Ebərəje 6:18 - Mbede Lə Luba Kone Gə Sigi

¹⁸ be ɓa ɗəw gə lə neje gə joo gə ndu-e a turu kəne ang mba Luba asə pa tar gə ɗəgərə ang, a kar singa gə boy, ngaɓa lokiya rɔ mba cḭya̰ ne dɔ ne kunda mə gə d-uwa dɔ gɔl-ɛ d-ar-si.

Testament ke Siki 1960 (Kabba Laka)

¹⁸ Baa ta kare deo té lo né djo nèn ke ase tourou ang, ke Allah ase ta kere ngem kendé ang, djèdjè ke djaïn loou ngem ròdjè té, ta kare djinga singa rò kwoei ang, ta kwaa tar mè ngebe ke dounda nodjè té.

Ebərəje 6:18 Iomraidhean Croise

Matiye 24:35

Dara je gə nangə d-a nday, ngaa tarje lə-m d-a nday ang.

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Lugu 2:25

Cibi jingaw kara isi mə ɓe gə Jerujalɛm, ri-a na Simiyo̰. N-to dəw gə gadə-gadə ngaɓa n-ila kuji dɔ ne gə lə Luba ya̰. N-aw ngəbə nekul mə lə ngan Ijirayɛlje. Njil Njerɔsangə ɗe dɔ Simiyo̰ gə,

Romaindjé 15:5

May kar Luba gə nje gəl kuwa gədərə gə njekul mə dəwje le, ar kəji lə-si to kara baa dɔ naa gə gə yo gə nee to to gə kar Kirisi Jeju be,

Romaindjé 3:25

ꞌNe gə Luba un-e gə nepolo, ɔji dɔ dəwje gə ꞌta kagə məs-e mba tɔji ne gadə-gadə lə-a. Mba kede ləw ja kara n-ila m-e dɔ mar-ɛ gə lal gangə tar dɔ neɗaje gə kṵra̰y gə lə dəwje,

Romaindjé 3:4

Be ang baa! May gərə ngadə to gə Luba ɗa ne gə tɔgərɔ, ngaa dəw gə ɗa-ɗa kara to nje ɗəgərə, to gə ꞌɗa ne mə mbede gə na: Mba kar d-o-i ne gə dəw gə gadə-gadə gə go tarje gə ce ta-i gə, ngaɓa gə kar tar uwa-i ne lo gangə tar gə ang.

Romaindjé 5:5

ngaɓa, kunda mə ɗa nerɔkul ang, mba Njil Njerɔsangə gə d-ar-si le, ar njigi lə Luba ta mə-si ya̰-ya̰.

Philippiendjé 2:1

To gə ɓo kinga singa ɓəəl ɗəw lə Kirisi ga̰, to gə ɓo kula jingaw mə naa gə dan njigi gə ga̰, to gə ɓo ɗa mə kara lə Njil ga̰, to gə ɓo ko kəmtondoo gə ɗa məmay ga̰,

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

1 Timoce 6:12

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

2 Timoce 2:13

To gə ɓo j-a toje dəwje gə j-ar njang ang kara Ne n-ar njang ja jaga, Mba ꞌne n-asə tula rɔ-ɛ naa gə ang.

Tite 1:2

Gə mba kunda ne mə dɔ təbə gə a to gə ndɔ gə ndɔ, gə Luba gə tɔgərɔ uwa dɔ gɔl-ɛ nam ɓa ɗa dara gə nangə.

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

Ebərəje 3:11

M-ugu rɔ-m gə wungu m-pa na: D-a kila gɔl-je lo kuwa kɔr gə lə-m ndag ang.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 6:17

To gə be ɓa Luba kara njigi tɔji nje gə uwa dɔ gɔl ne ar-je to gə ndu-e a turu ang ɗaa naji dɔ darɔ-ɛ ye gə,

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.

Ebərəje 7:21

Nje gə kɛm le, ꞌto njekapoloje lal kar d-ore kudu-je gə naji ngaa ꞌne le, Mbayɓe naji ar-ɛ na: ꞌto njekapolo ja gə dɔbo̰, ɗaa nj-ɛ a turu kəji lə-a kəne ang.

1 Jean 1:10

To gə ɓo j-a paje na j-a ɗa neɗa gə kṵra̰y ang nama, j-o-e gə nje ɗəgərə, ngaɓa tar lə-a godo mə-si gə.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.