Ebərəje 2:10 - Mbede Lə Luba Kone Gə Sigi

¹⁰ Be ɓa ꞌne gə neje tɔ̰y ɗe ɗəw gə lə-a ngaɓa neje tɔ̰y to ɔji dɔ-ɛ, cibi n-ar ngan-ɛ bula d-inga rɔnduba ɗaa nje gəl kaji lə-je n-ar-ɛ ɗe gə dəw gə may pɛdə ɗəw ko ꞌməsərə gə.

Testament ke Siki 1960 (Kabba Laka)

¹⁰ Mbata to madji mbata la, nè ke né toï to mbata la, ke né toï dé deo té la, ke nè ke ndé ke ngandjé baya ndokoo té, ta kare ndjè gel kadji lodè dé ase toï deo ko ndoo té.

Ebərəje 2:10 Iomraidhean Croise

Lugu 13:32

Jeju pa ar-je na: M-ula-si kar aw paje ar-je dəw gə nje ɗa gusu to gə nja nee le na: O, m-tɔbə njilje gə kṵra̰y, m-ɔr rɔko̰ rɔ dəwje gə ɓogəne gə bara, ndɔ gə njekum gə munda ɗaa m-a kunda ngang-ɛ.

Lugu 2:14

Riɓar to dɔ Luba gə mə sam dara gə taar, Ɗɛgɛgɛ to dɔ nangə nee, horo dəwje gə ꞌta kəm-e!

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Jean 11:52

Ngaɓa gə mba gəl kuji Ijirayɛl ja gə kar-ɛ baa ang, ngaa gə mba mbo̰ ne nganje lə Luba gə ꞌsɛ̰rɛ̰ naa le dɔ naa gə gə darɔ gə kara baa.

Jean 19:30

Lo gə Jeju ibi man bḭyə̰ nee le ɗaa pa na: Ne tɔ̰y aw lo-e gə ngaa. Ngaɓa n-ula dɔ-ɛ nangə ɗaa, kəm lə-a ce.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 9:23

Ngaɓa mba kar ꞌgərə ne nebaw riɓar lə-a gə ɔji dɔ bayje gə kar məmay gə gə n-gɔl kede mba rɔnduba.

1 Corinthiendjé 2:7

Ngaa j-a pa tar kəm karə lə Luba, gə to ne gə to lokiya gə, gə d-iya gə kiya, gə Luba uwa dɔ gɔl-ɛ kede ləw-ləw baa mba riɓar lə-sijee,

1 Corinthiendjé 8:6

be ja kara kar-sijee le, Luba kara baa ɗəgədə, Bɔ dəwje, gə neje tɔ̰y ḭ rɔ-ɛ gə ngaɓa j-a to njeka-ɛje, ngaɓa Mbayɓe kara baa, Jeju Kirisi gə ne tɔ̰y ɗe ɗəw gə lə-a ngaɓa mbɔr dɔ-ɛ ɓa j-aw ne kəm baa.

2 Corinthiendjé 3:18

Sijee tɔ̰y gə ta kubu nee godo kəm-si gə le, j-a tɔji riɓar lə Mbayɓe gə ɗaga ta kəm-si gə to gə tatara gə dəw o ne rɔ-ɛ be. Mbayɓe gə to Njil mbəl si ar j-a ta sə-a naa dan riɓar gə ɔsə dɔ naa gə kede-kede.

2 Corinthiendjé 4:17

Mba nekəmandooje gə ɗa si dɔ ndɔ gə ɓisine nee le, kur-e a kəw ang, ngaɓa ɔlɛ pɛl-pɛl baa, gə asə kuwa kɔji ne riɓar gə ndɔ gə ndɔ gə to gə ndər-e baa, gə nekəmandooje nee gɔl ɔji dɔ-si.

2 Corinthiendjé 5:18

Neje gə nee le ḭ rɔ Luba gə, ꞌne gə n-um naa gə gə sijee ɗəw gə lə Kirisi, ngaɓa n-ar-sijee kula kum dəwje naa gə.

2 Corinthiendjé 6:18

M-a to bɔ-sijee, Ɗaa sisəy a toje gə ngan-mje gə jingaw gə nje gə jene. Mbayɓe gə njesingamongə pa be.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Ephésiendjé 2:7

mba kar dɔ ndɔ gə bara nama, tɔji ne gadə mənuji lə-a gə unda kubu ɗəw məmay gə lə-a ɔji dɔ sijee gəl Kirisi Jeju gə.

Ephésiendjé 3:10

mba kar ɗəw gə lə mbo̰ naa lə njetakagəje ɗaa, nje dum dɔ loje gə singamongəje gə mə dara gə ꞌgərə ne kəm karə lə Luba gə to gə lo-e ɓədə-ɓədə bula ya̰ ɓisine,

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 6:20

j-andə logə Jeju andə kəne mba-si gə njekɔr no-si, təl ne buba njekapolo gə gə ndɔ gə ndɔ gə ɗəw gə gəl Mɛləkisedɛk gə.

Ebərəje 7:26

Buba njekapolo gə to gə be ja ɓa a la gə si: n-to njerɔsangə, tar uwa dɔ-ɛ ang, n-mina ang, n-to dang gə njeneɗaje gə kṵra̰y ngaɓa d-un-e d-unda dɔ dara gə taar,

Ebərəje 7:28

Be ɓa torondu lə Moyiji unda dəwje gə darɔ-je mbɔr-ɛ gə buba njekapoloje, ngaa naji gə Luba naji go torondu gə le ɗe unda Ngon gə ɗe gə dəw gə may pɛdə gə dɔbo̰.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

Apocalypse 4:11

Mbayɓe Luba lə-si, kəm kar-i inga rɔnduba, kəm ɗɔy-i gə kəm kar-i inga singamongə mba ꞌi ja unda neje tɔ̰y, gə go mə njigi lə-i, ɗaa neje nee le ꞌga̰ ngaɓa ꞌi ja unda-je.

Apocalypse 7:9

Go-e gə gugu, m-a lo m-o ɗaa, a o, bula dəwje gə bo ya̰ gə dəw kara kara a kasə tura-je ang, d-ḭ gə gəl kuji tɔ̰y, gə gəl kuji dəwje, dəw mə ɓeje bula ya̰, gə ndo̰ tarje d-ar no ngəndəng mbay gə gə no ngon badəm gə, d-ula-je kubuje gə ngal yududu gə nda. D-uwa kam kagə ji-je gə,