Ebərəje 13:16 - Mbede Lə Luba Kone Gə Sigi

¹⁶ Be ɓa ar-je mə-si uy dɔ ɗa may gə gə la gə dəwje ang, mba nepoloje gə to gə be le ɓa ləl Luba.

Testament ke Siki 1960 (Kabba Laka)

¹⁶ Eoidjé ta da mè madji ang, ke eoidjé ta kare né ang, mbata né polo tokou ban nèl Allah nya.

Ebərəje 13:16 Iomraidhean Croise

Lugu 18:22

Go tar lə-a gə Jeju o ɗaa, təl pa ar-ɛ na: Ne kara nay ɓi; aw odo neje lə-i tɔ̰y ꞌɗabə n-ndogo ɓo ḭya̰ lar-ɛ aw ꞌkay njendooje, ɗaa a kinga nebaw mə dara gə, ɓo ꞌɗe uwa go-m.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 9:36

Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm.

Romaindjé 12:13

May kar-si ꞌlaje gə njerɔsangəje gə neje gə d-aw ndoo-e. May kar uwa-je mbaje gə kede-kede.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Galatedjé 6:6

May kar dəw gə ꞌtɔj-ɛ ne nama, kay ta nemayje lə-a tɔ̰y ar dəw gə nje tɔj-ɛ ne le.

Ephésiendjé 4:28

Dəw gə kede to gə nje ɓogo nama, may kar ḭya̰ ɓogo lə-a gə no-ɛ ngaa; ɗaa may kar ula rɔ-ɛ ndubu ɗa kula gə ji-a ye ja, gə kəji gə dana gadə mba kinga ne ne, la ne gə dəw gə ndoo ne to-e.

Philippiendjé 4:14

Be ja kara may ya̰ mba oje kəmtondoo lə-m dan neməko̰ gə.

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

2 Thessaloniciendjé 3:13

Kar-sisəy ɗaa, ngan ko̰-mje, oreje kəm-si dɔ may aw ɗaje gə.

1 Timoce 6:18

Ula-je mba kar-je ꞌɗa may, mba kar ꞌto baw neɗaje gə may. D-un ne d-ar gə məmay ngaɓa d-a to gə njekay ne dəwje pə-pə.

Pilimo 1:6

May kar takagə lə-i gə j-a ɗa mə kara kəne le ɓar mii ɗəw gərə ne tɔy gə may ɔji dɔ sijee mba Kirisi.

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.

3 Jean 1:11

Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.