Ebərəje 8:3 - Mbede Lə Luba Kone Gə Sigi

³ Buba njekapolo gə ɗa-ɗa kara d-unda mba kar un nenuji gə nepolo, be ɓa may kar k-ɛ ꞌne gə n-a kun ga̰ ja tɔ ɓa.

Testament ke Siki 1960 (Kabba Laka)

³ Mbata dounda tòkou ndjè kòr ta kare né kare ba ke né nounga pouro, tokou ban nè nase kéh ke né ta kare tò.

Ebərəje 8:3 Iomraidhean Croise

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Romaindjé 4:25

d-un-e d-uga ne dɔ kal tarje lə-si, ngaɓa n-uy ɓa ꞌndol-e mba kar j-a to ne dəwje gə gadə-gadə.

Romaindjé 5:6

Mba, logə sijee j-a to nje tɔgə godoje ɓi ja, dɔ kar asə ɗaa Kirisi uy mba nje ɓəəl Luba angje.

Romaindjé 5:8

Ngaa, ɗəb-e gə nee ɓa Luba tɔji ne njigi gə n-njigi sijee, logə j-a to njeneɗaje gə kṵra̰y baa ɓi ja, Kirisi uy mba-si.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 5:1

Buba njekapolo gə ɗa-ɗa kara d-ɔr-ɛ horo dəwje gə ngaɓa d-unda gə njekula lə Luba ɔji dɔ dəwje, mba kar n-un nepolo gə nekarə mba neɗaje gə kṵra̰y.

Ebərəje 7:27

buba njekapoloje gə kɛm, d-un nepolo gə ndɔ-ndɔ mba neɗa gə kṵra̰y lə-je ngaɓa kar dəw mə ɓeje nəm, ngaa ꞌne n-aw ndoo-e ang baa. ꞌNe le ɗaa, n-un darɔ-ɛ ja gə nepolo gɔl kara ja gə dɔbo̰.

Ebərəje 8:4

To gə ɓo n-ga̰ dɔ nangə nee kara n-a to njekapolo ang mba nje gə kɛm gə d-aw d-un nenuji gə go torondu ꞌga̰.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!