɓa nee: Oje, Mbayɓe na, ndɔ-ɛ a ɗe, Gə m-a riya kone gə sigi gə dəwje gə Ijirayɛl gə dəwje gə Juda.

Testament ke Siki 1960 (Kabba Laka)

⁸ Mbata tokou nè no tar lodè gatang, nè mpa, Ndò ao dé, Mbaibé Seigneur pa, Ndò ke ma ma da tar kwaana medji ke siki ke kei lo Israël, ke kei lo Juda to.

Ebərəje 8:8 Iomraidhean Croise

Matiye 26:28

ꞌYe gə nee le to məsə-m, məsə kone gə kay nangə mba dəwje bula, mba kar tar neɗa gə kṵra̰y ɔr ne dɔ-je gə.

Marəke 14:24

Ɗaa n-pa n-ar-je na: ꞌYe gə nee le to məsə-m, məsə kone, gə kay nangə mba dəwje bula.

Lugu 17:22

Ɗaa Jeju pa ar ngan njenendoje lə-a na: Ndɔje a ɗe gə mə-si a njinga mba ko, le ban kara, ndɔ lə ꞌma gə Ngon lə dəw kara baa ja horo mar-ɛ gə, ngaa a koje ndɔ-ɛ ang.

Lugu 22:20

Ɗəw kara baa, go nekusa gə ɗaa, n-un nekay, n-ɗa to gə mar-ɛ gə kede le ja cibi ɗaa n-pa na: Nekay gə nee le to kone gə sigi ɗəw gə lə məsə-m gə kay nangə mba tar lə-si.

Lugu 5:38

Ngaa ɓo munduru kodo nama may kiya mə jo kodo gə sigi gə ja tɔ ɓa d-a kuwa naa gə maj-ɛ.

1 Corinthiendjé 11:25

Ɗəw kara baa, go nekusa gə ɗaa, n-un nekay ngaɓa n-pa na: Nekay gə nee le to kone gə sigi ɗəw məsə-m gə; may kar-si ꞌɗaje, dɔ karje tɔ̰y gə a kayje nama, ayje oleje ne mə-si dɔ-m gə.

2 Corinthiendjé 3:6

Luba ja təl sijee gə dəwje gə d-asə to ngan njekulaje lə kone gə sigi, ɗəw torondu gə mə mbede gə ꞌɗa ang, ngaa ɗəw Njil gə; mba torondu gə mə mbede gə le to gə yo, ngaa Njil ɓa ar dəw kisi gə təbə.

Ebərəje 12:24

Ar-je rɔ Jeju gə, nje gɔl tar kone gə sigi ngaɓa gə məsə gə ꞌtusu gə may unda kar Abɛl.

Ebərəje 7:22

To gə be ɓa Jeju ja to ngaw dan kone gə gar-ɛ godo.

Ebərəje 8:13

Logə ɓo ꞌpa tar kone gə sigi nama, ye gə dɔngɔr unda nangə ngaa. Be ɓa ne gə ləw gə ɓuga le, a kaw kunda nangə ngaa.

Ebərəje 8:6

Ngaa ɓisine ɗaa Kirisi inga kula gə to ɓəəl ya̰, ar n-to nje gɔl tar kone gə may ya̰ mba d-uwa dɔ gɔl-ɛ may ya̰ tɔ.

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.