Ebərəje 4:12 - Mbede Lə Luba Kone Gə Sigi

¹² Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.

Testament ke Siki 1960 (Kabba Laka)

¹² Mbata tar lo Allah éh ke tébe ke singa, ate wota tokou kiaa ke ndë djo, nè nòsou ase ta kai kem ke ndii, ke ase ta kai mëre rò ke keme singa, nè ngange kedji ke né ke mè edji ta da.

Ebərəje 4:12 Iomraidhean Croise

Lugu 8:11

Oje gəl gusutar le ɓa nee: Kandə kər le, to tar lə Luba.

Jean 12:48

Dəw gə mbadə-m ngaɓa ta tar lə-m ang nama nje gangə tar dɔ-ɛ gə ga̰ kəne əng: tar gə m-pa nee le ja a gangə tar dɔ-ɛ gə dɔ ɗudu ndɔ gə.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Koula 2:37

Be ɓa tar gə Piyɛr pa le ɗa kula dɔ ɓəngərə-je gə ɗaa ꞌtəl ꞌpa d-ar-ɛ gə njeka̰ykulaje gə kɛm na: Ngan ko̰-sijee, ɗi ɓa ja ɗa wa?

Koula 4:31

Logə ꞌdəji Luba to gə be ɗaa, lo gə d-ar kəne ye ɗig-ɗig ɗaa Njil Njerɔsangə ɗusu mə-je tɔ̰y ngaɓa d-ila mbərə tar lə Luba gə ɓəəl ang.

Koula 5:33

Logə d-o tarje gə njeka̰ykulaje ꞌpa to gə be ɗaa mə-je o̰je ngaɓa ꞌsangəje ɗəw mba tɔl-je.

Koula 7:38

Logə ꞌmbo̰ naa mə ndag lo gə le, ꞌne nee ja anji pa sə-a tar dɔ ər gə Sinayi, ngaɓa gə ka ka-sijee, ꞌne gə n-ta tarje uji dɔ təbə n-ar-si.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

1 Corinthiendjé 1:24

Be ja kara, nje gə ꞌɓar-je, Jiibije ang nəm, gə dəwje gə ꞌgərə Luba ang nəm le d-o Kirisi gə singamongə lə Luba ngaɓa gə kəm karə lə Luba tɔ.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Ephésiendjé 5:13

Ngaa, neje gə nee tɔ̰y le, ɓo ꞌkila gəl-e gə ɗaga kɔdɛ-kɔdɛ ɗaa, to ɗaga arə ngadə tɔ.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Ephésiendjé 6:17

unje jɔgə kaji ji-si gə naa gə kara baa gə kiya bayi lə Njil gə to gə tar lə Luba.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

Ebərəje 13:7

Ar-je mə-si ole dɔ njekɔr no-sijee gə ꞌpa tar lə Luba d-ar-si, ꞌtənje pa nja-je saar ce ne dɔ ndɔ yo-je gə ɗaa ꞌndəjije takagə lə-je.

Ebərəje 6:5

ꞌna tar lə Luba d-o ɗɔdə ngaɓa ꞌgərəje singamongə gə ɔji dɔ ndɔ gə bara nam,

Jacques 1:18

Mə njigi lə-a ɓa n-uji ne si gə go ɗəw tar gə tɔgərɔ, mba kar j-a to neje gə dɔngɔr horo nekundaje gə lə-a (dɔngɔr nekundaje gə Mbede pa le uji dɔ takagə Jeju ose Luba).

1 Piyɛr 1:23

Sisəy gə ꞌtəl d-uji-si to gə sigi ɗəw gə lə ko ne gə a busu ang, ngaa ɗəw gə lə ko ne gə a to saar gə no, gə to tar lə Luba gə to kəm baa ngaɓa a kunda nangə ndɔ kara ang;

Apocalypse 1:16

n-uwa ndɛ̰ndərɛ̰ndɛ̰je siri ji-a gə kɔl gə, ngaɓa kiya bay gə t-ɛ adə pəm-pəm ɓe joo ce kil-e gə, cibi ta kəm-e ndogo to gə kar gə ila nangə ladə-ladə be.

Apocalypse 19:15

Kiya bayi gə t-ɛ adə pəm-pəm ce t-ɛ gə, ye ɓa n-a tuji ne gəl kujije. N-a kul-je gə kagə ngaw lar, n-a kunda dura kodo wungu gə to ɓəl ya̰ lə Luba gə njesingamongə, gə gɔl-ɛ kila.

Apocalypse 19:21

Nje gə kɛm ɗaa, ꞌtɔl-je gə kiya bayi gə ce ta njekal kunda gə le, ɗaa əlje tɔ̰y d-o̰ yo-je d-ar mə-je ci.

Apocalypse 2:16

Be ɗa ꞌturu kəji lə-i. Be ang nama m-a ɗe ɓə lə-i ɓisine baa, ɗaa m-a ɗɔ gə je gə tar gə ta-m gə gə to gə kiya bayi.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.

Apocalypse 20:4

M-o ngəndəng mbayje, ngaɓa nje gə d-isi dɔ-ɛ gə le d-ar-je ɗəw mba kar gangə ne tar. Cibi m-o kəm nje gə ꞌtuga gɔbə-je gə cina ꞌgangə mba tar naji lə Jeju, gə mba tar lə Luba, ngaɓa nje gə ꞌpolo da kɔr gə njil-e ang, ngaɓa nje gə bəngə ji da, gə njil-e godo ɓida noje gə ji-je gə kara m-oje tɔ. ꞌTəl d-aw kəm baa ngaɓa d-o̰ ɓe gə Kirisi ɓal tɔl-tɔl dɔg lo kara.