Ebərəje 11:7 - Mbede Lə Luba Kone Gə Sigi

⁷ Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

Testament ke Siki 1960 (Kabba Laka)

⁷ Deo ko mè té, bel da Noé tokou Allah ndedjè do né té ke kem wo ang bai, nè ntòl to ta kadji noudjoudjé la, deoè té nè ngange saria do nange té nèn, ke nè ndé ndjè kwaa né ndouba né ke gaté gaté ke dé deo ko mè té.

Ebərəje 11:7 Iomraidhean Croise

Matiye 2:12

Be ɓa Luba pa ar-je gə ni na d-əw rɔ-je təl gə ɗəw gə ɓe lə mbay Erɔdə, ɗaa ꞌjeje kara ꞌtəl gə ɗəw gə ɗangə ja d-aw ɓe lə-je tɔ.

Matiye 24:15

Gəl-e gə ne ɓa, logə a koje nje ɗa nekɔbə gə to nje tuji lo a ɗe kisi lo gə to gə losang-ɛ gə, to gə pajambərə Daniyɛl pa tar-ɛ. A ɓo dəw gə tura nama, sangə ɗəw mba gərə gəl tar gə nee le.

Matiye 24:25

M-pa tar-ɛ kede nam.

Matiye 24:38

To gə dɔ ndɔje gə kede nam ɓa gə kar man bələm ta lo le, dəwje d-usa gə d-ay, ꞌta naa ngaɓa d-ar nganje kara ta naa nəm saar ndɔ gə Nowe andə ne mə to gə;

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Lugu 17:26

Ne gə ce dɔ ndɔ gə lə Nowe le, a ɗe ɗəw kara baa to gə dɔ ndɔ gə lə ꞌma gə Ngon lə dəw tɔ.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

Romaindjé 10:6

Ngaa, oje ɗəw gə neɗa gadə-gadə ɗe ne gə go takagə le ɓa to nee: Əw rɔ-i dəji rɔ-i tar mə-i gə na: Na ɓa a kḭ kaw dara wa? Mba ɗa kar Kirisi ɗisi ɗe nangə nee wa?

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

Romaindjé 4:11

Be ɓa d-ar-ɛ ndaji kunja bərə le gə bəngə ji gadə-gadə lə-a ɗəw takagə gə, ɗaa go-e gə ngaɓa d-unja bər-e ɓi. To gə be ɓa n-təl to ne bɔ ꞌjejee tɔ̰y gə ꞌta kagə, ngaɓa d-unja bərə-je ang ja ngaa ꞌtura-je gə dəwje gə gadə-gadə,

Romaindjé 4:13

Mba gə go ɗəw gə lə torondu ang, ngaa gə go ɗəw gə to gadə-gadə ɗəw takagə gə ɓa d-uwa ne dɔ gɔl dɔ nangə ja tɔ̰y gə nenduba d-ar Abəraham ose d-ar gəl kuji lə-a.

Romaindjé 9:30

Ɗi ɓa ja pa ɓi wa? Dəwje gə to Jiibije ang gə ꞌsangə go gadə-gadə ang ja, d-inga-a, gadə-gadə gə ɗe gə go takagə,

Galatedjé 5:5

Kar-sijee le, j-a ngina gə takagə ɗəw Njil gə mba kar d-o si gə dəwje gə gadə-gadə, ye ɓa gə ne gə m-ngəɓə.

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

Ebərəje 11:1

Takagə to ne gə kəm dəw o ang ja ngaa unda m-e kəne to gə ne le ga̰ tɔgərɔ ja.

Ebərəje 12:25

Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

Ebərəje 5:7

ꞌNe ja, logə n-aw dɔ nangə nee taar ɓi le, n-uru ꞌkuwi ɓolong gə man no, gə n-dəji Luba ngaɓa n-ɗa ne ndoo no-ɛ gə mba kar t-ɛ ta yo gə. Be ɓa gə go kila kuji lə-a ɗaa Luba o ndu-e ja,

Ebərəje 8:5

ꞌJejee nee le ꞌpolo ne gə to ndaji ne, gə njil neje gə tɔgərɔ gə dara, be ɓa Moyiji kara Luba ndəj-e, logə n-a kaw ɗa kəy kubu le na: O, ɓo ꞌɗa gə go ji-a gə ꞌtɔ-ji dɔ ər gə le.

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

2 Piyɛr 2:5

to gə ɓo nekundaje gə dɔ ndɔ gə kede ləw kara n-ɔr kəm-je ang, dɔ ndɔ gə n-ar man bələm ta ne nekundaje gə ta kəm-e ang. Ngaa dəwje ji nay jo baa ɓa n-gom-je, gə dəw kara horo-je gə ri-a na Nowe, njekila mbərə ne gə gadə-gadə.

2 Piyɛr 3:6

ngaɓa gə go neje gə kara baa nee le ja, man ta ne dɔ nangə gə kede ar ꞌtuji ne;