Ebərəje 6:6 - Mbede Lə Luba Kone Gə Sigi

⁶ ɓa ꞌtəl d-oso le, ɗəw gə ɗangə gə d-a təl turu ne kəji lə-je to gə sigi le godo. Mba ꞌtəl ꞌɓərə ngon lə Luba kagə dəsə gə to gə sigi gə kar-jejee ja cibi ngaɓa d-unda-a gə ne taji gadəmagay gə.

Testament ke Siki 1960 (Kabba Laka)

⁶ Tokou dèdè ntél doso, a kase ta téldè ta karedè mbeté kedji né da ke madjang ang, mbata dèdè ntòl Ngon lo Allah kake dèse té mbata lodè ndja, ke dila ròkoul kèmè té no dooudjé té.

Ebərəje 6:6 Iomraidhean Croise

Matiye 19:26

Jeju a-je ji ɗaa təl pa ar-je na: To ne gə dum dɔ dəwje ngaa Luba le ne gə dum dɔ-ɛ godo.

Lugu 11:48

Be ɓa, sisəy ja ꞌtoje njetar najije ngaɓa ꞌnjigije dɔ neje gə ka-sijee ꞌɗa, ꞌjeje gə ꞌto nje tɔl pajambərəje, ɗaa sisəy ngaa ꞌtoje njekunda dɔbarə-jeje!

2 Timoce 2:25

N-a ndəji njekunda tarje gə ndu gɔsə gə kul kuji, mba kunda ne m-e to gə ndɔ gə ɗangə nama Luba a kar-je mbəl kəji lə-je, mba gərə ne tar gə tɔgərɔ,

Ebərəje 10:26

Mba logə j-a gərə tar gə tɔgərɔ nam ɓa j-ḭ j-a ɗa neɗa gə kṵra̰y gə mə njigi lə-si ja nama, nepolo gə a kɔr tar-ɛ dɔ si gə godo,

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Ebərəje 6:4

Tar gə ɔji dɔ nje gə kəm-je unja nam, gə ꞌna nekarə baa gə dara ngaɓa d-inga Njil Njerɔsangə nam,

2 Piyɛr 2:21

Mba kar ꞌgərə ɗəw gə may nee kede ang le ja, may ya̰ unda ye kar ꞌgərə nam ɓa ꞌtəl d-uba ndu gə to gə losang-ɛ gə d-ar-je d-ḭya̰.

1 Jean 5:16

To gə ɓo dəw o ngon ko̰-ɛ ɗa neɗa gə kṵra̰y gə a ce yo dɔ-ɛ gə ang nama, may kar dəji Luba kar ar dəb-e nee le təbə; ye gə ɔji dɔ nje gə ꞌɗa neɗa gə kṵra̰y gə a ce gə yo dɔ-je gə ang. Neɗa gə kṵra̰y gə a ce yo to kəne əng, ngaa neɗa gə kṵra̰y gə nee ɓa m-pa kar ꞌdəji Luba ɔji dɔ-ɛ ang baa.