Ebərəje 12:16 - Mbede Lə Luba Kone Gə Sigi

¹⁶ Oje gə maj-ɛ mba kar dəw kara ja kara aw gə bula njagəda ang nəm, gə dəw gə njedabə ne lə Luba dasəra to to gə Esaw be ang, mba n-to ngon dəər ngaa n-uwa mbəl ne nekusa.

Testament ke Siki 1960 (Kabba Laka)

¹⁶ Ta kare doou kada to ndjè kaiya aséh ndjè mbeté Allah ang, tokou Esaü ke ndoko dere la mbata mourou ke kaa kada.

Ebərəje 12:16 Iomraidhean Croise

Marəke 7:21

Mba mə dəw gə kəy, dɔ ɓəngər-e ja ɓa kəjije gə kṵra̰y, kaya, ɓogo, tɔl dəw,

Koula 15:20

Ngaa kəm ɗa mbede ndəji-je ne kar d-a rɔ-je dɔ neje gə uwa yoro gə: magəje, gə kaya, gə daje gə ꞌmundu-je ꞌtɔl-je gə kusa məsə.

Koula 15:29

Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.

1 Corinthiendjé 10:8

J-unje rɔ-si j-a ɗaje ne kaya to to gə nje gə kɛm horo-je gə kede d-un rɔ-je ꞌɗa ne ɓa dəwje tɔl-tɔl dɔg lo dɔg joo gə gir-je gə tɔl-tɔl dɔg lo munda d-uy ndɔ kara baa be.

2 Corinthiendjé 12:21

M-ɓəəl mba logə m-a ce ɓə lə-si nama Luba a kḭ kila rɔ kul dɔ-m gə mba sisəy, kar man no a ndogo-m ɔji dəwje bula gə kede ꞌto nje gə ɗa neɗaje gə kṵra̰y, ɗaa ꞌturu kəji lə-je dɔ ne gə mina gə ang nəm, gə dɔ kaya gə ang nəm ngaɓa dɔ to bula njagəda gə ang nəm tɔ.

Ephésiendjé 5:3

May kar kaya, gə wə̰rə̰ kaya gə neje tɔ̰y gə ɔji dɔ-ɛ, ose ɓo lar ɓar ri-si kara be ang; neje ne le uwa ba-ɛ gə njerɔsangəje ang baa;

Ephésiendjé 5:5

Mba, may kar ꞌgərəje gə maj-ɛ, njekaya gə ɗa-ɗa ose njewə̰rə̰ kaya ose ɓərə lə ɓo neje, gə to gə nje polo magə le, nenduba lə-a godo mə ɓeko̰ gə lə Kirisi je gə Luba.

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

1 Timoce 1:9

ngaɓa j-a gərə-je to gə Luba un torondu le mba dəw gə gadə-gadə ang. Ngaa n-un torondu nee le mba njekal tarje, nje dɔ ngangəje, njeməndulje gə njeneɗaje gə kṵra̰y, dəwje gə ꞌɓəəl Luba ang, dəwje gə ꞌɓəəl ne le Luba ang, nje tɔl bɔ-jeje gə ko̰je-je ngaɓa gə nje tɔl dəwje,

Ebərəje 13:4

May kar-sisəy tɔ̰y ja ꞌɗɔyje ta naa, ngaɓa ɔsəje ɓogo lo to ngərəng. Mba Luba a gangə tar dɔ bula jagədaje gə gə dɔ nje ɓogo lo toje gə.

Apocalypse 21:8

Ngaa njeɓəəlje, nje məkədərəje, dəwje gə ngabula, nje tɔl dəwje, jərje, njembɛ̰je, nje polo magəje, gə nje tar gə ɗəgərəje tɔ̰y le, kar-je to dang pər gə o̰ bilim-bilim, gə dan sori gə: ye gə ne le to gə yo gə njekum gə joo.

Apocalypse 22:15

Bisije, njembɛ̰je, njekayaje, nje tɔl dəwje, nje polo magəje ngaɓa na-na ɓa gə njigi tar gə ɗəgərə ngaɓa to gə nje p-ɛ le, d-a tɔbə-je kum-je ɗaga.