Ebərəje 3:6 - Mbede Lə Luba Kone Gə Sigi

⁶ Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Testament ke Siki 1960 (Kabba Laka)

⁶ A Christ to ndjè mè ndaa kaï mè kei té lo Allah tokou ngon ndja. Ke djèdjè nto kei la, tokou djèdjè djwaa ngeng sar doutou ndò, ke mè koso pon ke mè ngebe ke djèdjè ndoi ròdjè kendé.

Ebərəje 3:6 Iomraidhean Croise

Matiye 10:22

Dəwje tɔ̰y d-a njigi-si ang gə kɔrɔ ja mba tar lə-m; ngaa dəw gə uwa gədərə saar ce ɗud-e gə ɓa a kinga kaji.

Matiye 16:18

Be ɓa ꞌma ja m-pa m-ar-i to gə ꞌi ꞌto Piyɛr, dɔ ər gə m-a kunda gəl Mbo̰ naa lə njetakagəje lə-m kəne, singamongə lə nje gə jabaw a kasə ɗa sə-a ne kara ang.

Matiye 24:13

Ngaa dəw gə uwa gədərə saar ce ɗud-e gə ɓa a kinga kaji.

Romaindjé 11:22

May kar o məmay lə Luba gə mongə lə-a, ngaɓa mongə lə-a gə ɔji dɔ nje gə d-oso, ɗaa n-ɗa sə-i məmay, ngaa to gə ɓo isi dan məmay gə nee le dɔ-i gə kede ang nama ꞌi kara d-a kɔr-i gə gugu tɔ.

Romaindjé 12:12

ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Galatedjé 6:9

May kar-si j-ɔrəje dɔ neɗa gə may gə ang; mba dɔ kar-ɛ asə nama j-a kunjaje kand-e to gə ɓo j-ar njang dɔ-ɛ gə.

Ephésiendjé 3:12

Mba ɗəw gə lə-a ꞌne, ngaɓa gə go ta gə ja ta kag-e le ɗaa, dɔ-si to ne doy mba ɗəm ne gə rɔ Luba gə gə ɓəəl ang.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

1 Thessaloniciendjé 5:16

Ar-je rɔ-si ləl-si jaga-jaga.

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 3:15

Ngaa to gə ɓo, kuru-m əw njɛ̰ nama, ꞌi ja a gərə ɗəw gə a ngom nee rɔ-i mə kəy gə lə Luba, gə to Mbo̰ naa lə njetakagəje lə Luba gə Nje kisi kəm baa, ꞌNe gə to nje kɔsə kudu tar gə tɔgərɔ nəm ngaɓa nje ta dɔ tar gə tɔgərɔ nəm tɔ.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.

Ebərəje 10:19

Be ɓa ngan ko̰-mje, məsə Jeju ɔr ta ɗəw kandə no ngɔ losangə gə ila tagəra kar j-andə kəne gə ɓəəl ang,

Ebərəje 10:21

ɗaa d-unda buba njekapolo dɔ kəy gə lə Luba d-ar-si.

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 10:35

Undaje mə-si gə maj-ɛ dɔ kuga gə lə-si, ɓo ḭya̰je go-e ang!

Ebərəje 11:1

Takagə to ne gə kəm dəw o ang ja ngaa unda m-e kəne to gə ne le ga̰ tɔgərɔ ja.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

Ebərəje 4:16

Be ɓa j-ulaje kudu-si gə kede gə ɓəəl ang, gə mbɔr ngəndəng mbay mənuji gə, mba kinga ne məmay, gə mənuji ngaɓa mba kar logə ne dum dɔ-si nama, n-la gə si kəne.

Ebərəje 6:11

Ngaa sijee j-a njigi ya̰ mba kar na-na kara uwa gədərə dɔ kula gə nee le, mba kar ne kunda mə lə-a ɔr ne sṵra̰ njal,

Ebərəje 6:18

be ɓa ɗəw gə lə neje gə joo gə ndu-e a turu kəne ang mba Luba asə pa tar gə ɗəgərə ang, a kar singa gə boy, ngaɓa lokiya rɔ mba cḭya̰ ne dɔ ne kunda mə gə d-uwa dɔ gɔl-ɛ d-ar-si.

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.

1 Piyɛr 1:8

O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 4:17

Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa?

Apocalypse 2:18

ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee:

Apocalypse 2:25

Ne kara baa le, ne gə sisəy ingaje le, uwaje ngangə saar mba kar-m m-ɗe.

Apocalypse 2:26

Dəw gə cɛɗə ɗɔ, ye gə ngom kula ɗaje lə-m saar ɔr sṵra̰ nama, m-a kar-ɛ singamongə ko̰ dɔ gəl kuji dəwje.

Apocalypse 3:11

M-a ɗe ɓisine. Uwa ne gə inga le gaa mba kar dəw kara kara ta dɔ gugu lə-i ang.