Ebərəje 7:28 - Mbede Lə Luba Kone Gə Sigi

²⁸ Be ɓa torondu lə Moyiji unda dəwje gə darɔ-je mbɔr-ɛ gə buba njekapoloje, ngaa naji gə Luba naji go torondu gə le ɗe unda Ngon gə ɗe gə dəw gə may pɛdə gə dɔbo̰.

Testament ke Siki 1960 (Kabba Laka)

²⁸ Mbata tar ndedji ounda dooudjé ke ndjè kòrdjé, dèdè ke déh ke mongou ang, a tar koubou yo ke dé gè té goukoudang, ounda ngon ke dé ase toï mbata ndò ke ndò.

Ebərəje 7:28 Iomraidhean Croise

Lugu 13:32

Jeju pa ar-je na: M-ula-si kar aw paje ar-je dəw gə nje ɗa gusu to gə nja nee le na: O, m-tɔbə njilje gə kṵra̰y, m-ɔr rɔko̰ rɔ dəwje gə ɓogəne gə bara, ndɔ gə njekum gə munda ɗaa m-a kunda ngang-ɛ.

Jean 19:30

Lo gə Jeju ibi man bḭyə̰ nee le ɗaa pa na: Ne tɔ̰y aw lo-e gə ngaa. Ngaɓa n-ula dɔ-ɛ nangə ɗaa, kəm lə-a ce.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Ebərəje 2:10

Be ɓa ꞌne gə neje tɔ̰y ɗe ɗəw gə lə-a ngaɓa neje tɔ̰y to ɔji dɔ-ɛ, cibi n-ar ngan-ɛ bula d-inga rɔnduba ɗaa nje gəl kaji lə-je n-ar-ɛ ɗe gə dəw gə may pɛdə ɗəw ko ꞌməsərə gə.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Ebərəje 5:5

Be ɓa Kirisi ja kara ila riɓar dɔ darɔ-ɛ gə təl to ne buba njekapolo ang, ngaa dəw gə nje pa kar-ɛ na: ꞌI ꞌto ngon-m, ꞌma ja m-uji-i ɓogəne;

Ebərəje 7:21

Nje gə kɛm le, ꞌto njekapoloje lal kar d-ore kudu-je gə naji ngaa ꞌne le, Mbayɓe naji ar-ɛ na: ꞌto njekapolo ja gə dɔbo̰, ɗaa nj-ɛ a turu kəji lə-a kəne ang.

Ebərəje 7:24

ngaa ꞌne le mba n-isi gə ɓal-ɓal ɗaa, kapolo lə-a le to saar gə no.

Ebərəje 7:3

N-to dəw gə bɔ-ɛje godo, ko̰-eje godo, gəl kuji lə-a godo; ndɔ kuj-e godo, ndɔ kuy lə-a kara godo nəm tɔ. N-to to gə ngon lə Luba be, n-to njekapolo ja gə dɔbo̰.