Ebərəje 7:26 - Mbede Lə Luba Kone Gə Sigi

²⁶ Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

Testament ke Siki 1960 (Kabba Laka)

²⁶ Mbata to madji mbata lodjè ta kéh ke tokou ndjè kòr tokou ban, ke to madji toï ke tar kada dè té ang, ke yèdo kada ang, ke nkai rè ke ndjè da né ke madjang, ke darè nï tarr nouta dara.

Ebərəje 7:26 Iomraidhean Croise

Matiye 27:18

Mba n-gərə to gə nər mə ɓa d-uwa ne Jeju d-ula-a ji-a gə.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 23:22

Gɔl munda lə-a ja cibi n-pa n-ar-je na: Ne gə kṵra̰y gə ban ɓa dəw nee le ɗa wa? M-inga ne kara be rɔ-ɛ gə ang, gə asə mba kar n-inga nee yo ang. Be nama, kunda ja baa m-a kar-je d-unda-a ɗaa, m-a kḭya̰-a kila-a taar.

Lugu 23:41

Sijee le, kar-si to gə ɗəb-e arə ngadə, j-inga nekuga dɔ ji ɔji dɔ kula ɗa si, ngaa ꞌne le, n-ɗa ne gə kṵra̰y kara ang baa.

Lugu 23:47

Njekun dɔ njeɗɔje gə tɔl o ne gə nday le ɗaa ɔsə gaji Luba na: Tɔgərɔ ja, dəw gə nee le ɗaa to dəw gə dana gadə-gadə.

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Jean 14:30

M-a pa gə si tar gugu ɗangə ang ngaa, mba ngon mbay gə dɔ nangə gə nee le ɗe ngaa. ꞌMa le, n-asə ɗa sə-m ne kara ang,

Jean 8:29

Dəw gə njekula-m le ga̰ sə-m naa gə, n-ḭya̰-m gə kar-m ang, mba ꞌma m-ɗa ne gə ta kəm-e ja jaga-jaga.

Koula 3:14

Ngaa sisəy le ꞌmbadəje dəw gə to njerɔsangə ngaɓa to dəw gə gadə-gadə, cibi dəjije dəw gə nje tɔl dəwje ɓa ar-je d-ɔr-ɛ d-ila-a taar.

Koula 4:27

Tɔgərɔ ja mbay Erɔdə je gə Po̰s Pilad d-um njuma mə naa gə mə ɓe gə nee, gə gəl kujije ngaɓa gə dəw mə ɓeje gə Ijirayɛl d-ila kagə no Jeju gə, ngon njekula gə lə-i njerɔsangə gə um ubu dɔ-ɛ gə.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 2:10

Be ɓa ꞌne gə neje tɔ̰y ɗe ɗəw gə lə-a ngaɓa neje tɔ̰y to ɔji dɔ-ɛ, cibi n-ar ngan-ɛ bula d-inga rɔnduba ɗaa nje gəl kaji lə-je n-ar-ɛ ɗe gə dəw gə may pɛdə ɗəw ko ꞌməsərə gə.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 7:11

To gə ɓo dəw mə ɓeje d-inga torondu ɔji dɔ kula kapolo lə Lebi nam ɗaa, mba ɗi cibi ɓa njekapolo gə ɗəw gə gəl Mɛləkisedɛk ɓa a ɗe ɓo gə gəl ɗəw gə lə Aro̰ ang wa?

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

1 Piyɛr 1:19

ngaa ꞌndogo-si gə məsə gə may pɛdə, to to gə məsə ngon badəm gə rɔ-ɛ to təb ngaɓa arə ngadə, to məsə Kirisi;

1 Piyɛr 2:22

ꞌNe gə n-ɗa neɗa gə kṵra̰y ang, ꞌne gə tar kərə dəw ce t-ɛ gə ang;

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

1 Jean 3:5

Cibi sisəy ꞌgərəje som, dəw gə ɗe tɔji rɔ-ɛ gə ɗaga mba kɔr ne tar neɗa gə kṵra̰y lə dəwje le, neɗa gə kṵra̰y ɔr rɔ-ɛ ang.

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.