Ebərəje 2:11 - Mbede Lə Luba Kone Gə Sigi

¹¹ Mba ꞌne ja ɓa n-togo-je n-ar d-ar ngadə ngaɓa ꞌjejee gə d-ar ngadə le, ngira-je kara baa ja. Gəl-e gə nee ɓa n-ɓar-je ngan ko̰-e nama rɔ kul uwa-a ang,

Testament ke Siki 1960 (Kabba Laka)

¹¹ Nè ke nare dooudjé dé madji, ke dèdè ke ntéh ndé madji mbä, dèdè ntéh mè koubou té ke kadaba. Mbata yèn ròkoul dè ang ta bardè ngaköè.

Ebərəje 2:11 Iomraidhean Croise

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 28:10

Ɗaa Jeju pa ar-je na: ꞌƁəəlje ang, awje aw paje ar-je ngan ko̰-mje ar-je d-aw dɔ nangə Galile: Ye ɓa d-a kinga-m kəne.

Marəke 3:34

Cibi n-təl n-un kəm-e n-a ne nje gə d-isi ꞌgugu dɔ-ɛ le ɗaa, n-pa na: Oje, ko̰-mje je gə ngan ko̰-m ɓa d-isi nee.

Marəke 8:38

Be ɓa, dəw gə ɗa rɔ kul mba-m ngaɓa gə mba tarje lə-m horo dəwje gə ɓogəne gə ꞌto nje ɓogo lo toje gə njeneɗaje gə kṵra̰y nee le, ꞌma gə Ngon lə dəw kara logə m-a ɗe dan rɔnduba gə lə Bɔ-mje naa gə kara gə anjije gə njerɔsangəje nama, m-a ɗa rɔ kul mba tar lə-a tɔ.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Jean 20:17

Jeju pa ar-ɛ na: Ɔr rɔ-m ang, mba m-aw ɓə lə Bɔ dəwje ang baa ɓi. Ɗaa aw inga ngan ko̰-mje ꞌpa ar-je to gə m-aw gə rɔ Bɔy gə, gə Bɔ-sisəy-je gə ngaɓa Luba lə-m gə Luba lə-sisəy tɔ.

Koula 17:26

N-ɗa n-ar gəl kuji dəwje gə d-isi dɔ nangə nee gə lo-lo le, gar-je kara baa ja, n-ɔji dɔ ndɔje gə ɗəw nim ɓeje lə-je,

Koula 17:28

Mba mbɔr dɔ-ɛ ꞌne ɓa d-inga ne təbə ja nja ne gə dəwje ngaɓa j-unda ne rɔ-si. Ye ja tɔ to tar gə njeno̰paje lə-si gə kɛm ꞌpa na: Ja to ngan m-e ja tɔ.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Ebərəje 10:10

Be ɓa gə go mə njigi gə nee le ꞌtogo-si ne, gə mbɔr dɔ darɔ Jeju Kirisi gə un gə nenuji, gɔl kara ja gə dɔbo̰.

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 11:16

Ngaa ɓisine ɗaa mə-je to dɔ ɓe gə may gə, gə to ɓe gə dara. Gəl-e gə nee ɓa ꞌɓar Luba gə Luba lə-je nama, o gə ne rɔ kul ang; n-gɔl ɓe mba je.

Ebərəje 13:12

To gə be ɓa Jeju kara ꞌtɔl-ɛ gir ɓe gə ɗaga ɓa togo ne dəwje gə məs-e.

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

Ebərəje 3:1

Gəl-e gə nee ɓa, ngan ko̰-mje gə njerɔsangəje, sisəy gə Luba ɓar-si gə njeba kulaje le, may kar oje Jeju gə j-a gər-eje ɗang-ɗang le, to gə Luba ja ula-a gə njeka̰ykula ngaɓa gə buba njekapolo le, ꞌne ja n-to gəl takagə lə-si.