Ebərəje 6:1 - Mbede Lə Luba Kone Gə Sigi

¹ Gəl-e gə nee ɓa, ar-si j-ḭya̰je dɔngɔr nendo gə ɔji dɔ Kirisi le, ɗaa j-ore kəm-si ndəng dɔ ye gə kar tɔgə ne gə, to gə kunda gəl nendoje gə nee to gə sigi ang: ꞌturuje kəji dɔ neje gə a kuji yo gə ta kagə Luba,

Testament ke Siki 1960 (Kabba Laka)

¹ Mbata yèn, ase kare djïya gel né tòdjou ke dongor tar lo Christ, djao kèté ta dé kase tòkou doou, ta tél ta da gòl tar mbeté kedji dò koula yo té ang, ke dò ko mè té ke Allah.

Ebərəje 6:1 Iomraidhean Croise

Matiye 21:29

N-ila kəne na: M-njigi ang ngaa go-e gə ɗaa n-təl n-turu kəji lə-a, n-ɔdə n-aw ndɔɔ le.

Matiye 21:32

Mba Ja̰ ɗe rɔ-si gə gə ɗəw gə gadə-gadə, ngaa ꞌtaje kag-ɛ ang. Ɗaa njembo̰ lar gədə ɓeje gə jene kayaje ɓa ꞌta kag-ɛ, ngaɓa oje neje nee le gə kəm-si ja ngaa ꞌmbadəje mba turu kəji lə-si gə mba ta kag-ɛ.

Matiye 3:2

N-pa na: ꞌTuruje kəji lə-si, mba ɓeko̰ gə dara nay əw ang baa.

Matiye 4:17

Dɔ kar-ɛ gə Jeju ila mbərə ngaɓa pa na: ꞌTuruje kəji lə-si mba ɓeko̰ gə dara nay əw ang baa.

Matiye 5:48

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Matiye 7:25

Nji ər, ar man nji ula gə singa ya̰ unda kəy le ngaɓa ləl kara ula gə singa ya̰ nəm nee kəy lə-a nee le oso ang, mba n-unda dɔ ranga gə.

Marəke 1:1

Tar gə May lə Kirisi Jeju, Ngon lə Luba le uma kud-e to gə be.

Marəke 6:12

Be ɓa d-aw ɗaa d-ila mbərə turu kəji.

Lugu 6:48

N-taa naa gə dəw gə unda kəy, uru buwa gadə kəy ar uru ya̰ ɓa um ər kəne nam ɓa unda kəy dɔ-ɛ gə. Logə man ta lo ɗaa kəy le to taar jagəra, mba kəy le d-unda gə maj-ɛ.

Jean 12:44

Jeju pa tar gə ndu-e gə boy na: Dəw gə ta kagə-m nama, to gə ꞌma ɓa ta kagə-m ang, ngaa dəw gə njekula-m le ɓa ta kag-ɛ kən;

Jean 14:1

Ar-je mə-si ila kasə dɛləm ang. ꞌTaje kagə Luba ngaɓa ꞌtaje kagə-m ꞌma nəm tɔ.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 20:21

m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

1 Corinthiendjé 13:10

ngaa logə ne gə may pɛdə a ɗe ɗaa, ne gə ga̰-e baa le a kunda nangə mburugu.

1 Corinthiendjé 2:6

Logə m-pa tar kəm karə m-ar dəwje gə ꞌtɔgə dɔ takagə gə le, to kəm karə gə dɔ nangə nee ang nəm, ɓa to kar mbay lə njilje gə njeko̰ dɔ loje gə dɔ nangə nee gə d-a tuji pugudu le ang.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

2 Corinthiendjé 7:10

Mba kəm gə to ndoo gə may ta kəm Luba gə le, ɗe gə turu kəji gə ce dɔ kaji gə ngaɓa jɔgə dəw ang, ngaa kəmtondoo gə dɔ nangə gə nee le uji yo.

Ephésiendjé 2:1

Ye gə ɔji dɔ sisəy le ɗaa, ꞌtoje dəwje gə uyje mbudugu ɗəw neɗaje gə gə dɔ gɔl-ɛ ang gə ɗəw neɗaje gə kṵra̰y gə lə-si,

Ephésiendjé 2:5

Sijee gə j-uy ɗɔdə mba neɗa-sijee gə gə dɔ gɔl-ɛ ang le n-ar-si ja təl j-isi kəm baa gə Kirisi naa gə – mbɔr dɔ mənuji ɓa sisəy ajije ne kəbərə.

Ephésiendjé 4:12

mba tɔji ne ne njerɔsangəje kar ꞌto ne ngan njekulaje gə may pɛdə mba kar darɔ Kirisi ərə ne ɓər-ɓər,

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

Colossiendjé 3:14

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

1 Timoce 6:19

Be ɓa, d-a mbo̰ ne nekinga gə lo gə may gə bara mba kinga ne təbə gə tɔgərɔ.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Ebərəje 12:13

May kar-si ꞌnjaje ɗəw gə dana njururu mba kar gɔl gə aw məndə jɔgə rɔ-ɛ ang, ngaa kar-ɛ aji.

Ebərəje 7:11

To gə ɓo dəw mə ɓeje d-inga torondu ɔji dɔ kula kapolo lə Lebi nam ɗaa, mba ɗi cibi ɓa njekapolo gə ɗəw gə gəl Mɛləkisedɛk ɓa a ɗe ɓo gə gəl ɗəw gə lə Aro̰ ang wa?

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Jacques 1:4

Ngaa, məndəər le may kar-ɛ ɗa kula gə may pɛdə mba kar ꞌtoje ne dana gadə gə ꞌmayje ɔrəje ne sṵra̰, ngaɓa gə mba kar ne kara kara lal-si ang nəm tɔ.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.