Ebərəje 12:15 - Mbede Lə Luba Kone Gə Sigi

¹⁵ May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Testament ke Siki 1960 (Kabba Laka)

¹⁵ Ngemidjé madji ta kare tòkou mè madji lo Allah dou doou kada ang, ke ta kare ngira mè katé käng téh ang, ke are tar ï, ke maredjé nya dé madjang deoè té.

Ebərəje 12:15 Iomraidhean Croise

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

1 Corinthiendjé 10:12

Be ɓa, may kar dəw gə əji to gə n-ar taar nama o gə maj-ɛ mba a ce koso.

1 Corinthiendjé 13:8

Njigi to saar-saar gə no. Be ɓa tarje gə pajambərə pa, a kunda nangə, ndo̰ tarje a kunda nangə, gərə ne a kunda nangə.

1 Corinthiendjé 15:33

Ərəje rɔ-si ang: Riya gə adə le unda mar-ɛje gə may mə jo gə.

1 Corinthiendjé 5:6

Kɔsə gaji rɔ lə-sisəy le, kud-e arə ang! Guway kodo njɛ̰ baa ja ꞌmbɔ̰y ne mbə ɗaa, mbə ḭ ne tɔ̰y le ꞌgərə-je ang wa?

2 Corinthiendjé 13:5

May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

Galatedjé 2:13

Jiibije gə kɛm kara ꞌɗa to gə ꞌne be, d-ar Barənabas kara ndəji kəm-je to ne njetar mula tɔ.

Galatedjé 5:4

Sisəy gə ꞌsangəje mba kar d-o si gə dəwje gadə-gadə ɗəw torondu gə le, horo-si riya dana gə Kirisi, ngaɓa ꞌlalje mənuji.

Ephésiendjé 5:3

May kar kaya, gə wə̰rə̰ kaya gə neje tɔ̰y gə ɔji dɔ-ɛ, ose ɓo lar ɓar ri-si kara be ang; neje ne le uwa ba-ɛ gə njerɔsangəje ang baa;

Colossiendjé 3:5

Ar-je ɓo neje gə nangə nee uy mə-si gə: ɗa kaya, wə̰rə̰ kaya, ɓo neje gə uwa darɔ ɓərə, ɓo neje gə kṵra̰y ngaɓa ɓo lar gə to polo magəje.

Tite 1:15

Ne tɔ̰y arə ngadə mba dəwje gə d-ar ngadə tɔ ngaa njeminaje gə nje məkədərəje le negərə lə-je gə kəji lə-je kara mina tɔ.

Ebərəje 3:12

Oje gə maj-ɛ ɓa, ngan ko̰-mje, kar dəw kara horo-si gə m-e ndul gə takagə lə-a godo ngaɓa mbadə Luba gə nje kisi kəm baa ang.

Ebərəje 4:1

Ar-si j-a ɓəəlje ɓa, mba dɔ gɔl lo kuwa kɔr lə-a gə n-uwa le to kɔb ɓi ɗaa, may kar dəw kara horo-si gə əji to gə n-lal ɗɔdə ang.

Ebərəje 4:11

Be ɓa ar-si ja ndəbə-je ndəbə kandə lo kuwa kɔr gə kən le, mba kar dəw kara ja kara ndəji kəm ko tar ang gə njekara le ja uba ne tuji to gə ka-sijee ang.

Ebərəje 6:11

Ngaa sijee j-a njigi ya̰ mba kar na-na kara uwa gədərə dɔ kula gə nee le, mba kar ne kunda mə lə-a ɔr ne sṵra̰ njal,

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

2 Piyɛr 2:18

ꞌPa tarje gə baa ja d-ɔsə ne rɔ-je ngaɓa gə go ɓo neje gə darɔ gə d-ərə ne nje gə kar be ɓi ɓa ꞌkɔdɛ rɔ-je d-ɔr ji njendəəmje gə;

2 Piyɛr 3:11

Mba neje nee tɔ̰y d-a kaw kunda nangə to gə be le ɗaa, may kar pa nja-si to gə losang-ɛ gə kila kuji dɔ ne gə lə Luba.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

2 Jean 1:8

Undaje kəm karə dɔ rɔ-si mba kar kandə kula lə-si tuji ang, ngaa mba kinga ne dɔ ji gə maj-ɛ.