Ebərəje 13:18 - Mbede Lə Luba Kone Gə Sigi

¹⁸ ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.

Testament ke Siki 1960 (Kabba Laka)

¹⁸ Edoudjidjé Allah mbata lodjè, mbata djèdjè ngeré djéh ke kedji né geré ke madji, ke djèdjè ndiki ta da madji mè né té toï.

Ebərəje 13:18 Iomraidhean Croise

Koula 23:1

Kəm Pɔl to gə dɔ nje gə no ngɔ gə nda̰a̰ ngaɓa pa na: Ngan ko̰-mje, m-nja no Luba gə gə kəji gə may ja saar ce ɓogəne.

Koula 24:16

Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang.

Romaindjé 12:17

ꞌDalje ba̰a̰ məyɛr gə dəw ang. ꞌSangəje ne gə may no dəwje gə tɔ̰y.

Romaindjé 13:13

Ar-je si j-a njaje gə njekəm karəje, to to gə dəw gə nja dan kara be, j-ɔsəje ne neje gə to nee rəw: Mbula nekusa, mbə kodo, ɓogo lo to gə bula njagəda, ma̰y tar gə nər mə.

Romaindjé 15:30

Ngan ko̰-m, m-ndəji-si gə ri Mbayɓe lə-si Jeju Kirisi ngaɓa gə go njigi lə Njil, kar ilaje dər mar-ɛ gə ar-mje, ɗəw dəji gə a dəjije Luba gə mba-m,

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

Colossiendjé 4:3

ꞌDəjije mba sijee tɔ, mba kar Luba ɔr ta ɗəw pa tar ar-si, mba kar m-ila ne mbərə lə Kirisi gə dəwje ꞌgər-e ang ɓi, mb-ɛ ye ja ɓa d-uwa-m ne d-ila-m ne kəy kula gə,

1 Thessaloniciendjé 4:12

mba kar pa nja-si unja ngadə kəm dəwje gə ɗaga gə ngaɓa kar undaje mə-si dɔ dəw gə ang.

1 Thessaloniciendjé 5:25

Ngan ko̰-mje, ꞌdəjije Luba mba sijee tɔ.

2 Thessaloniciendjé 3:1

Ngan ko̰-mje, tar gə j-a pa tɔl ne t-ɛ ɗaa, ꞌdəjije Luba ɔji dɔ-si, mba kar tar lə Mbayɓe ta lo gə ngɔdə baa, ngaɓa d-ila riɓar dɔ-ɛ gə to gə d-ila ne riɓar dɔ-ɛ horo-sisəy gə be tɔ.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.

1 Piyɛr 3:21

To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.