Ebərəje 4:14 - Mbede Lə Luba Kone Gə Sigi

¹⁴ Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Testament ke Siki 1960 (Kabba Laka)

¹⁴ Tokou ban, mbata djèdjè djéh ke tokou ndjè kòr boui wota ke ande mè dara té, Jésus Ngon lo Allah, ase kare djwaa ngeng tar ko mè té ke djèdjè mpa tarè.

Ebərəje 4:14 Iomraidhean Croise

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Marəke 1:1

Tar gə May lə Kirisi Jeju, Ngon lə Luba le uma kud-e to gə be.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Lugu 24:51

Logə n-aw n-tɔr ndu dɔ-je gə bənəng ɗaa, n-uba-je n-ḭya̰-je, ngaɓa ne un-e aw sə-a dara.

Koula 1:11

Sisəy dəwje gə Galile, mba ɗi ɓa arje aw aje ne lo gə dara wa? Jeju nee gə d-un-e horo-si gə dɔ-ɛ gə dara gə aw le, n-a təl ɗe ɗəw kara baa to to gə aw o-eje ne lo kaw gə dara be tɔ.

Koula 3:21

Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

2 Corinthiendjé 12:2

M-gərə dəw kara gə to njetakagə Kirisi, gə asə ɓal dɔg gə gir-e gə sɔɔ ja ngaa, d-un-e d-aw sə-a saar mə dara gə njekum gə munda gə, d-un-e gə darɔ-ɛ ja ose to gə njil-e ɓa d-un kara, Luba ɓa gərə.

2 Corinthiendjé 9:13

Logə dəwje d-o singa kula gə ꞌɗaje nee ɗaa, d-ila ne riɓar dɔ Luba gə ɔji dɔ kila kuji lə-si dɔ Tar gə May gə lə Kirisi gə ta-je, ngaɓa ɔji dɔ nenuji kar mə kara gə ꞌɗaje gə je, ngaɓa gə dəwje tɔ̰y.

Ephésiendjé 4:10

ꞌNe gə nje ɗisi kuru nangə le, to gə ꞌne gə kara baa nee le ja n-ḭ n-aw dɔ dara gə taar tɔ̰y, mba ta ne lo ya̰-ya̰ tɔ.

Ebərəje 1:8

Ngaa kar ngon-e ɗaa n-pa na: Ngəndəng mbay lə-i, əy Luba, to saar gə no. Ngaɓa, Miya̰ ko̰ mbay lə-i kara o̰ ne ɓe gə dɔ gɔl-ɛ.

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 10:29

Ɓədə ɓa, kar dəw gə tuba ngon lə Luba nangə gə gɔl-ɛ, gə o məsə riya kone gə ꞌtogo-e ne gə ne ang ngaɓa taji Njil gə to gəl mənuji nama, d-a bɛ̰ t-ɛ kar-ɛ al dɔ lo.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 2:1

Gəl-e gə nee ɓa j-a ngom-je tar gə ꞌpa d-ar-si le gə maj-ɛ mba kar j-a ndəəm ang.

Ebərəje 2:17

Cibi ɓa ɗəw neje gə tɔ̰y ja n-a təl ta naa gə ngan ko̰-ɛ kəne ɓa gə mba təl to buba njekapolo gə nje ɗa məmay, gə dəw gə gadə-gadə, ɗəw kula gə lə Luba kɔr ne tar neɗa gə kṵra̰y dɔ dəw mə ɓeje gə.

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Ebərəje 6:20

j-andə logə Jeju andə kəne mba-si gə njekɔr no-si, təl ne buba njekapolo gə gə ndɔ gə ndɔ gə ɗəw gə gəl Mɛləkisedɛk gə.

Ebərəje 6:6

ɓa ꞌtəl d-oso le, ɗəw gə ɗangə gə d-a təl turu ne kəji lə-je to gə sigi le godo. Mba ꞌtəl ꞌɓərə ngon lə Luba kagə dəsə gə to gə sigi gə kar-jejee ja cibi ngaɓa d-unda-a gə ne taji gadəmagay gə.

Ebərəje 7:3

N-to dəw gə bɔ-ɛje godo, ko̰-eje godo, gəl kuji lə-a godo; ndɔ kuj-e godo, ndɔ kuy lə-a kara godo nəm tɔ. N-to to gə ngon lə Luba be, n-to njekapolo ja gə dɔbo̰.

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.