Ebərəje 6:2 - Mbede Lə Luba Kone Gə Sigi

² netɔji gə ɔji dɔ batɛmje, kila ji dɔ gə, tar ce buwa yo gə lə nje gə d-uy gə gangə tar gə gə dɔbo̰.

Testament ke Siki 1960 (Kabba Laka)

² Ta tòdjou tar baptême, tar kila dji do té, tar kï mè bwa yo té, tar saria ke ke ndò ke ndò.

Ebərəje 6:2 Iomraidhean Croise

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Matiye 3:14

Ngaa Ja̰ njigi sə-a ang na: ꞌMa ɓa m-aw ndoo kar-i ɗa-m batɛm ɗaa ꞌi təl ɗe kar-m ꞌma ɓa m-ɗa-i wa?

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Marəke 7:4

Ngaɓa logə ɓo d-ḭ ɗaga ꞌɗe kəy nama ꞌtogo ji-je ɓa d-usa ne ɓi. Nejiɓeje gə to gə be le bula ɓe lə-je ya̰, to gə togo mə ngo kay ne, mə bayje gə mə sambɛ̰je.

Marəke 7:8

ꞌMbadəje ndu Luba, ɗaa nejiɓe lə dəwje ɓa oreje kəm-si kəne.

Lugu 11:38

Logə Parijiyɛ̰ o to gə Jeju togo ji-a ang baa ja usa ne ɗaa, lo tar igi-e sɛl.

Lugu 12:50

M-a kinga batɛm gə m-aw ngina mba kar ɗe tɔg-ɛ!

Lugu 14:14

A to njenokarə mba dəwje nee le d-a kasə kuga dɔ ji-i ang, ngaa Luba ja ɓa a kuga dɔ ji-i ndɔ gə dəwje gə gadə-gadə gə d-uy d-a ndol ne.

Lugu 3:16

Ja̰ ila-je kəne na: ꞌMa, m-ɗa-si batɛm mə man gə, ngaa dəw gə aw ɗe le to ɓəəl ya̰ unda-m, ngaɓa n-to dəw gə m-asə tudu kula sabɔgɔ lə-a ang. Be ɓa, ꞌne le, n-a ɗa si batɛm gə Njil Njerɔsangə gə pər.

Jean 1:33

Ngaɓa ꞌma, m-gər-e kede ang, ngaa Luba gə ula-m ar-m m-ɗa batɛm gə man le ja pa na: Dəw gə a ko Njil a kḭ dara ɗisi isi dɔ-ɛ gə ɗaa, ye ɓa to dəw gə a ɗa batɛm gə Njil Njerɔsangə.

Jean 5:29

Ngaɓa nje gə ꞌɗa ne gə may nama d-a ndol ce buwa yo gə mba kisi kəm baa; nje gə d-a ɗa ne gə kṵra̰y nama d-a ndol ce buwa yo gə mba kaw lo gangə tar gə.

Koula 10:47

Se dəwje gə d-inga Njil Njerɔsangə ɗəw kara baa to gə sijee nee le d-a kɔgə-je batɛm kar man ɓi wa?

Koula 13:3

Be ɓa logə ꞌtɔl mə-je ɓo gə ꞌdəji Luba ɗaa d-ila ji-je dɔ Barənabas je gə Sɔl gə ngaɓa d-ḭya̰-je d-ar d-aw ɓi.

Koula 16:15

Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

Koula 16:33

Dɔ kar-ɛ gə mə cil-e gə nee ja, n-aw gə je n-aw n-togo do lə-je ɗaa gə lo-e gə nee ja ꞌɗ-ɛ batɛm gə njeka-ɛje tɔ̰y tɔ.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 2:41

Nje gə takagə tar gə Piyɛr pa le ꞌɗa-je batɛm ngaɓa dɔ ndɔ-ɛ gə əng kɔr dəwje tɔl-tɔl dɔg lo munda oso dɔ-je gə.

Koula 23:6

Logə Pɔl gərə to gə dəwje gə mbo̰ naa le dəbəje gə kara to Sadusiyɛ̰je ngaɓa ye gə kara to Parijiyɛ̰je tɔ ɗaa, pa tar uru ne ꞌkuwi no ngɔ gangə tar gə lə Jiibije na: Ngan ko̰-m, ꞌma m-to Parijiyɛ̰, gə ngon kuji Parijiyɛ̰, mba tar nekunda mə gə tar ce buwa yo gə lə nje gə d-uy ɓa m-ar ne lo gangə tar nee.

Koula 24:15

ngaɓa m-unda mə-m dɔ Luba gə to to gə ꞌjejee kara d-unda ne mə-je be tɔ, ɗaa nje gə gadə-gadə gə nje gə gadə-gadə ang d-a ce buwa yo gə.

Koula 24:21

Ose ɔji dɔ tar kara baa gə m-uru ne ꞌkuwi horo-je gə na: Tar gə ɔji dɔ ce buwa yo gə lə nje gə d-uy le ɓa ɓogəne m-ar ne no ngɔ gangə tar gə no-si gə!

Koula 24:25

Ngaa logə Pɔl pa tar gə ɔji dɔ neɗa gə gadə-gadə, gə ko̰ dɔ rɔ ngaɓa gangə tar gə dɔ ndɔ gə bara ɗaa ɓəəl unda Pilis badə gang-e ar pa ar-ɛ na: Dɔ kar gə nee ɗaa, aw mbum ɗaa logə m-inga dɔ kar ɗaa m-a təl ɓar-i ɓi.

Koula 26:8

Mba ɗi ɓa sisəy əjije to gə Luba asə ndol nje gə d-uy ang wa?

Koula 4:2

Wungu to-je mba d-aw tɔji dəw mə ɓeje ne ngaɓa d-ila mbərə ce buwa yo gə lə nje gə d-uy to gə Jeju ce ne be.

Koula 6:6

Go-e gə ɗaa d-unda-je no njeka̰ykulaje gə d-ar d-o-je ɗaa ꞌdəji Luba ngaɓa ꞌtəl d-ila ji-je dɔ-je gə.

Romaindjé 2:16

Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.

1 Corinthiendjé 10:2

ꞌjejee tɔ̰y d-inga batɛm ɗəw gə lə Moyiji, mə kil gə lə nji ngaɓa dan babo gə,

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

2 Corinthiendjé 5:10

Be ɓa, may kar-sijee tɔ̰y j-ar no ngəndəng gangə tar gə lə Kirisi, mba kar na-na kara inga ne dɔ ji lə-a gə may ose gə kṵra̰y gə ɗa lo gə ye nay nee mə darɔ gə ɓi.

Philippiendjé 3:21

gə a mbəl darɔ gə a kuy nee le kar ta naa gə darɔ-ɛ gə a kuy ang gə go singamongə lə-a gə dum ne dɔ neje tɔ̰y.

Colossiendjé 2:12

ꞌDubu-si sə-a ɗəw batɛm gə, d-ar-si ja ꞌce-je sə-a mə buwa yo tɔ ngaɓa gə ɗəw ta kagə singamongə Luba gə ar-ɛ n-ce ne horo nje gə d-uy gə.

2 Timoce 2:18

Jeje ja d-uba tar gə tɔgərɔ d-ḭya̰; ngaɓa paje d-ar-je dəwje na Luba ndol nje gə d-uy nam ngaa, d-ar-je nje gə kɛm ꞌtusu ne takagə lə-je d-ḭya̰.

Ebərəje 11:35

Jeneje ꞌtəl d-inga ne njekar-jeje d-uy ɓa ndol. Nje gə kɛm ꞌmbḭrḭ-je ngaa ꞌnjigi kar d-ɔr-je d-ila-je taar ang mba njigi kuy gə ndol ndol gə dum dɔ lo.

Ebərəje 9:10

Mba to nduje gə ɔji dɔ nekusaje gə nekayje ja baa ngaɓa gə ji nesangəje ɓədə-ɓədə ngaɓa nduje gə dəwje ja baa d-un ꞌɗa ne kula saar kar d-un ne ndu gə sigi ꞌce ne.

2 Piyɛr 3:7

ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.