Ebərəje 4:11 - Mbede Lə Luba Kone Gə Sigi

¹¹ Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Testament ke Siki 1960 (Kabba Laka)

¹¹ Tokou ban ase kare djèdjè nda ngeng ta kande loou kwaa rò té nèn, baa ta kare mare kada oso ang, deo ko tar té ang tokou dèdè.

Ebərəje 4:11 Iomraidhean Croise

Matiye 11:12

Un kud-e dɔ ndɔje gə lə Ja̰ Njeɗabatɛm saar ce ne dɔ kar gə j-ar kəne nee ja, dəwje ꞌcila kəm tar ɓeko̰ gə dara gə singa, ɗaa njesingaje ɓa ꞌnar ꞌta.

Matiye 7:13

Andəje gə ta ɗəw kəy gə njondəro̰ mba ta ɗəw kəy gə tadə ngaɓa ɗəw gə to bəndəng le aw gə lo tuji gə, ɗaa ye ɓa dəwje bula d-andə ne.

Lugu 13:24

Uwaje rɔ-si kɔgərɔ andəje gə ta ɗəw kəy gə njondəro̰. M-pa m-ar-si, dəwje bula d-a sangə ɗəw mba kandə, ngaa d-a kasə ang.

Lugu 16:16

Un kud-e dɔ torondu gə lə Moyiji gə pajambərəje saar ce ne dɔ kar-ɛ gə lə Ja̰ Njeɗabatɛm gə əng le, Tar gə May gə ɔji dɔ ɓeko̰ lə Luba le d-ila mbər-e, ɗaa dəw gə ɗa-ɗa ja kara unda singa-a dɔ rɔ-ɛ gə mba kandə kəne.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Koula 26:19

Gəl-e gə ne ɓa mbay Agiripa, m-ɗa dɔ ngangə gə ne gə ḭ dara gə m-o lokiya gə le ang,

Ephésiendjé 2:2

gə kede ləw ꞌnjaje kəne, logə ꞌnayje ne gə go pa nja gə dɔ nangə gə nee, mbay dɔ njilje gə njeko̰ dɔ loje, ꞌne gə njil gə nee, gə ɓisine n-aw ɗa kula rɔ njekal tarje gə.

Ephésiendjé 5:6

May kar dəw kara kara ərə si gə tar paje gə baa gə nangə əng ang; mba neje gə to gə be le ja ɓa wungu lə Luba ɗe ne dɔ nganje lə njekal tarje gə.

Philippiendjé 2:12

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja,

Colossiendjé 3:6

Gəl-e gə nee ɓa wungu lə Luba ɗe ne dɔ dəwje gə nje dɔ ngangəje gə.

Tite 1:16

ꞌƊa rɔ-je to to gə dəwje gə gərə Luba be ngaa kula ɗa-je gə kṵra̰y ja d-a gərə-je ne. ꞌToje yɛm gə nje dɔ ngangəje ngaɓa d-asə ɗa ne gə may kara ang.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 3:18

Nje gə ɗa ɓa n-ugu rɔ-ɛ n-ar-je na d-a kila gɔl-je lo kuwa kɔr gə lə-a ang le wa? N-ugu rɔ-ɛ n-ar njekunda tarje le ang cibi wa?

Ebərəje 4:6

Be ɓa, d-ɔr ta ɗəw d-ar nje gə kɛm kar d-andə kəne ja ngaa, nje gə Tar gə May nee oso mbi-je gə dɔngɔr ja d-andə kəne ang mba ko tar ang lə-je,

Ebərəje 6:11

Ngaa sijee j-a njigi ya̰ mba kar na-na kara uwa gədərə dɔ kula gə nee le, mba kar ne kunda mə lə-a ɔr ne sṵra̰ njal,

2 Piyɛr 2:6

To gə ɓo n-tuji ɓeboje gə Sɔdom je gə Gɔmɔr gə pər mba kar to nekɔji mar-ɛ mba nje ɓəəl Luba angje gə ndɔ gə bara,