Ebərəje 6:19 - Mbede Lə Luba Kone Gə Sigi

¹⁹ Nekunda mə nee le uwa nangə baa-baa to gə ngaw lar gə ɔy gə ꞌtɔ man gə be, mba təbə lə-si. N-riba bal dɔ gə mə kəy gə lə Luba gə to dara, n-andə no kɔgə gə,

Testament ke Siki 1960 (Kabba Laka)

¹⁹ Djèdjè djéh ke mè ngebe nèn tokou né ke waa kem lodjè ngeng ke yè ang, mè ngebe nèn ande loou ke giri koubou té.

Ebərəje 6:19 Iomraidhean Croise

Matiye 27:51

Be ɓa bal dɔ kubu gə mə kəy gə lə Luba ḭ taar ja cir dana njarara uru nangə, ngaɓa dɔ nangə yəgə, ərəje kara tɔ dana ɓəgəgə-ɓəgəgə,

Koula 23:6

Logə Pɔl gərə to gə dəwje gə mbo̰ naa le dəbəje gə kara to Sadusiyɛ̰je ngaɓa ye gə kara to Parijiyɛ̰je tɔ ɗaa, pa tar uru ne ꞌkuwi no ngɔ gangə tar gə lə Jiibije na: Ngan ko̰-m, ꞌma m-to Parijiyɛ̰, gə ngon kuji Parijiyɛ̰, mba tar nekunda mə gə tar ce buwa yo gə lə nje gə d-uy ɓa m-ar ne lo gangə tar nee.

Koula 27:29

Be ɓa ꞌɓəəl na to lə-si a kḭ dar ər ɗaa ꞌɓərə ngaw lar gə ɔy lo sɔɔ, ꞌtɔ ne bong to nangə ngaɓa ꞌngina ne lokarə.

Koula 27:40

Be ɓa ꞌtudu ngaw lar gə ɔy le d-ḭya̰ d-ar aw mə babo kadə gə ngaɓa ngaw to gə d-aw ꞌləl nee le kara d-ḭya̰ taar nəm cibi d-ila kagə mbi to kara no to gə ɓa d-ḭya̰ d-ar ləl ja ndɔr-je dɔ-ɛ gə kar mbalaa.

Romaindjé 4:16

Gəl-e gə nee ɓa gə go takagə, mba ɔji dɔ mənuji ɓa mba kar ne gə d-uwa dɔ gɔl-ɛ le to ne gə singa-a ɔji dɔ gəl kuji ja tɔ̰y, ɓo gə go torondu ɓa mba kar ɔji ne dɔ nje gə ꞌgərə ja baa ang, ngaa ɔji ne dɔ nje gə ꞌta kagə ɗəw kara baa to gə Abəraham gə to ka-sijee tɔ̰y.

Romaindjé 4:18

Abəraham ar dɔ kunda mə gə lə-a gə ngɔ ja, n-ta kagə ngaɓa n-təl to ne bɔ gəl kuji dəwje bula, to to gə ꞌpa nena: Gəl kuji lə-i le a to to gə be,

Romaindjé 5:4

kuwa gədərə uji kar njang dan nena gə, ngaɓa kar njang dan nena gə uji kunda mə,

1 Corinthiendjé 13:13

Be ɓa ɓisine neje gə munda nee le ga̰: Takagə, kunda mə, njigi, ngaa ne gə to ɓəəl ya̰ ja to njigi.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

Ephésiendjé 2:6

N-ar-si ja ndol naa gə kara baa gə Kirisi Jeju, ngaɓa n-ar-si j-isi sə-a naa gə kara baa mə dara gə,

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 3:1

To gə ɓo uyje ɓa ꞌndolje gə Kirisi naa gə nama, may kar ꞌsangəje go neje gə dara, lo gə Kirisi isi kəne dɔ ji kɔl Luba gə.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

Ebərəje 4:16

Be ɓa j-ulaje kudu-si gə kede gə ɓəəl ang, gə mbɔr ngəndəng mbay mənuji gə, mba kinga ne məmay, gə mənuji ngaɓa mba kar logə ne dum dɔ-si nama, n-la gə si kəne.

Ebərəje 9:3

Cibi m-e gə njekum gə joo, ꞌgangə gə bal dɔ ngaɓa ꞌɓar-ɛ no kɔgə losangə.

Ebərəje 9:7

Ngaa mə kəy kubu gə njekum gə joo gə to no ngɔ lo sangə le, buba njekapolo ja gə kar-e baa, ɓal kara nama andə kəne gɔl kara baa gə məsə gə ɔji dɔ-ɛ ye nəm ɓa mba neɗa gə kṵra̰y lə dəw mə ɓeje nəm tɔ.

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,