Ebərəje 12:14 - Mbede Lə Luba Kone Gə Sigi

¹⁴ May kar-si ꞌsangəje go ɗɛgɛgɛ mba kar to horo-si gə gə dəwje tɔ̰y ngaɓa sangə rɔ godo nama dəw a ko kəm Mbayɓe ang.

Testament ke Siki 1960 (Kabba Laka)

¹⁴ Edaidjé ta kisi ke mè woul ke dooudjé toï ke mè ke madji toï, mbata doou ke éh né ang a ko Mbaibé Seigneur ang.

Ebərəje 12:14 Iomraidhean Croise

Marəke 9:50

Kadə to ne gə may ja; ngaa to gə kadə ləl ang le se d-a ɗa ban ɓa kar a təl ləl wa? Ar-je ta-si ləl to gə kadə be, ngaɓa ar-je ɗɛgɛgɛ to horo-si gə gə yo gə nee.

Lugu 1:75

A to-je gə losang-ɛ ngaɓa a to-je dana gadə-gadə no-m gə gə ndɔje tɔ̰y gə a ɗa-je dɔ nangə nee.

Romaindjé 12:18

To gə ɓo ɗəw to, gə to ne gə kəm kar-si ꞌɗaje nama, ar-je ɗɛgɛgɛ to horo-si gə gə dəwje tɔ̰y.

Romaindjé 14:19

Be ɓa may kar-si ja sangəje ne gə ɔsə kudu ɗɛgɛgɛ gə ne gə a kar-si singa gə yo gə nee.

Romaindjé 6:22

Ngaa ɓisine, d-ɔr-si ji neɗa gə kṵra̰y gə ɗaa ꞌtoje ɓərəje lə Luba, kula ɗa sisəy ce gə sangə rɔ ngaɓa a ce dɔ təbə gə gə ndɔ gə ndɔ gə.

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

1 Corinthiendjé 13:12

Ɓogəne j-o lo gə tatara ɗaa j-o lo arə ngadə ang ngaa j-a ko gə kəm-si nda̰-nda̰ ja ɓi. Ɓogəne m-gərə tɔ̰y ang ngaa m-a gərə tɔ̰y to gə ꞌgərə-m ne be ja ɓi.

2 Corinthiendjé 6:17

Gəl-e nee ɓa, Mbayɓe pa na: ꞌCe-je horo-je gə gə gugu, Ɔrəje rɔ-si gə ɗangə, ꞌMbɔ̰bə-je mbɔr ne gə mina ang Ɗaa, m-a kuwa-si gə rɔ-m gə

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 3:21

Se torondu tila kəm ndu kunje gə Luba uwa dɔ gɔl-ɛ wa? Bənəng ang baa! To gə Luba a kaji dəw ɗəw torondu gə nama, neɗa gə gadə-gadə a ɗe ɗəw torondu gə ja tɔgərɔ.

Ephésiendjé 5:5

Mba, may kar ꞌgərəje gə maj-ɛ, njekaya gə ɗa-ɗa ose njewə̰rə̰ kaya ose ɓərə lə ɓo neje, gə to gə nje polo magə le, nenduba lə-a godo mə ɓeko̰ gə lə Kirisi je gə Luba.

Philippiendjé 3:12

Ə̰ə̰ə̰, m-pa na m-ce kəne nam ose m-arə ngadə nam ngaa ang, ngaa m-aw ndole go-e gə ndole ja ɓi ɗaa, m-unda mə-m mba kuwa gə ji-m ja, mba ꞌma kara Kirisi Jeju ula ji-a uwa-m ne tɔ.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

1 Thessaloniciendjé 4:7

Mba Luba ɓar-si mba kar j-a to dəwje gə mina ang ngaa kar j-a to gə losang-ɛ.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

1 Timoce 6:11

ꞋI dəw lə Luba le, may kar a̰y neje nee le. May kar ꞌsangə ne gə gadə-gadə, ɗəw kila kuji dɔ ne gə lə Luba, takagə, njigi, kuwa gədərə ngaɓa gə mə gə kul lom.

2 Timoce 2:22

Ar ɓo neɗa gə kṵra̰y gə dɔ basa̰ gə o̰ dɔ-i ang, ɗaa sangə go neɗa gə gadə-gadə, gə takagə, gə njigi, ngaɓa ar mə-i to ɗɛgɛgɛ gə dəwje tɔ̰y gə d-aw no ꞌɓar ne Mbayɓe gə mə gə arə ngadə.

Ebərəje 12:10

Bɔ-sijee-je le ꞌsiri-si kur-e əw ang baa mba d-o gə ne gə may; ngaa Luba siri-si mba may lə-si gə tɔgərɔ, mba kar j-um ne sə-a naa gə ɗəw sangə rɔ gə.

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

1 Piyɛr 3:11

May kar n-ɔsə ne gə kṵra̰y ngərəng ɗaa ne gə may ɓa n-ɗa, May kar n-sangə ɗɛgɛgɛ ngaɓa n-ndole go-e nəm;

1 Piyɛr 3:13

To gə ɓo kəji ɗa may uwa mə-si le se, na ja ɓa a ɗa si məyɛr wa?

2 Piyɛr 3:11

Mba neje nee tɔ̰y d-a kaw kunda nangə to gə be le ɗaa, may kar pa nja-si to gə losang-ɛ gə kila kuji dɔ ne gə lə Luba.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.

3 Jean 1:11

Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.