Ebərəje 12:2 - Mbede Lə Luba Kone Gə Sigi

² kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Testament ke Siki 1960 (Kabba Laka)

² Djounda kemdjè do Jésus té, nè ke nto ndjè gel tar ko mè té, ke ndjè da ase toï, nè ke no ndoo kake dèse té mbata rònèl ke to nèè té, nè no ròkoul to né ang, ke nè nisi do dji kòl ngèndé té lo Allah.

Ebərəje 12:2 Iomraidhean Croise

Matiye 16:21

Uma kud-e dɔ ndɔ-ɛ əng ja Jeju un kudu tɔji ne ngan njenendoje lə-a: To may kar n-aw Jerujalɛm mba ko ꞌməsərə ji buba ɓeje gə nəm, gə ji buba njekapoloje gə ngaɓa gə ji njekɔr gəl toronduje gə nəm tɔ. D-a ɗa kar ꞌtɔl ꞌne ngaɓa ndɔ gə njekum gə munda nama n-a təl ndol ɓi.

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Marəke 14:36

N-pa na: Bɔy, Bɔy, neje tɔ̰y to tar lə-i ja, ɔsə ngo kay ne nee ta-m gə ngərəng gə ɗangə. Be ja kara, to gə mə-i ja njigi, ɓo ꞌma ang.

Marəke 15:28

Be ɓa mba kar tar gə mbede pa aw ne lo-e gə: ꞌTura-a horo njeneɗaje gə kṵra̰y.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Marəke 9:12

Jeju ila-je kəne na: Eli a ɗe kede ja ɓa gə mba gɔl neje tɔ̰y. Ngaa mba ɗi cibi ɓa ꞌɗa mə mbede gə na ꞌne Ngon lə dəw n-a ko ko̰ ne ya̰ ngaɓa d-a dab-ɛ dasəra le wa?

Marəke 9:24

Be ɓa gə tɔg-ɛ baa ja bɔ ngon je le uru ꞌkuwi na: M-ta kag-i! Ɗe ta-m ta məkədərə gə lə-m!

Lugu 17:5

Njeka̰ykulaje ꞌpa d-ar Jeju na: Ar singa takagə gə lə-si oso dɔ mar-ɛ gə.

Lugu 23:11

Erɔdə gə njeɗɔje lə-a kara, d-a Jeju mbɛ̰ ngaɓa d-unda-a ꞌkogo ne tɔ; d-ula-a kubu gə may kəm-kəm ɗaa, Erɔdə ar-je ꞌtəl d-aw sə-a ɓə lə Pilad gugu.

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Jean 1:29

Lokar-ɛ ɗaa, Ja̰ o Jeju aw ɗe gə ɓə lə-a ɗaa, pa na: Oje Ngon badəm lə Luba gə a kɔr neɗa gə kṵra̰y lə dəwje gə dɔ nangə gə nee.

Jean 12:24

Tar gə tɔgərɔ ja, m-pa m-ar-si, to gə ɓo kandə ko gə ri-a na bəle, gə oso nangə le uy ang nama, to gə kar-ɛ baa, ngaa to gə ɓo uy nama unda mbənji-mbənji.

Jean 12:32

Ɗaa ꞌma le, logə d-a kun-m dɔ nangə gə nee kunda-m tar ɗaa, m-a ndɔr dəwje tɔ̰y gə rɔ-m gə.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

Jean 8:56

Ka-sisəy Abəraham inga rɔləl unda ne m-e gə mba ko ndɔ ɗe lə-m: N-o ndɔ-ɛ le tɔ ɗaa, rɔ-ɛ ndɔɔ saw-saw.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Koula 5:41

Njeka̰ykulaje nee le d-ɔdə no ngɔ gangə tar gə lə Jiibije nee le gə rɔləl mba ko gə Luba oje to gə d-asə kar ꞌɗa-je məyɛr mba ri Mbayɓe.

1 Corinthiendjé 1:18

Tar gə ɔji kagə dəsə le, to tar mbə baa kəm nje gə d-inga tuji gə, ngaa kəm sijee gə j-inga kaji ɗaa to gə singamongə lə Luba.

1 Corinthiendjé 1:23

Ngaa sijee le, Kirisi gə ꞌɓər-e kagə dəsə gə ɓa j-ila mbər-e, ye ja to gəl koso lə Jiibije ngaɓa dəwje gə ꞌto Jiibije ang gə d-o gə tar mbə.

Ephésiendjé 2:16

Ngaɓa gə mba kum neje naa gə gə Luba gə ꞌjejee gə joo gə ꞌtəl ꞌto gə darɔ gə kara nee le, kar ɗəw gə lə kagə dəsə ɗaa, kudu ne buwa ba̰a̰ nee le gə ɗangə.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Philippiendjé 1:6

M-gərə gə maj-ɛ to gə ꞌye gə un kudu kula gə may mə-si gə le, a kaw ne saar mba tɔl t-ɛ ndɔ təl gə lə Kirisi Jeju.

Philippiendjé 3:20

Kar-sijee ɗaa, ɓe lə-si to dara; lo gə j-a ngina Mbayɓe Jeju Kirisi ɓa gə Njekaji-si kəne,

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 1:13

Ngaɓa anji gə ɗa ɓa horo mar-eje gə n-pa n-ar-ɛ ndɔ kara na: Isi dɔ ji kɔl-m gə nee, Saar kar m-turu njeba̰a̰je lə-i kar-i n-nja dɔ-je gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 10:14

Mba gə go nepolo gə kara baa ja n-təl ne njekɔr ne tar neɗa gə kṵra̰y dɔ-je gə gə dəwje gə may pɛdə gə dɔbo̰.

Ebərəje 10:33

ꞌtaji-si gə d-ula kəm-si ndoo gadəmagay gə, ngaɓa ɗa gə ɗa si to gə be le, təl to gə mə kara gə ꞌɗaje gə nje gə ꞌɗa-je to to gə bənəng tɔ.

Ebərəje 11:36

Nje gə ꞌɗa-je ꞌkogo ne gə ꞌlabə-je tarara-tarara, ꞌtɔ-je gə kula lar ngaɓa d-umje kəy kula gə.

Ebərəje 12:3

May kar ar-je mə-si ole dɔ-ɛ ꞌne gə njeneɗaje gə kṵra̰y ꞌnjigi-e ang gə kɔrɔ ja ngaa n-uwa gədərə, ɗaa ar-je mə-si ila kasə ang.

Ebərəje 13:13

Be ɓa ar-si j-a ceje j-aw j-inga-aje gir ɓe gə ɗaga, j-ar d-ila rɔ kul dɔ-si gə to to gə ꞌne be tɔ.

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

Jacques 2:1

Ngan ko̰-mje, takagə Mbayɓe lə-si Jeju Kirisi gə njerɔnduba gə ꞌtaje le, ꞌjungərije gə kɔr kəm dəwje ang.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

Jude 1:21

Iyaje rɔ-si mə njigi gə lə Luba, nginaje ne məmay lə Mbayɓe lə-si Jeju Kirisi gə ar-si təbə gə gə ndɔ gə ndɔ.

Apocalypse 1:11

pa na: Ne gə o gə kəm-i nee le, ꞌɗa mə mbede gə kara, ɗaa ula ne ar mbo̰ naa lə njetakagəje gə siri gə to mə ɓeboje gə Epɛs, gə Isimirənə, gə Pɛrəgam, gə Tiyatir, Sarədə gə Piladɛləpi, ngaɓa gə Lawdise.

Apocalypse 1:17

Lo gə m-o-e ɗaa, m-oso nangə no gɔl-ɛ gə to gə dəw gə uy be, ɗaa n-ila ji kɔl-ɛ dɔ-m gə ngaɓa n-pa na: ꞌƁəəl ang, M-to dəw gə dɔngɔr gə dəw gə njekudu bo̰,

Apocalypse 1:8

Mbayɓe Luba pa na: M-to Aləpa gə Omega, lo kuma kudu ne gə lo tɔl ngangə ne, dəw gə nje ga̰, gə ga̰ kede ləw baa, dəw gə a ɗe, njesingamongə gə dum dɔ lo.

Apocalypse 2:8

ꞌƊa mbede ar Anji lə Mbo̰ naa lə njetakagəje gə Isimirənə: A o tar gə dəw gə dɔngɔr gə dəw gə njekudu bo̰ pa, ye gə uy ɓa təl ndol aw kəm baa: