Ebərəje 13:21 - Mbede Lə Luba Kone Gə Sigi

²¹ may kar n-ar-si singa ɗa ne tɔ̰y gə may mba ɗa ne mə njigi lə-a; may kar n-ɗa ne gə ləl-e mə-si gə ɗəw gə lə Jeju Kirisi, gə rɔnduba to k-ɛ gə ɓalje ɓalje! Oyo!

Testament ke Siki 1960 (Kabba Laka)

²¹ Aresè né ke madji toï ta da tokou mèa ndiki, ke nda mèsè té né ke to madji kèmè té deo té lo Jésus Christ, nè ke ndokoo to la ke ndò ke ndè. Amen.

Ebərəje 13:21 Iomraidhean Croise

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 21:31

Horo nganje gə joo nee le, na ɓa ɗa mə njigi lə bɔ-ɛje wa? D-ila-je kəne na: Ye gə dɔngɔr. Ɗaa Jeju təl pa ar-je na: Tɔgərɔ, m-pa m-ar-si, njembo̰ lar gədə ɓeje gə jene kayaje d-a ce mə ɓeko̰ gə dara no-si gə kede.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Matiye 7:21

Dəw gə pa t-ɛ gə na: Mbayɓe, Mbayɓe baa ɓa a kandə ne mə ɓeko̰ gə dara ang, ngaa dəw gə ɗa mə njigi lə Bɔy gə isi mə dara gə ja ɓa a kandə ɓeko̰ gə lə-a.

Jean 17:23

M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.

Jean 7:17

To gə ɓo dəw njigi mba ɗa mə njigi lə Luba nama, a gərə to gə netɔji gə nee le ḭ rɔ Luba gə ose, to ꞌma ɓa m-pa tar gə dɔ rɔ-m wa?

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 16:27

May kar rɔnduba to kar Luba gə nje kəm karə gə kar-ɛ baa ja gə ɓal-ɓal ɗəw gə lə Jeju Kirisi! Oyo!

2 Corinthiendjé 9:8

Luba asə kar-si nemayje dang-dang, mba kar ingaje ne ne gə ndɔje tɔ̰y gə a la gə rɔ-si, ngaɓa ye gə nay ji-si gə ya̰ le a kuwaje ne nuji tɔ,

Galatedjé 1:5

May kar riɓar to dɔ Luba gə gə ndɔ gə ndɔ! Oyo!

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Ephésiendjé 2:18

Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 2:11

ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

Philippiendjé 2:13

mba Luba ja ɓa ɗa kula mə-si mba kar ꞌɗaje ne ne gə m-e njigi gə maj-ɛ.

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

Colossiendjé 3:20

Nganje, dan neje gə tɔ̰y le, ilaje kuji dɔ njekuji-sijee gə, mba ye gə kən ja ɓa may ta ne kəm Mbayɓe gə.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

1 Thessaloniciendjé 4:3

Ne gə Luba njigi le, to sangə rɔ lə-si, kar ɔsəje kaya ngərəng,

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

2 Thessaloniciendjé 2:17

ꞌkul mə-si gə d-ila singa dɔ mar-ɛ gə d-ar-si, ꞌɗaje ne ne gə may lo kula ɗa gə lə-si tɔ̰y, gə lo pa tar gə lə-si tɔ̰y tɔ.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

1 Timoce 6:16

ꞌNe gə kar-e baa n-to Njekuy ang, ꞌNe gə n-isi dan ndogo gə dəw ila gɔl-ɛ kəne ang. Lo gə dəw o ang ngaɓa dəw a kasə ko ang nəm. Riɓar gə singamongə gə ndɔ gə ndɔ to gə k-ɛ. Oyo.

2 Timoce 3:17

be ɓa mba kar dəw lə Luba a to ne dəw gə ꞌgɔl-ɛ mba ɗa ne kula gə may tɔ̰y.

2 Timoce 4:18

M-gərə to gə Mbayɓe a kɔrə-m dan neɗaje gə kṵra̰y gə tɔ̰y ɗaa a kaji-m mba kar-m m-andə mə ɓeko̰ gə lə-a gə dara. May kila riɓar dɔ-ɛ gə gə ɓal-ɓal ja! Oyo!

Ebərəje 10:36

Ne gə kəm kar-si ꞌɗaje ja to kuwa gədərə, mba logə ꞌɗaje mə njigi lə Luba nam ɗaa a kingaje ne gə d-uwa dɔ gɔl-ɛ mba-si ja.

Ebərəje 12:23

andəje lo mbo̰ naa gə lə ngan dərje gə d-unda rije mə dara gə, ar-je rɔ Luba gə nje gangə tar dɔ dəwje gə tɔ̰y, gə dɔ njil dəwje gə Luba oje gadə-gadə gə ꞌɗe gə dəwje gə may pɛdə.

Ebərəje 12:28

Gəl-e gə nee ɓa mba j-ingaje ɓeko̰ gə a yə ang le ɗaa j-a ɗaje Luba oyo, gə ɓəəl gə kila kuji ngaɓa j-a polo-eje ne.

Ebərəje 13:16

Be ɓa ar-je mə-si uy dɔ ɗa may gə gə la gə dəwje ang, mba nepoloje gə to gə be le ɓa ləl Luba.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 4:2

mba kar ɓo neje gə darɔ gə d-ɔ̰ dɔ-ɛ ang ngaa, ngaa kar ndɔ kisi kəm baa lə-a nay ɓi nama mə njigi lə Luba ɓa n-ɗa.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

1 Jean 2:17

Ɗaa neje gə dɔ nangə nee a nday gə ɓo-e tɔ̰y; ngaa dəw gə nje ɗa mə njigi lə Luba a kisi kəm baa gə ndɔ gə ndɔ.

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.

Jude 1:25

ꞌne gə Luba gə gə kar-ɛ baa gə n-to njekaji-si ɗəw gə lə Jeju Kirisi, Mbayɓe lə-si, may kar riɓar, gə ri mbay, gə singa ko̰ɓe gə singamongə to k-ɛ lo kuma kudu ne gə, ɓisine ngaɓa gə, gə ndɔ gə ndɔ! Oyo!

Apocalypse 4:6

No ngəndəng mbay gə le, ne to kəne ta naa gə babo gə arə kə̰rə̰rə̰ to gə ər gə ɓar-ɛ kirisital be. Dan ngəndəng mbay gə dana, gə gir-e gə kɔr-kɔr le, daje sɔɔ gə d-uba kəm-je no-je gə kede nəm gugu nəm njḭ d-isi kəne.

Apocalypse 5:13

Ɗaa nekundaje tɔ̰y ja gə mə dara gə, gə dɔ nangə, gə gəl nangə gə, ngaɓa babo gə neje tɔ̰y gə to kəne le, m-o ndu-je ꞌpa na: Dəw gə isi dɔ ngəndəng mbay gə je gə Ngon badəm le ndu tɔr, ɗɔy, riɓar gə ko̰ ɓe to kar-je, gə ndɔ gə ndɔ.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.