Ebərəje 7:25 - Mbede Lə Luba Kone Gə Sigi

²⁵ Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Testament ke Siki 1960 (Kabba Laka)

²⁵ Mbata yèn, nè nase ta kadji ke ndò toï dèdè ke ndé ngosi ke Allah deo té la, mbata nè nisi tébe ke ndò ke ndò ta doudjou Allah mbata lodè.

Ebərəje 7:25 Iomraidhean Croise

Jean 14:13

Ne tɔ̰y gə a dəjije gə ri-m le, m-a ɗa mba kar Bɔ dəwje inga rɔnduba ɗəw gə lə Ngon.

Jean 14:16

ꞌMa, m-a dəji Bɔ dəwje kar-ɛ ar-si njekuul mə-si gə ɗangə kara, mba kar-ɛ isi gə si gə no.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

Ephésiendjé 2:18

Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.

Ephésiendjé 3:12

Mba ɗəw gə lə-a ꞌne, ngaɓa gə go ta gə ja ta kag-e le ɗaa, dɔ-si to ne doy mba ɗəm ne gə rɔ Luba gə gə ɓəəl ang.

Ephésiendjé 3:20

Luba gə singa-a ɗa kula rɔ-sijee ngaɓa asə ɗa gə si may kal ne dɔ ne tɔ̰y gə ja dəji ose ye gə kəji lə-si uwa dɔ-ɛ le,

Philippiendjé 3:21

gə a mbəl darɔ gə a kuy nee le kar ta naa gə darɔ-ɛ gə a kuy ang gə go singamongə lə-a gə dum ne dɔ neje tɔ̰y.

1 Timoce 2:5

Gəl-e gə nee ɓa, Luba le kara baa. Ɗaa, njekar horo dəwje gə gə Luba le kara kara baa tɔ, n-to dəw, Kirisi Jeju,

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Ebərəje 13:15

Ɗəw gə lə-a ja j-a pidi ne Luba jaga-jaga gə nepolo, to tarje gə j-a pa gə ri-a.

Ebərəje 2:18

Mba n-o ꞌməsərə gə nena le ɗaa ɗəw kara baa ja tɔ n-a kasə mba la gə nje gə nena inga-je tɔ.

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

Ebərəje 7:16

njekapolo kara gə ɗangə ɗe ne, ɗəw torondu dəw ang, ngaa ɗəw singamongə təbə gə a to gə ɓal-ɓal.

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.

Ebərəje 7:24

ngaa ꞌne le mba n-isi gə ɓal-ɓal ɗaa, kapolo lə-a le to saar gə no.

Ebərəje 7:8

Ngaɓa ngan ka Lebi le, ꞌto dəwje gə d-a kuy ɓa ne dɔg nama d-un dɔ-ɛ kara kara d-ar-je, ngaa ye gə nee le ꞌpa na n-to dəw gə nje kuy ang.

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,