Ebərəje 2:9 - Mbede Lə Luba Kone Gə Sigi

⁹ Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.

Testament ke Siki 1960 (Kabba Laka)

⁹ A djèdjè djo Jésus, nè ke Allah doukou tar la ko angedjé té ngadji mbata ndò kada kada, nounda né ndokoo ke piti dè té mbata lo yo ke nè no ndooè, baa ta karè deo tokou mè madji té lo Allah, nè nase naa yo mbata dooudjé toï.

Ebərəje 2:9 Iomraidhean Croise

Matiye 16:28

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko-m ꞌma gə Ngon lə dəw gə m-a ɗe gə Mbay gə boy gə kəm-je.

Matiye 6:28

Ngaa se mba ɗi ɓa ꞌnoje rɔ-si mba kubu kula-si wa? Aje lo oje pudu kiro gə aw uba mə ndɔɔ gə: ꞌƊa kula ang nəm, d-uji kubu ang nəm;

Marəke 9:1

Jeju təl pa ar-je ja cibi na: Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar, d-a ko ɓeko̰ lə Luba gə a ɗe gə singamongə gə kəm-je.

Lugu 9:27

Tɔgərɔ, m-pa m-ar-si, nje gə kɛm gə d-ar horo-si gə nee d-a kuy ang saar d-a ko ɓeko̰ lə Luba gə kəm-je.

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 10:17

Bɔ dəwje ɓol-m mba m-ḭya̰ təbə lə-m m-ila kɔrɔ ɓa m-təl m-inga to gə ɗangə ɓi.

Jean 12:32

Ɗaa ꞌma le, logə d-a kun-m dɔ nangə gə nee kunda-m tar ɗaa, m-a ndɔr dəwje tɔ̰y gə rɔ-m gə.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Jean 8:52

Be ɓa Jiibije ꞌpa d-ar-ɛ na: Ɓisine j-a gərə to gə njil gə kṵra̰y ula gərəng mə-i gə. Abəraham uy ngaɓa pajambərəje kara nəm tɔ, ɗaa ꞌI, ꞌpa na: To gə ɓo dəw um m-e dɔ-m gə nama a ko yo gə kəm-e ang ja saar!

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Koula 3:13

Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar.

Romaindjé 5:18

Be ɓa, kal tar gə kara ja tar uwa ne dɔ dəwje tɔ̰y, ɗəw kara baa ja tɔ ɓa neɗa gə gadə-gadə kara baa ja tura dəwje tɔ̰y gə dəwje gə gadə-gadə ngaɓa ar dəwje tɔ̰y d-aw ne kəm baa.

Romaindjé 5:8

Ngaa, ɗəb-e gə nee ɓa Luba tɔji ne njigi gə n-njigi sijee, logə j-a to njeneɗaje gə kṵra̰y baa ɓi ja, Kirisi uy mba-si.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

2 Corinthiendjé 5:15

n-uy mba dəwje tɔ̰y, mba kar nje gə d-isi kəm baa le, d-isi kəm baa ɔji dɔ ꞌjeje ja ang saar, ngaa d-isi kəm baa mba ɔji dɔ dəw gə uy ɓa ndol mba tar lə-je.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

1 Timoce 2:6

gə iya̰ rɔ-ɛ to nekuga dɔ dəwje. Ye ɓa to tar naji gə Luba tɔji dɔ kar gə Luba ɔji.

Ebərəje 1:9

Ne gə dana gadə-gadə ɓa ꞌnjigi, ɗaa ꞌnjigi ne gə dɔ buguru ang gə kɔrɔ; Gəl-e gə nee ɓa, əy Luba, Luba lə-i um ne ubu dɔ-i gə Ubu rɔləl gə n-um dɔ-i gə le, n-unda-i ne dang gə njeba-ɛje lə-i.

Ebərəje 10:5

Gəl-e gə nee ɓa logə Kirisi a kaw ɗe dɔ nangə gə nee le pa na: Nepolo ta kəm-i ang nəm, nenuji ta kəm-i ang nəm; Ngaa ꞌi unda darɔ-m.

Ebərəje 11:5

Gə go takagə ɓa d-un ne Enɔgə kəm baa lal kar-ɛ uy, ar d-o-e ang magə, mba Luba un-e. Mba nam ɓa kar d-un-e le, ꞌɗa tar naji lə-a to gə n-ta kəm Luba.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 2:7

ꞌI ar-ɛ n-oso kul no anjije gə kur-e əw ɓəəl baa be, Ula rɔnduba dɔ-ɛ gə ngaɓa ꞌɗɔy-ɛ,

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Ebərəje 8:3

Buba njekapolo gə ɗa-ɗa kara d-unda mba kar un nenuji gə nepolo, be ɓa may kar k-ɛ ꞌne gə n-a kun ga̰ ja tɔ ɓa.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Jean 2:2

Ɗaa ꞌne n-un rɔ-ɛ gə nepolo n-uga nee dɔ neɗa gə kṵra̰y dɔ-si gə, dɔ-sijee gə ɓa gə kar-si baa ang, ngaa dɔ dəwje tɔ̰y gə dɔ nangə nee.

Apocalypse 19:12

Kəm-e to to gə pər gə o̰ lam-lam be. Jɔgə mbay bula to dɔ-ɛ gə, ngaɓa ꞌɗa ri kara rɔ-ɛ gə, gə dəw kara kara gərə ang, ɗaa ꞌne ja baa.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.