Ebərəje 4:2 - Mbede Lə Luba Kone Gə Sigi

² Mba d-ila mbərə Tar gə May d-ar-sijee nəm, d-ila d-ar ꞌjejee nəm. Ngaa tar gə d-o-je le, kara kara ɗa kula rɔ-je ang, mba ꞌɗa mə kara gə nje gə d-o le dɔ takagə gə ang.

Testament ke Siki 1960 (Kabba Laka)

² Mbata mpa tar ke madji daredjè deo kadaba tokou mpa daredè to, a tar ke dèdè do dadè madji kada ang, mbata dèdè ke do dòrè ke ko mè té ang.

Ebərəje 4:2 Iomraidhean Croise

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Romaindjé 2:25

Tɔgərɔ ja, to gə ɓo ila kuji dɔ torondu gə nama kunja bərə lə-i le to ne gə may ja; ngaa to gə ɓo al dɔ torondu nama kunja bərə lə-i le təl to gə kunja bərə ang baa.

Romaindjé 3:3

Ngaa, ɗi ja wa? To gə ɓo nje gə kɛm ꞌto njeməkədərəje le, məkədərə lə-je a tuji to dana gadə-gadə lə Luba wa?

1 Corinthiendjé 13:3

Ngaɓa to gə ɓo m-kay nemayje lə-m tɔ̰y, ngaɓa m-uwa darɔ-m mba kar-je ꞌɗo gə pər ɓa, to gə ɓo njigi godo mə-m gə nama, m-ɗa ne kara ang.

Galatedjé 3:2

Oje, m-a dəji tar kara baa ja mba ko: Se go ɗəw ɗa torondu ɓa ingaje ne Njil ose gə go ko tar takagə wa?

Galatedjé 3:8

Ye gə nee le ɓa, Mbede pa kede to gə Luba a ko dəwje gə ꞌgərə Luba ang gə dəwje gə gadə-gadə gə go ɗəw takagə. Luba pa Tar gə May nee le ar Abəraham kede: Gəl kuji dəwje tɔ̰y gə dɔ nangə nee d-a kinga ndu tɔr ɗəw gə lə-i.

Galatedjé 4:13

ꞌGərəje gə maj-ɛ to gə mbɔr dɔ rɔ-m gə to-m ɓa m-ila mbərə Tar gə May m-ar-si dɔngɔr.

1 Thessaloniciendjé 1:5

Mba Tar gə May gə j-ila mbər-e j-ar-sisəy le, j-a pa gə ta-si baa ang, ngaa Njil Njerɔsangə ore kud-e gə singamongə ngaɓa to tar gə tɔgərɔ ja. Be ɓa sisəy ꞌgərəje pa nja sijee gə horo-sisəy gə mba kar to may lə-si.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 4:6

Be ɓa, d-ɔr ta ɗəw d-ar nje gə kɛm kar d-andə kəne ja ngaa, nje gə Tar gə May nee oso mbi-je gə dɔngɔr ja d-andə kəne ang mba ko tar ang lə-je,

Jacques 1:21

Gəl-e gə nee ɓa, to gə ɓo ɔsəje ne gə mina, gə neməyɛr gə al dɔ mar-ɛ ngərəng nam ɗaa, ꞌtaje tar gə a kasə kaji təbə lə-si, gə ꞌmaa dɔ ɓəngərə-si gə le gə mə kul yururu.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.