Ebərəje 5:12 - Mbede Lə Luba Kone Gə Sigi

¹² Sisəy le ɗaa kuru lo əw asə kar-si ꞌtoje njenetɔjije ngaa, ngaa dɔngɔr nendo gə d-uma ne kudu tar lə Luba ja cibi ꞌnjigije kar ꞌtəl ꞌtɔji-si, to to gə ꞌtoje nganje gə kasə gə mbaa baa ɓa il-je ɓo usaje nekusa dəwje gə tɔgə ang.

Testament ke Siki 1960 (Kabba Laka)

¹² Mbata bal baya leo ba to tar losè ta kase dé ndjè né tòdjou, a ase kare mare doou tél tòdjousè to ke siki gel né ke dongor lo tar lo Allah. Ase kare daresè mba, bo asidjé né kousa ke tòkou ang.

Ebərəje 5:12 Iomraidhean Croise

Matiye 17:17

Jeju ila kəne na: ꞌToje dəwje nje məkədərəje, ꞌtoje njetula pa nja-je naa gə je, m-a ga̰ gə si saar ndɔ gə ɗa gə wa? Ose m-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje.

Marəke 9:19

Jeju ila-je kəne na: ꞌToje dəwje gə nje məkədərəje, m-a ga̰ gə si saar ndɔ ɗa gə ja ɓi wa? M-a kore uru-m dɔ si gə saar ndɔ gə ɗa gə wa? ꞌƊe-je gə ngon le ar-mje. Ɗaa ꞌɗe sə-a d-ar-ɛ tɔ.

Koula 7:38

Logə ꞌmbo̰ naa mə ndag lo gə le, ꞌne nee ja anji pa sə-a tar dɔ ər gə Sinayi, ngaɓa gə ka ka-sijee, ꞌne gə n-ta tarje uji dɔ təbə n-ar-si.

Romaindjé 3:2

To gə ban-ban kara may lə-a to ja tɔ̰y. Mba Jiibije ja ɓa Luba um tar lə-a ji-je gə.

1 Corinthiendjé 14:19

ngaa mə Mbo̰ naa lə njetakagəje le, mə-m njigi pa tar ta-m mi baa gə kəji negərə, mba ndəji ne nje gə kɛm may unda ye gə kar m-pa tar ta-m tɔl-tɔl dɔg lo dɔg.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

Galatedjé 4:3

Sijee kara, logə j-a nay nganje ɓi le, j-a to ɓərəje lə njilje gə o̰ dɔ nangə nee.

Philippiendjé 3:1

Tar gə ɗangə gə m-a pa ɓa nee: Ngan ko̰-mje, ꞌɗaje rɔləl ɗəw gə lə Mbayɓe. Kar m-ɗa mbede m-pa ne tar gə njekara baa ja m-ar-si ɓi le, jɔgə-m ang, mba to may lə-sisəy.

Colossiendjé 3:16

Ar-je tar lə Kirisi ɗa ɓe mə-si gə gə mong-e, ꞌndoje naa ngaɓa ꞌndəjije ne naa gə yo gə nee gə kəm karə, ɔsəje gaji Luba gə pa kɔsə, paje ɓədə-ɓədə, gə paje gə ɗəw Njil gə, ɔsəje pa, ꞌɗa-eje ne oyo gə dɔ ɓəngərə si tɔ̰y.

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

Ebərəje 5:11

Tar gə j-a pa ɔji dɔ-ɛ bula ya̰ ja ngaa lo kɔr gəl-e kədərə mba ko tar lə-si o̰ ya̰.

Ebərəje 5:13

Be ɓa dəw gə aw il mba ɓi le to ngon ja jaga ɓo a gərə kunja kəm tar gə dɔ gɔl-ɛ ang mba n-tɔgə ang.

Ebərəje 6:1

Gəl-e gə nee ɓa, ar-si j-ḭya̰je dɔngɔr nendo gə ɔji dɔ Kirisi le, ɗaa j-ore kəm-si ndəng dɔ ye gə kar tɔgə ne gə, to gə kunda gəl nendoje gə nee to gə sigi ang: ꞌturuje kəji dɔ neje gə a kuji yo gə ta kagə Luba,

1 Piyɛr 2:2

Ngaa ɗəw kara baa to gə ngan tayje ꞌnjigi ne mbaa be le, ar-je ɓo mbaa gə arə ngadə, gə to tar lə Luba ɔr-si, mba kar mbɔr dɔ-ɛ ɗaa ꞌtɔgəje ne ɓo ingaje ne kaji,

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.