Ebərəje 12:25 - Mbede Lə Luba Kone Gə Sigi

²⁵ Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

Testament ke Siki 1960 (Kabba Laka)

²⁵ Ngemidjé mbata mbetidjé nè ke mpa kesè ang, mbata tokou dèdè daïn saria leo ang, tokou dèdè mbeté nè ke ndedjidè nange nèn, djèdjè dja kaïn ngadji goto tokou djèdjè mbeté nè ke mpa tar loou té ke dara.

Ebərəje 12:25 Iomraidhean Croise

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 8:4

Cibi ɓa Jeju təl pa ar-ɛ na: ꞌNgom ta-i, ɓo ꞌpa ar dəw ang, ɗaa ɔdə aw ar njekapolo o-i, ngaɓa aw un nepolo to gə Moyiji pa tar-ɛ mə mbede gə le, mba kar to tar naji ar-je ꞌgərə to gə rɔ-i arə ngadə.

Koula 7:35

Moyiji gə nee le ja ɓa ꞌmbad-ɛje ꞌpa-je ne tar na: Na ɓa unda-i mbay gə nje gangə tar dɔ-si gə wa? ꞌNe ja Luba ula gə mbay gə njekɔr-je kila-je tar ɗəw gə lə anji gə ce bus mə ko bul gə.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

2 Timoce 4:4

ngaɓa d-a kudu mbi-je jigi dɔ tar gə tɔgərɔ gə ɗaa tarje gə baa ɓa d-a tuga mbi-je gə kəne.

Ebərəje 1:1

Kede ləw le, Luba pa tar ar ka-sijee gə ndu pajambərəje gə ɗəwje dang-dang gɔl bula,

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

Ebərəje 12:19

kuul gə ɓar ang nəm, ndu gɔsə dəw gə ɓar gə nje gə d-o ꞌpa na asə ngaa.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 3:17

Nje gə ɗa ɓa wungu to-e dɔ-je gə ɓal dɔg sɔɔ wa? Wungu to-e dɔ njeneɗaje gə kṵra̰y gə d-uy mburugu-mburugu ndag lo gə le ang wa?

Ebərəje 8:5

ꞌJejee nee le ꞌpolo ne gə to ndaji ne, gə njil neje gə tɔgərɔ gə dara, be ɓa Moyiji kara Luba ndəj-e, logə n-a kaw ɗa kəy kubu le na: O, ɓo ꞌɗa gə go ji-a gə ꞌtɔ-ji dɔ ər gə le.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.

Apocalypse 22:9

Ngaa n-pa n-ar-m na: Əw rɔ-i polo-m! M-to gə njeba kula lə-i gə njeba-ɛ lə ngan ko̰-i pajambərəje, gə nje gə ꞌngom tarje gə to mə mbede gə nee. Luba ɓa ꞌpolo-e.